هاااي يا بنات ايه اخباركوا اليوم؟؟؟؟
احييكي عالفكره يا مدام وائل لان فعلا كلنا بننسى القران و نفتكره بس في رمضان بس ان شاء الله نشجع بعض

حبيبتى مدام وائل المكعبات يتاعة الهدوم دي تلاقيها عند محلات العطور والبخور و الفواحات بس ريحتها رووووعة .. الحقيقة انا كنت شارياها من الحسين ومنظف الزجاج اسمه ويندكس وسعرة اعتقد فى حدود سبعة جنيه .

طب يا بنات مصر الحلوين .. مين فيكم جربت بودرة التلميع .. اسمها ليم من شركة كلينا المشهورة طبعا والله يا بنات تجنن بتخلى الحوض الاستانلس زى الفضه وشويه منها مع الصابون للحمامات بتخليها تلمع .. وللكوبايات الزجاج بقى جربوها وها تدعولى وسعرها مش هاتصدقوه .. جنيه ونصف والعلبه كبييييييييرة وطويله ولونها اصفر والله بتفضل عندى بالشهور .

ايه ياجماعه هانبدا الحفظ من بكره ماشي مدام وائل وارجو عفو ربي دعاء الكروان عطر نانا شيماء ايه ماشي اول خمس ايات من سورة البقره

فيه حاجه بسيطه حابه اضيفها وهى تجديد النيه

انا بنضف البيت علشان ايه من هنا تقدرى تحولى العاده لعباده بالنيه
يعنى مثلا فى تنضيف البيت نيتك(ان النبى صلى الله عليه وسلم وصانا (فنظفوا افنيتكم ولاتشبهوا باليهود)
البيت المسلم لازم يكون شعار النظافه وتكونى قدوه حسنه وف نفس الوقت ادخال السرور على قلب زوجك وولادك بالنظافه

وهكذا ايه رايكم نتعلم نجدد نيتنا مع بعض علشان حتى المجهود الشاق اللى بنعمله فى بيوتنا ناخد عليه ثواب والمبالغ اللى بندفعها لشراء مساحيق الغسيل والمنظفات ناخد عليها ثواب

اما القران فحرام قوى نفتكره كل رمضان انا باشعر بالذنب لو عدى يوم من غير قراءة القران الذكر والقران بيحولوا البيوت لجنه لا المفروشات الفخمه ولا النظافه الزايده تقدر تسعدك

ايه رايكم انتم وقت الترويق والتنظيف نستغله بسماع القران او سماع محاضره دينيه حتى وقتنا نكون استفدنا منه فعلا