ملكة الليل
حمدلله على السلامة
والله يرزقك برها وصلاحها وصلاح اخوانها
نتظرك على احر من الجمر
وادعيلي شايله هم لاكن لازال املي بالله كبير
انا عند حسن ظن عبدي بي
وانا ظني بالله كبير وعظيييييم
ونعم بالله العلي العظيييم

هذا ياطويلات العمر والسلامة وقبل 23 يوم كنت على موعد مع قدر الله وهو موعد ولادتي

قبلها بيومين كان عندي موعد مع طبيب السكر وكان لي اسبوعين يجيني هبوط ودوخه والسكر نازل

قال هذه من علامات قرب الولادة إنه ينزل السكر وهذه بشارة خير وراح أقلل لك الجرعه عشان ما

ينزل معك

فرحت من هالناحية بس خوفني إني لازم أحتمي لأن السكر تكرر معي في كذا حمل وممكن يثبت أو

يرجع لي بعدين وكل هذا بقدر الله

المهم...قلت يابنت كملي اغراضك الناقصة ورحت كملت باقي أغراضي

رحت موعدي بعد يومين قالت الدكتورة خلاص يكفي كذا البيبي وزنه كويس لأن كان وزنها نازل

وراح نولدك

توكلت على ربي وقبلت خاصة إني تعبانه من الطلق ومثل ماقلت لكم طلقي مايولدني بسبب وضع

الرحم عندي

دخلت الظهر بعد ماغداني زوجي بوفيه

العصر رجع لي الطلق وزاد في الليل

وعلى 2 صار كل شوي ويزيد وحمدت ربي قلت إن شاء الله ماحتاج صناعي

جات الساعة 6 موعد الطلق الصناعي ونزلوني غرفة الولادة

كشفت الدكتورة قالت فاتح 1سم وان شاء الله مع التحميلة يزيد وحطت لي تحميلة

مت من الألم

وعلى الساعة1ارجعت الدكتورة تكشف مافتح إلا2سم وحطت الثانية

طبعا نفسيتي بدت تسوء ...الألم يموت ..عذاب...

ومافي أي بوادر ولادة فصليت الظهر والعصر جمع

وعلى المغرب الحالة زادت وجمعت المغرب والعشاء

وكنت أنتظر الدكتورة تجي وتأخرت بسبب حالة تعسر وعمليات

المفروض تجيني الساعة 7 بس ماجات إلا 11الليل وكنت وقتها فقدت كل طاقتي من شدة الطلق

وكنت أتوقع تقول مفتوح7 ...8...

انصدمت يوم قالت 3بس

انفجرت وصرت أصرخ بهستيريا ماهو اعتراض على امر الله بس من التعب وطلبتها تفتح بطني

بس هي كانت طيبة ربي يجزيها خير وقامت تهديني

وقالت للمرضة عطيها أبرة منوم وخليها تنام حتى لو معها طلق وحطت التحميلة الثالثة

وطول الوقت زوجي الله يحفظه معي لاأكل ولاشرب حتى الصلاة يصلي عندي

نمت إلى 1 وبعدها راح مفعول الإبرة وصرت اصرخ من شدة الطلق والممرضة تحط الكمام

المشكلة إلى 2قبل الفجر مافتح إلا اربعة

قالت الدكتورة إذا فتح خمسة راح أفتح الكيس وإن شاء الله ربي يسهلها

بمجرد ماراحت فتح الكيس وهذه اول ولادة لي ينفتح عندي الكيس كل مرة هم يفتحونه

شيء مخيف

جلست أصرخ لأن الماء كان قليل ونزل

جاو عندي الممرضات قالوا ولادة والرحم مافتح والبنت عالقة فووووووووق مانزلت

جلسوا علي ثلاث قابلات زي الجاثوم والله قلت الموت جاني وحدة تضغط بطني تنزلها

والثنتين ماسكين رجولي

وجلست ادفع والبنت عيت تنزل

المهم مانزلت إلا بعد هلاك وموت الساعة ثلاث الفجر

والله ماتتخيلون وش كثر فرحت إن ربي فرج كربتي وولدت بعد هالمعاناة

كنت طول الوقت مشغلة آية الكرسي وأدعي من قلب كسير وأقرأ آدعية تسهيل الولادة وكنت

استغيث ربي كل مازاد الطلق وحسيت روحي بتطلع

اللهم لك الحمد ...اللهم لك الحمد

طبعا السكر كان وقتها طبيعي من غير انسولين وكنت على الجلوكوز خلال اليومين في غرفة الولادة

ومجرد ماولدت وطلعت غرفتي ارتفع بشكل مفاجيء من التعب اللي شفته وصار لول مرة 225

بعد ساعة150

وبعدها رجع طبيعي

انا الآن على حمية وربي يسهل والسكر مستقر ولله المنة والفضل من قبل ومن بعد

وأكثر شيء فرحني نزول وزني بشكل رهيب...نزلت أكثر من13 كيلو في خلال اسبوع

والطبيب عطاني موعد اسوي تحليل الرباعي كل ساعة بعد 6 أسابع من الولادة للإطمئنان


بنات ربي يسهل عليكم ولاتيأسون والله الأجر على قدر المشقة

أنا يوم كشفت الطبيبة وحطت التحميلة الثالثة ومافتح إلا 3سم جاني الشيطان

قال وانت من امس وتعب ومابقت دعوة مادعيتيها وهذا انت على حالك...يبقى يأيسني من رحمة ربي

بس الحمد لله ماكان هذا إلا عزم على أن ألح والجأ إلى الله وأخلص له في الدعاء لين ربي فرجها

والله ياأخواتي ماتعرفين قدر أمك إلا عند هاللحظات العصيبة جلست أبكي وأدعي لها

وهي مسكينة مع ابوي كل شوي يدقون على زوجي

الكل صار يدق والكل كان منشغل علي

والكل يدعي لي

لحظات تبكيني إذا تذكرتها حسيت بحب الكل ووقفتهم معي اخواتي وأخوات زوجي وبنات عمي

حتى اللي مع زوجي بالدوام يدعون لي

ادري طولتها عليكم بس أشتقت لكم والله ماغبت إلا لظروفي وإن شاء الله يتسكر هالتجمع بسلامة

اللي فيه وفرحة كل وحدة بزوال هالكابوس عنها

في حفظ الله

ملوكه حمدالله ع سلامتك والحمدالله طلعتي من الشر ويخلي لك العروسه
انتي عكسي انا وقت الطلق انخفض بقوه
يالله لك الحمد والشكر لك يارب

ملوكه انتي راح عنك السكر
خوفتيني من التمر انا من ولدت صار لي تقريبا 18 يوم

رفوله_ قلوبنا معاك الله يسهل عليك

ملكة الليل الحمدلله على سلمتك مره ثانية والله يخلي لك بنتك وتشوفينها عروسة
ريفاااااال والله انا اتكلم على حسب كلام دكتورتي
تقول لي الطبيعي ما يتعدا 120 واذا زاد عندك المفروض توصل 130 كحد اقصى
وفاطره طبعا الطبيعي اقل شي 70 واكثر شي 90 الى 100 اذا زاد مره
الله يعدي لكم باقي ايامك على خير وما تشوفين شر يا قمر ويقومك بالسلامة انتي وجنينك