الله يجزاكن خير على الفائده

مدام وائل انت اللي وحشتينا ..............انا بامانه اديت السجاد للبواب يغسله لان هايبهدل الشقه لو غسلته ولميت الستاير تتغسل وماسكه اوضه اوضه بدات باوضه غسلت الشباك والبلاكونه بتاعتها غسلتهم بطريقه ظريفه فضات ادلوق مايه كتير وجبت قماشه وضلت امسح فتحه فتحه فيه وطلع طبعا طين اد كدا لان المايه مش بتنزل التراب كله والبلاكونه نضفتها الاول من التراب اللي في الشيش بتعها وجبت اسفنجه اللي هيه الطريه دي وبمايه فقط عشان مايجيرش ومسكت فتحه فتحه امسحها بس مش بغرق احط الاسفنجه في المايه واعصرها كويس وامسح بيها والغدا كونا متغدين عند حماتي واكلنا فراخخخخخخخخخ ومكرونه بالبشاميللللل ومحشييييي وملوخيههههههه وانتممممم لاااااهههه

اه نسيتتتت اقول والحلو شربنا شاي وبعدين موز وبليل كلنا تورته بالشيكولاته مع شاي بلبن انا مش قصدي اغيظكم بس يعني عايزه بس اعرفكم عملت ايه النهارده

بالف هنا وشفا

وعليكى الدور ترودى عزومتهم يا ايجيبت يالا قوليلنا الاخبار

صباح الخير يا حلوين بقالي يومين مش عارفه اكتب كلمة يا دوب اخش ابص بصه و الاقي حد في قفايا بتعملي ؟؟؟؟؟؟؟؟؟؟؟؟؟؟؟
الجمعة بابا يقولي يا بنتي اقعدي معانا و السبت و الله ما قعدتش كان ورايا شغل كتيراوي
مدام وائل نورتي فينك يا ستي تغيبي علينا و ترجعي بافكار تجنن ........حلوة فكرة المكرونه عايزة اقوللك ماما بتعملها من زمان و انا مش كنت بارضا كنت اقوللها لا ح تطلع وحشه بس فعلا لما جربتها لقيتها احلى كتير من الاكياس و مش بتتهري بسرعة و تنشي و خلاص و فعلا طعمها احلى .....الله ينور عليكي يا جميلة
الف مبروك مقدما ع الديب فريزر بس عايزة اقوللك على حاجة اوعي تجيبي الاسكا هو اه منتشر و كل اللي بيشتري ديب بيشتريه بس ده مش معناه انه الاحسن واحده صاحبتي اشترته و انا مش حاساه حلوة تحسيه صناعته مش تمام و من اول يوم جابت بتاع الصيانه علشان يظبط لها الارفف و الادراج و قاللها ده عيب في الصناعة يعني مش تمام النوع ده ...ضحي شويه في السعر و هاتي حاجة تعيش ده مبداي في الاجهزة عموما لاننا بندفع فيها فلوس كتير و مش كل يوم بتشتريها ....