جزاك الله خير فديت شوشو وجعله الله في ميزان حسناتك والبس ابنك الصحه والعافيه يارب تهون عليها وتجعل ولادتها بردا وسلاما يارب أرزقها طفلا سليما معافى ‘‘‘ مشكؤوره طمنتيني واستفدت منك الله يشفي أبنائنا جميعا

السلام عليكم هلا بالحبيبات

والله حاسه بكل وحده فيكم اعرف نوع الهم اللي تعيشه والمشاعر اللي تحس بها ذقتها من سنتين الله لايعيد الشر

سمو الذوق أسعدك ربي يالحبيبه لا مابي عمليات الحين يوسعون له كل فتره وبعد مايزيد وزنه يركبون دعامه خلاص نرتاح شوي

كلما نستغني عن العمليه افضل


فرناز الله يسعد قلبك يالحبيبه ويحفظ لك عيالك رسالتك وسعت صدري وشفت دعاهم والله

منوشي الحمدلله على سلامتها طبيعي جدا تواجدها بالعنايه ولدي سبع ايام جلس

مااستعجلت عليه اهم شي مافي مضاعفات وثقي ان كل يوم تجلس فيه بالعنايه يقولك ربي اخرت الفرج عشان تدعين وتتصدقين اكثر فلا توقفين خيره والله

ام عمر كان الله في عونك وعظم الله لك الأجر مو سهل وانا الان مثلكم مافي بطني ماادري عنه وانا دخلت اليوم التاسع وطبعاص قيصريه يعني ولادة بدري

بس دائماً اقول ربي نجاني ماهو اصعب قادر ينجينا وماابتلانا الا لانه يحبنا وكل شيء وراه خير يكفي تكفضير الذنوب من هالهم

لاتقولين شريان مسكر ولا مفتوح ربي يفتح المسكر ويسكر المفتوح وشفته بعيني الاطباء اسباب ربي الشافي اللي يسخرهم لعيالنا

الهم اللي تشعرين به الان محبة من الله وخير لك ماتشوفينه صح مؤلم وتبكين ودموع بس من رحمة ربي بك وثقي ربي ارحم به منا


أنا واثقه بالله ان عيالنا بيتشافون وبيكونون أبرهم فينا بس نحسن الظن بالله وماتشتد الا وتفرج

بالقسطره قبل البارح شفت تيسير ربي بشكل مااحد يتخيله كان دوره الثالث وصار الاول بقدرة قادر دعيت ربي عشان مايطول صيام وربي رحمه

ياغاليات الدعاء يرد القدر والصبر وحسن الظن بالله (وعسى أن تكرهوا شيئا وهو خير لكم)

يارب سهل علينا وهون الولاده ياااااااارب

فديت شوشو الله يسعدك على سؤالك واهتمامك ماشاء الله صرت خبرة بأمراض القلب ياحبي لك


بنات لازم نقرأ كثير عن امراض القلب ونتثقف عشان نقدر نتكلم مع الاطباء ونفهمهم

كانو بيركبون دعامه لولدي بس لأني سألت كثير قالوا صغير وفعلا رفضت انهم يركبونها ووافقوا وقالوا فعلا صغير يعني أنا نبهتهم

الشيء الثاني الاستخارة كلا الطبيب مو مقدس اسألي وابحثي

عليكم بالرقيه ياغاليات يوميا

هلا حبيبتي منوشي اهم شي ثقتج برب العالمين وربي كل شي يهون ويتسهل وعلى كلام ام عبدالعزيز نحسن الظن بالله اى والله انا ولدى قعدت اقرى سورة البقرة على راسه طول الليل والرقيه الشرعية والاستغفار مع الصدقات والله يوم عمليته كان معاه حالات الغوها كلها وصار بس ولدي بروحه وصار الطاقم الطبي كله عليه والسسترات محد عندهم الا اهوا والحمد لله اهتموا فيه وقالى الدكتور من حظكم محد وياكم والسسترات لهم خلق يجابلون ولدكم والحمد لله على كل حال يارب
فديتج ام عبدالعزيز اى والله صرنا خبرة والحمد لله على كل حال والله انا من الضروف والخرعه اللى مريت فيها صرت ابي اساعد اى ام واشرحلها لان صج الوحدة ماتدرى شتسوى وتصير ضايعه تبي احد بس ينبهها على الدرب تعرفون قلب الام احنا مو مثل الرجال قلبه قوى وصدقتى ام عبدالعزيز من حقج تستفسرين وتسالين وتتاكدين من اى شي يسويه الدكتور انا كنت اسال الجراح وارد اسال المناوب واسال اللى يفتر بالقسم عشان اتاكد بعد ولدي لازم اتاكد واى شي يعطونه ولدي اسال ليش وشنو فايدتة ترا اذا حسوا انج فاهمه للموضوع يديرون بالهم ويهتمون حتى السسترات اوقف على راسهم وانبهم حتى والله ملف ولدي افتحه واقراه واقرى توصيات الدكتور وينصدمون السسترات يقولون بتصيرين دكتورة قلت اى لازم افهم شنو حالته واخذت صوره من تقارير الدكاترة والجراحين عشان يكون عندي خلفيه بكل شي سووه لولدى .

ام عمرو يارب تولدين بالسلامه يارب ويكون ابنك متعافى يارب هذا من حب ربنا لنا يبي يختبرنا ويشوف مدى صبرنا والحمد لله على كل حال انا لما كنت مرات انهار واتعب وابجي اتذكر هالشي وارد اقول اللهم لا اعتراض والحمد لله على كل حال تكون خيرة من رب العالمين يبي العبد يتقربله انتى اقري الرقيه الشرعية على ابنك ببطنك كل يوم واقري سورة البقرة وتصدقى كثر ماتقدرين خليها لوجه الله وان شاءالله تبشرينا بسلامته يارب

والاخت اللى بيسوون لها بالتخصصي توكلى على الله واقري اللى كتبتها لمنوشي واذا تبين اى استفسار انا حاضرة لانه تو ولدي مسوى عملية قلب مفتوح فاذا خايفة وتبين استفسار اساليني وانا حاضرة حنا هنى كل وحدة تشد عالثانية وتساعدها
ويارب تشفى عيالنا يارب ويكونون متعافين

فديت شوشو انتي عملتي عملية بالرياض؟

وولدك كم عمره وقت العمليه؟

انتي ذكرتيني بموضوع البيجمات اللي تنفتح من قدام فيه شي ثاني احتجتيه؟

وكم قعدتو بالمستشفى