بنات ازيكم انا رحت العقاد مول بس لقيت انا قلب على بضاعة غريبة لكن فى اجهزة كهربئية غريبة وهدوم اغرب وحسيت انة بقى عامل زى كارفور

السلام عليكم بي هابي شكرا عالرد طب ماتعرفيش الاسعار وانت قصدك لو الغساله ومعاها منشف في نفس الوقت ماتعش مده اطول ياريت اللي يعرف يقولي يابنات انا كنت كتبت عن شقه في العامريه اللي يعرف ليها بيعه يقولي
..........مدام وائل الله يبارك فيكي وحمدا لله على سلامتك وربنا يشفيلك بودي ................عطر ايوه كدا ايه النشاط ده طب انت جالك 10 ك خوخ احنا جايلنا 10 ك بصل من المزارع اللي جوزي بيشرف عليها وعايزه افرمهم ومش اي بصل البصل بتاع التصدير بس مشكلته معايا اني حساسه اوي منه

هاااي يا قمرات واحشني الشويه دول.
بي هابي____بسبك الصلصه مع البصل و الثوم يعني يا دوب اطلعهم من الفريزر عالحله و احط البهارات و بسسسسسسسسسسسس و لسه اخر الاسبوع بكمل شويه خضروات تانيه و طبعا هقولوكم على كله

مدام وائل_____انا بدل ما احط التسبيكه في برطمانات بحطها في ورق فويل و ابططها و اقفل و بعدين احطهم كلهم في صينيه او علبه لحد ما يجمدوا و بعدين اوزعهم في اكياس نايلون و اكتب المحتويات.

و بالنسبه للعيش انا هقولك الطريقه بس مره تانيه التصوير لما جوزي يتكرم و يفضا عشان يصور لي المراحل

العيش الشامي ___الكيلو بيعمل حوالي 15 رغيف اد بتاع الفرن او اكبر شويه

العيش الفينو___الكيلو بيعمل 21 رغيف كبار جدا عن الفرن

الشامي____1ك دقيق+2مك خميره+1 مص محسن خبز+2و نص ك ماء+1 م ص سكر+1 م ص ملح +1 كوب لبن بودره (هو المفروض نص كوب بس بيكون احلي لما ازود)
الطريقه_______اخلط كل المقادير الجافه تماما ثم اضع الماء بس وحده وحده و انا بعجن عشان ميزيدش مني و اعجن حوالي 10 د ولو بالعجان يبقى 3 بطئ و بعد كده اسرع حتي تتماسك العجين
-بعد ما تصبح كتله واحده اخدها اعجنها بايدي لتحت يعني اقفلها على تحت بايدي الاتنين
-اتركها ترتاح لمده ربع لنص ساعه يعني شوفي انها خمرت و عليت
-امسكها اقسمها دوائر اكبر من البيضه حاجه بسيطه و برضه امسك كل حته الفها لتحت و بعدين احطهم في اي صينيه بلاستيك و اكون رشاها دقيق و بعد ما ارصهم اغطيهم و اسيبهم يخمروا في مكان دافئ لمده نصف ساعه
-اولع الفرن بعد النص ساعه على 220
-اجيب العجينه و ارش دقيق على الرخامه و ابدا افرد كل حته بالنشابه و اسيبها شويه و بعد ما اخلص فردهم ابدا بقى احطهم في الفرن
-بياخد 7 دقائق بتلاقيه بيتنفخ و يعلا و اول ما وشه يحمر تطلعيه
-و اول ما يبرد تحطيه في كيس و تقفلي عشان ما ينشفش

-ملحوظه____انا بضيف مع الدقيق توابل زي الزعتر و كركم و كمون ...يعني اي حاجه بتحبيها


العيش الفينو
انا اخدت عجينه من المنتدى فوق الفظيعه و هديلكوا الرابطhttp://forum.hawaaworld.com/showthread.php?t=1115801

شايمو .. والله لما ابقى متنرفزة ولا زهقانه بادخل الموضوع ادور عليكي عشان اضحك .. انت وميدو عايزين يتعملكوا فيلم كوميدى والله تضربوا اللمبي .
عطر حبيبتى .. انت اللي وحشانى ومش عارفه اعمل فيكو ايه بقيت مدمناكو .
مدام وائل .. الف حمد الله عالسلامه
بى هابى .. ممكن يا حبيبتى اعرف سعر النشاف كام .

Egyptn .. ممكن يا حبيبى تفرمى البصل فى الكبه وماشاء الله ال10 كيلو دول هايريحوك مده طويله من الفرم والتقطيع و الدموع .