حبيبتى مدام وائل فعلا مواضيعك ميله وبتعجبنى انا هقولك يومى من اول مابقوم من النوم
اولا اول ماصحى بدخل حمام اوضه نومى واغسله كله((التواليت بديتول والحوض واغسل المرايا واغير الكيس بتاع الباسكت وبعمل طريقه الاكياس اللى فوق بعضها واغير الفوط لان تغير الفوط يوميا صحى جدا))وبعد ماخلص الحمام ادخل على اوضه النوم اغير الملايا والمع الاوضه من التراب واحاول اغير من تنظيم الاوضه بحاجات بسيطه طبعازى((اغير ترتيت حاجاتى اللى على التسريحه او اشيلها كلها فى الادراج واحط بوكيه ورد او اشيل البوكيه ولحط شموع بحاول اغير بقدر الامكان لانى شخصيه ملوله وبحب التجديد وعشان جوزى برضه يحس بتغيير بعد ماخلص
اروح مطلعه بيجامه جوزى او الترينج اللى هيلبسه بعد مايجى من الشغل واحطهم على السريع ((نوع من الاهتمام وهو بيفرح بيه طبعا))
وبعدين اروح معطره الاوضه
والبس لبس الشغل انا مقسمه لبسى ((لبس الشغل مش حاجه قديمه او وحشه لابيجامه عاديه بس تكون قطن علشان تريحنى فى التنضيف وتكون حاجه روشه برضو هههههههههههههههه
بعدين ادخل المطبخ اشوف هنتغدى ايه وطبعا ببقى مفكره فى نوع الاكل من باليل وابتدى اعمل الاكل وعقبال الكل مايخلص اكون لمعت الشقه من التراب وغسلت باسكت الزباله بصابون وديتول
وفى فكره برضو بحط على البوتاجاز صنيه بلاستك احط عليها المعالق الانا بطبخ بيها علشان ماتوسخش البوتاجاز
بكره اكملوكو الباقى لحسن ابنى صحى من النوم

طيب يومياتى النهاردة

دخلت المطبخ وبصيت فى جدولى مكنش عندى طبخ علشان جوزى فى شغلة النهاردة وفية اكل لابنى

و برضو عادى فضلت فضية لحد الدكتو بودى ما نام الساعة 2 كدا تقريبا

غسلت دواليب المطبخ من برا كويس والثلاجة والميكروويف والشفاط وشغلت غسالة الاطباق دورة على الفاضى غسيل بس بملح الليمون وبقت فلة
اه فيها دلوقتى اطباق امبارح هاقوم اشغلها قبل ما انام

وصورت الصور اللى عملتها فى الموضوع الجديد شفتوه

صورت لكم افكار حلوة من مطبخى انتوا لسة مدخلتوش؟

بس


ليا بقى طلب ممننا كلنا


كدا تجمعنا دا حلو اوى ومفيد جدااا لحد هنا حلو

لكن فى الآخرة ولا لية ثمن اللهم الا الحض على سنة النظافة من الايمان وبس

طيب لية منخدش اجر كبير اوى بتجمعنا كدا ويكون سبب ان ربنا يجمعنا فى ظلة يوم لا ظل الا ظلة

اولا معنديش اى شك ان كلنا بنحب بعض فى الله جداا لان محدش يعف حد ولا مستفيد من التانى حاجة

فلية ميكنش لينا حاجة نتجمع عليها

انا باقترح ااننا نتفق ان كل يوم نقرأ جزء قرآن(20 دقيقة يعنى) بس تكون مقدسة ومهمه اكثر ما واجبات بيتنا مهمه يعنى منمش الا لما نعملها

مستنية ردودكم ونبدأ مع بعض

متكسفونيش ربنا يكرمنا والله الدنيا دى منتهية وفى ثوانى الله اعلم هنتجمع تانى ولا لاء

فكره جميله واللهي يامدام وائل وياريت لو نشجع بعض عالحفظ من اول سورة البقره كل يوم خمس ايات ايه رايكم

طب انا غلط يامدام وائل وحطيت الرد في الموضوع التاني طب حد يرود عليه هانقله هنا اما نشوف هايرودوا ولا لا

الرسالة الأصلية كتبت بواسطة Egypty »
السلام عليكم عايزه اعرف ايه افضل طريقه لغسيل الشيشان )الشبابيك( وانا عندي البيبان مدهونه اوستور عايزه انضفهاوالمفروض مايجيش مايه عليها التراب معلم فيها والزجاج الشبابيك والبيبان عندي سلسله ومعزبني الزجاج في المسح وحده في المنتدى قالت افضل طريقه مسح الزجاج بالمساحه بتاعت مسح زجاج العربيات الاقيها فين وبكام انا انجزت النهارده غسلت الثلاجه بس كان فيها بقعات صفره رشيت عليها كلور وبرده مراحتش وجربت طريقة شيماء في الطماطم وفرت مساحه كبيره في الفريزر اصلي كنت شيله الطماطم من غير عصر في الفريزرادعولي على ما اكمل البقيه