اقتراحات البنات حلوة
وفقكي الله

الله يشرح صدرك وصدري للايمان يارب
بس اذا فيه امكانيه تتوظفين دوام صباحي راح تحسين انك عضو فعال بالمجتمع والله هالحكي مو من فراغ انا الحين اعاني نفس معاناتك وانا طبعا بشقه مع خادمه وسواق بس متى جاني هالاحساس يوم اخذت اجازه من وظيفتي اما قبل احس اني مشغوله على طول وكان وقت الفراغ اللي القاه لذيذ ما ودي ينتهي اما الحين بس اناظر الساعه متى تجي 12 عشان يجي زوجي يدردش معي شوي قبل ننام
يعني حتى لو مومحتاجه الوظيفه اتسلي فيها لانك راح تكونين علاقات حلوه صدقيني :)

مشكورة اختي lolo على الاقتراح ....................بس ماا يناسبني للاسف .......................

اول شيء الله يزيدج من نعيمه ..شوفي كلنا عندنا خدم بس اذا هم سووا كل شيء لازم بيكو ن عندج وقت فراغ وبتملين اعرف وحدة


ساكنه في قصر وعيالها كبروا وريلها مشغول فمرضت وسارت عند دكتور نفسي والسبب الفراغ ....ويمكن اكثر وقت تكونين فاضيه


لما عيالج فالمدرسه وريلج مشغول فممكن في هالوقت ترتبين حجرتج بروحج تنظمين الكبت لو الشغاله تسوي هالشيء ما بيطلع


مرتب مثل ما انتي تسوينه تغيرين ديكورات البيت ...خصصي وقت للقراءة الحرة كتب ...وقرآن وسيرة نبويه ...ممكن تسوين حلويات


كيكه بتفرحين فيها وعيالج ياكلونها ..في اشغال يدوية ممكن تسوينها مع عيالج تنباع في التعليم المبكر اذا صغار ..ما اعرف في اي


منطقه ساكنه بس في جمعية النهضه دورات ومحاضرات وكلها حريم فما اعتقد ريلج بيعارض ...ممكن تسيرين من باب تغير الجو


تسوين تنظيف بشره في سبا ...انا يوم اكون فاضيه افرغ اي كبت لو منظفتنه من قريب وارجع ارتبه من اول ...وطبعا الجو الحين بيكون


حلو فحلوة اليسله في الحوي والشوي ....والنت روحه بحره واسع يمر الوقت بسرعه ....سوي عزيمه واعزمي رباعتج واهلج ولو انج


في منطقه بعيده لو عزمتيهم قبل بمده اكيد بييونج والله يوفقج

في أشياء لو سواها الواحد يشعر بالسعاده ويشغل وقته فيهاوبذكر بعض منها

العمل اليدوي يعني ممكن تتعلمين على حرفه يدويه رسم او تطريز او خزف او نحت او اي شي من هاالنوعيه تحبينه وتميلين انك تسوينه

او القراءه مفيده وممتعه كنك تتنزهين في العالم كله وتقرين الكتاب وكنك عشت احداثه كلها

تفقدي بيتك على طول يعني مهما كان شغل الشغاله ابد ما يكون مثل شغللك عيدي ترتيب الغرف او نظفي المطبخ عل طريقتك كل يوم سوي شي جديد

احب الأعمال الى الله أدومها وان قل يعني تنظمين وقتك وقت لقراءة القرآن وقت لصلاة الضحى والقيام والصوم

ولو عندك قدره على تطوير علاقاتك الاجتماعيه يكون أحسن

واهم شي أولادك أقري كتب التربيه وتطوير الذات وحاولي تصنعين منهم اشخاص ناجحين ومايمنع اذا كان عندهم مدرسه
انك تشرفين عليهم وعلى دروسهم وكمان حمميهم ولبسيهم واكليهم وأقري لهم لا تعتمدين على الشغلات ابد هم امانه عندك يختبرك الله ويمتحنك فيهم رعيتك ارعيها بنفسك قوي علاقتك بهم وخلي التواصل بينكم مستمر

لاتكونين مثل بعض حريم هداهم الله حتى الطفل اذا بغى الحمام عزك الله تدخل معه الشغاله ليه وش الحاجه من وجودك اجل لو ماترعين طفللك وتحفظينه عن العيون الغريبه عنه وتعلمينه الستر والحفاظ على نفسه


ولا في حريم تعتبر الاطفال قيد على حريتها وسعادتها ولا ممكن تبات بعيده عنهم وتستمتع بحياتها وتجتمع مع صديقاته ولا تروح بيت اهلها وتترك الأولاد عند الشغاله ليه اكيد بيردون ويعاملونها بنفس الطريقه لما تعجز وبيرمونها عند شغاله ولا في دار عجزه

وتفقد الونيس وهي في امس الحاجه له زي ما فقدت صحبتهم وهم صغار

وما طول عليك اختي واتمنى لك السعاده والتوفيق