الله يكون في عونكم
خالتي نفس الشي
ما تدخل المطبخ لأن الطبخ على الطباخ
وما ترتب السفره ولا تمسح أي شي لأنه على الشغالات
وهذا من غير مربيات الاطفال
والسواقين والله 3 واحد لزوجها يوديه كل مكان لأنه تعبان وممنوع من السواقه
والثاني للبيت
والثالث هذا اللي يقهرني محطوط احتياط اذا احتاجوه
والمزارع حق الحديقة
بس تدرين ولا مره سمعتها تشتكي من الفراغ
لأنها من النوع اللي مشغوله في بيتها تشوفينها تآمر وتنهي وتحط هذا بنفسها وتشيل ذاك يعني
شاغله روحها في بيتها
وتراها من النوع اللي يطلع وتروح السوق وتشتري اغراض البيت
بس أغراض المطبخ الطباخ يروح يشتريها ويجيب لهم الفاتوره
المهم اشغلي نفسج بحياتج اليوميه الحلوه

جزاكم الله الف خير والله يوفقكم لعمل الخير ويهدي عيالكم ........كل اللي كتبوا لي ومشكورين م

***** الله بجرب كل اللي كتبتوه مرة ثانية رغم اني كله اسويه بس بحاول اغير والله كريم ..............

قيوانية انا ساكنه عندكم ................بس ما اعرف حد هنيه حتى خوات ريلي ساكنين في امارات ثانية .........لا تقطعين ابغي اسولف وياج .............

الله يبارك لك ويزيدك

حصني نفسك حبيبتي م العيون والقلوب الجايعه

والله يوفقك يارب ويحفظك ويحفظ اعيالك

ياعمري عليك ياناعمه والله انك عورتي قلبي عليك ..

تمنيتك عندنا هنا واسو يلك جمعات ووناسه عشان تقضين وقتك ..

الله يبارك لك باللي عندك ويزيدك من فضله ونعيمه ..

مدري وش اقولك مافي غير اقري قرآن واحفظيه ماشاء الله يمديك تختمين أكثر من مرة
يمكن هذي النصيحه اللي اقدر عليها ماعندي شي ثاني اقولك سويه ..

مشاركتي مو ذاك الفايدة بس بغيت يرتفع موضوعك ويمكن تلاقين حل ..
وش رايك تسوين تجمع بمسنجرك لبنات حواء تسولفين معهم :)

مقدر اساعدك بس بقولك الاشياء الي ودي اسويها ولا قدرت (ماشاء الله تبارك الله ) الله يزيدك من فضله
1- صلاة الشروق
2- قيام الليل
3- اقرا ء اموت على الكتب بس ماعندي وقت
4- العب مع عيالي لعبه حركيه 3 مرات في الاسبوع على الاقل(ممكن اطلع انا وياهم الحوش ونشوي سواء او نلعب خطه )
5- اطبخ مع بنتي كيكه واخليها تزينها كل شهر مره
6- اسوي رياضه كل يوم ساعة والا ساعة ونصف
7-اتعلم لغة اي لغه المهم اتعلم لغة ثانيه
8- اعرف شوي كروشيه وتطريز وي اسوي اعمال بس مافضيت ابد ابد
ولاتنسين نعمتان مغبون فيهم كثي من الناس الصحة والفراغ مو حديث بس بما معناه لاني ماحفظت الحديث احفظي وقتك
ممكن تحطين لك اهداف
جيب ورقة وقلم واكتبي لك اهداف مثلا ابغى اختم القران كل اسبوعين واولي قد ماتقدري تختمينه في هذا الوقت
ابغى مقاس خصري ينقص 3سم (هههههههههههه) وطي مدة وهكذا
وبالتوفيق