هل توقف الموضوع بهذا الشكل..وين البنات..يالله شاركونا.

انا زوجة اخ واخت زوج والحمد لله ما احب اتدخل بحياة اخواني لا انا ولا خواتي ولا امي حتى كل واحد بكيفه اهم شيء الله يوفقه والمفروض كل وحده تهمها سعادة اخوها ما تحاول تسبب مشاكل لاخوها من تحت راسها لان اي مشكله ماراح ياكلها الا هالمسكين ( الاخو ) لان زوجته بتزعجه ياخذ حقها وبتحاول تكرهه باخته اللي مسويه لها مشكله فالحل خلوووووووو اخوانكم وزوجاتهم في حاااااالهم وانووا الخير فانكم بخير ما دمتم تنوون الخير .. واما اخوات زوجي ففيهم الطيب وفيهم الحاسد ومالي الا ظواهرهم واوكل سرائرهم الى علام الغيوب من احسنت لي اسال الله لها الخير ومن اساءت لي اسال الله ان يكفيني اياها ويشغلها في نفسها عني ..

شوفي حبيبتي أنا عندي زوجات اخوان وأخوات زوج بس كل وحدة لها مكانة وحب غير الثانية يعني زوجات اخواني غير عن بعض وأخوات زوجي غير عن بعض
بس بأقرقر عليكم باللي في خاطري
أولا زوجات اخواني طبعا حبي لهم مختلف كل وحدة وتصرفاتها فمثلا إذا الوحدة بتطلع هي وزوجها والله عاااادي لكن لو قالت لنا اطلعوا معانا أكيد راح يزيد غلاها ولو زعلت ليه نطلع بدون ما نقول لها مع إنها هي تروح وتجي على كيفها ما تفكر تقول لنا أكيد راح ينقص قدرها عندنا
وشي ثاني اللي إذا دار بيننا وبينها كلام أو شافت مننا تصرف كتمته غير عن اللي ترركض تقوله لزوجها اللي هو أخوي بحذافيره غير عن اللي تنقله وبتحريف وفهم على كيف كيفك!!!!!!!
وشي ثالث اللي إذا بغت تجي اعتبرت إن بيتنا له حق الخصوصية ودقت علينا قبل ماتجي غير عن اللي شايفة بيتنا حديقة مجانية متى ما بغت دخلت وما ندري إلا وهي وسط البيت مع إننا تمر سنوات ما شفنا بيتها!!!!!!!
وشي رابع اللي إذا بغت تسير والا تتسوق دقت وقالت الله يجزاكم خير ودي أحط عيالي عندكم غير عن اللي ما ندري إلا هي حاطه عيالها وهم ما شاء الله 5 أو 6 وأحيانا ناوين على طلعة وننحرم منها عشانهم!!!!!!
وشي خامس .......خلاص عاد أنتم افهموها يعني إنا ما بينا مشاكل أوشي وإنما اللي تحترمنا أكثر نحبها أكثر

وثانيا أخوات الأزواج نفس الشي مختلفين يعني اللي لما أروح لهم تجي وتسلم علي وتجلس معي غير عن اللي أروح وهي عند أهلها وأشوف عيالها وأسمع صوتهاه لكن سلاااام مافيش>>>> ياكافي ليه أنا باكلك؟!
واللي تتعامل مع أخوها اللي هو زوجي عادي غير عن اللي تتدلع عليه وتحن وترن وأي شي تقوله له (يعني أشياء الوحدة ممكن تقولها لأختها عادي لكن أخوها عيييب) وتخليه يمشور بها مع إنها متزوجة وإذا جت من سفر دقت عليه تعال سلم علي لو إننا في نصف الليل والا الفجر>>>يا اختي اصبري شوي لاحقين الصباح رباح
واللي تتعامل معاك بأريحية غير عن اللي مقتضبة وتسأل زي ما تبي ولا تسألينها عن شي

وبشكل عام أتوقع إن الزوج له دووور كبير في المسألة سواء هنا والاهنا يعني إذا كان الأخ (الزوج) يدلع أخته ويجاملها على حساب زوجته أكيد الزوجة بتكرهها >>>>لا تقلون ما لها ذنب لها ذنب ونص لأنها 99% هي اللي تعينه على هذا
واعذروني عله كثرة الهذر بس أعجبتني السالفة وقلت أدلي بدلوي>>>>>واضح إن هالدلو مقاسه XXXXXL
وسلامتكم

الحمد لله علاقتي ويا حريم اخواني سمن على عسل ((الله لا يغير علينا إن شاءا لله))

وشي طبيعي يكون في اختلاف في وجهات النظر بس الحمد لله عمرنا مازعلنا من بعض
واخوي العود متزوج من 8 سنين والثاني من 7 سنين واحسهن شرات خواتي واكثر

لاتخافين طيبات القلب كثير