الف سلامه على ماما يافطوم::::::مدام وائل انا باءه حاسه انها حاااااااااااااااااااااملللللللللللللل ::::::::::::::::::::::عطر ممكن تعمليه خوشاف وحطيه في الفريزر

عطر نسيت اقولك اغسليه بسائل المواعين عشان بيبقى مرشوشو وليفه وادعكي خفيف فيه

ايجيبتي___مش عارفه ليه عندي نفس احساسك ناحيه مدام وائل!!!!!!!!!!!!!!!

شكرا يا بنات ع الدعوات و ربنا يتقبل منكم جميعا ...و الله حاسة انكم اخواتي و اكتر لاني مش عندي اخوات بنات ربنا يكرمكم و يخلينا لبعض و يديم المحبة ..... بس عايزة اقوللكم ان انا الموضوع عندي تعدى مراحل القلق و تاخير الحمل و القصص دي انا المفروض ان شاء الله داخله على عمليه اطفال انابيب و حقن مجهري و انا كنت عملتها قبل كده و ربنا ما ارادش لها النجاح يمكن ده اللي مخوفني المرة دي اني جربت الموضوع قبل كده و عارفه الالم و التعب بتاعها ....و ان شاء الله ح اجرب المرة دي في مركز الدكتور ابو الغارربا يسهل يارب و بدعواتكم يكرمني المرة دي لان الموضوع مرهق جدا نفسيا و ماديا و نفسي ما اعملش تاني...
المهم بقى جوزي مسخرة في وسط الوجع امبارح بعد الكشف بقى و قلقانه مستنيه اقابل الدكتور التاني موتني من الضحك مسخررررررررررررررررررررررررة...........................كان فيه اثنين و معاهم بيبي و شكلهم عاملين انابيب و جايين يعملوا تاني فالولد شبه باباه بس ملامحه كبيرة شويه فانا قلت له شفت البيبي شبه باباه اوي بس ملامحه سبحان الله يروح قايللي ايه ...........معلش يا شيمو تلاقي دبانه و لا حاجة عدت عليه و هو في الطبق ما هو قعد له ثلاث ايام و لا حاجة يمكن ...........ههههههههههههههههههههههههههههههههههههههههههههههههههههههههههههههههه
استغفر الله العظيم يا بني بلاش تريقة و ده ابدا لازم يضحكني و قلبها تهريج و الناس تتفرج و قلبناها مسخره اصل ميدو لما بينوي خلاص و لا يهمه


المهم الحمد لله نفسيتي احسن شويه كتير و ان شاء الله ربنا يسهل الفترة الجاية و ربنا يجزيكوا خير جميعا ع الدعوات اللي ان شاء ا لله تكون مستجابة


بصوا بقى انا لسه ما جربتش طريقتك يا مدام وائل في البيتزا بس ***** الله باجربها و اقوللك انا الحقيقة عندي طريقة لسه مجرباها قريب و طالعه روعه و كل الناس عاجباهم مع انها بتاعة التوست

3 كوب دقيق -1 كوب ماءوانا باستبدله بلبن او لبن رايب-خميرة+3ملاعق كبيرة سكر-شوية زيت -ملح
(السكر + الخميرة+اللبن الدافئ و تترك لتخمر شوية...................الدقيق + الملح ثم يعجنوا و نضيف الزيت علشان اسلك بيه شويه العجين مش باضيف كتير اقل من ربع كوب)بس و بعدين باسيبها تخمر و احطها في الثلاجة شويه لو ح استعملها على طول صدقوني بتفرق في الطعم جدا و بتبقى خمرانه و هي في الثلاجة جربوا الموضوع ده




تاني باكرر شكري ع الدعوات و ادعوا لي دايما ...اوعوا تنسوا

شيماء____يارب يكرمك المره دي ان شاء الله و يشرف الباشا الصغير يا رب بعد 9 اشهر و انا اعرف ناس باهبل عملوها و ربنا كرمهم الحمد لله و في ناس جابوا توام و ناس كرروا الموضوع اكثر من مره و نجحت ف باذن الله ربنا يكتبلك الخير كله .
و انا كمان على فكره معنديش اخوات بنات و بجد مرتاحه معاكوا جدا و حاسه ان بفضفض معاكوا في كل حاجه ربنا يخليكوا يا رب
بس الصراحه جوزك شربات و اخر مسخره