ولدي تشتت مع فرط وطيف توحد بس تشخيصه العام الماضي
احسه هالسنة زاد الله المستعان
مع اننا قاطعين التلفزيونات والاجهزة من زمان والله كآبة استغفر الله

طيب فيه تحسن عن قبل تقطعينها ولالا ؟

اذا فيه تحسن يبي لك تتعبين معاه بتمارين وتدريبات ووووو ... دخلتيه روضة ؟؟ وهل تحسن بعد الروضة؟

تحسن ما اشوف ذاك التحسن ،،
دخلته مركز متخصص وما اشوفه استفاد

السلام عليكم ورحمة الله وبركاته
صبحكم الله بالخير جميعاً
اللهم لك الحمد والشكر اللي اهداني وسبب لي الاسباب اني اطلع واقرأ موضوعكم ونقاشاتكم وبالاخص الاخت الرائعة نيسان وجميع من شاركت في هالموضوع
الله يجعاه في ميزان حسناتكم ويجعل اطفالنا قرة عين لنا ولابائهم ويجعلهم ذو شأن ويصلحهم ويهديهم ويشفيهم شفاء لا يغادره سقما بحوله وقوته..
بالنسبة لي بنتي الان عمرها اربع سنوات ونص تقريبا لحد عمر الست شهور طبيعيه وتنفخ في اكلها اذا صار حار وتلعب وتناغي بعمر السنه قلت مسكينه البنت صامته ماعاد اسمعها ابدا لانها جوال اي باد قنوات اي قناة غيها اناشيد احرص اني احطها لها للاسف..
انا ماراح اقولكن ندمانه وتحسفت وتحسرت
لا بقولكم الانسان يمر بظروف وضغوطات من نفسه خارجه من ارادته واللي معه وحوالينه مايقدرون للاسف
لذلك بدل ما اتحسر وارمي مشاكلي ع الاخرين والعب دور الضحية بدست ادور واسال واعرضها ع المختصين وشخصو انها طيف توحد اقل من المتوسط ماشاء الله
طبعا بدست معاها تدريبات التواصل البصري... الخ
لحد ما انتبهت لفديو تسجل الاخت اندلوسية وتابعته بحذافيره لان حصلت فيه جوابي..
كيف ادربها وهي ماتعرفنا والله ان الاخت ريما برنامجهاا بطططططل ولابد ان يدرس ويقنن الان انا ف المرحله الاولى ومستمتعه ماشاء الله تبارك الرحمن نفسيتها والحضن والبوسات والسواليف والنزهات والشم والنفخ والتذوق والجلوس والانتظار تفاااااعل فيه المقاومه والتمشيخ بس الحمد لله داايم اطلب احتساب الاجر من الله والدعاء ان ربي يثبتني ويشفيها ويعافيها
طبعا مع رمضان والانشغال وعدم التقدير من الطرف الاخر ما اطبق العدد ميه بالميه كل مالقيت وقضت فاضي خصصته لها هي بدل التلفزيون والمسلسلات والسناب ومواقع السوشل ميديا بنتي احق بهالوقت مني ومسويه السالفه لعب وسعة صدر ولا اضغط عليها اعراااض خفت ولله الحمد مثل المشي ع اطراف الاصابع تلاشى الدوران والرفرفه اذا تحمست وانبسطت وابادرها بالضم والتبويس والسوالف طبعا الشاشه خابرين الاسبانين اللي عندنا ف مابي اوجع راسي اذا هو موجود تشغل الشاشه مو فيه ياويل اللي يفتحها بصراحه قايمه قاعدة ادعي للاخت ريما وادعي لكم كن توه يجيني بيبي اول مره اناظر في عيونها اخواتها مبسوطين عليها يقولون تونا نعرفها تلعب معنا لها صووت تتدلع صارت تنوع ف الاكل بالي طووويل عليها يجيني بعض الضغط لكن احووقل واستغفر واتذكر محد متحملها الا انا وان فيه غيرها تخلف وضمور واعاقه.... الخ اللهم لك الحمد احنا في نعممممممه يكفي النوم تعدل ولله الحمد السلوكيات تعدلت انا ماراح اتسرع في المراحل ماوراي شي بححوله وقوته قدامي هالصيفيه لازم استغلها والله يكتب اجرنا ويعينا ولا يضيع اجرنا كمام اغلب الايام قبل تنام اقرى عليها وبعد العصر وبعد الفجر.. الاشياء اللي تحققت في المرحله الاولى التواصل البصري ممتاز تلتفت اذا ناديناها افضل من اول تعرف الخطر مثل النار النفخ والشم والذوق ماركزت كثير عليه لاني معتبرة رمضان تمييد كل ماذكرت سويته ماراح اضغط عليها لاني مبهورة بالتطور والتقبل وصرنا نسمع صوتها وصراخها واصبح عندنا طفل ونحس فيه ف البيت ولله الحمد
جوالاتنا صامته اغلب الوقت ماعاد استخدمه وهي معاي لدرجة تاخذه مني وتقفل الشاشه وتقوله لعبيني هع هع
اللهم لك الحمد والشكر ع النعم اللي انحن فيها ويارب يثبتنا ويفرحنا بشفاهم وعافيتهم والصدقه تراها زينه والدعاء والتوكل على الله مسبب الاسباب سبحانه وتعالى واللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين....

مرحبا ي جميلات محد طل اليوم عسى المانع خير..
اخر التطورات اللهم لك الحمد عرفت تنفخ في البالون بعد ماجبت لها مصاصه نفخنا في الموية مثل طريقة الجميلة نيسان الله يعطيها واياكم العافية ويكتب اجرنا جميعا
التواصل البصري زاد اللي هو التحديق
وديتها الحلاق يقص شعرها واستغرب من هدوءها ماشاءالله دخلت للالعاب وخليتها تدور وتنطلق شوي بمجرد ما قلت تعالي ركضت لي وشلتها وديتها تحلق شعرها لان كان زحمه الحمد لله تلعب مع عرايسها وتغير لهم وتنيمهم جنبها وتاكلهم وتطلع صوت المضغ لهم شهيتها ماشاء الله تبارك الرحمن مفتوحه ومتقبله تنويع الاكل وكلت خضار جزر فاصوليا بازلاء بطاطس
المضغ اعطيها كورن فليكس ناشف تقرمشه فشار بسكوت تجلس معنا ع الفطور وتشاركنا مع بعض الحركات واصححها لها بلعب مو زجر وكذا
ادلك وجها بلعب ان القطوة بتاكل فمها
التدليك قبل النوم هي صارت تجيب لي الكريم بس زيتون مقري فيه ماتبيه
اقرى عليها قبل تنام والحمدلله نومها عميق بدون بامبرز لنا يومين وبدون تسربات ع الفراش وهي نايمه
طبعا ماتطلب الحمام تكرمون ي نحس فيها تتعصر ي تسحبنا للحمام ايش كمان ياربي
الحمد لله اشياء اختفت وتحسينها دخلت عالمنا وتشوفنا وتفقدني ومتعلقه بي ٩٠٪ باقي الرفرفه والتحديق ف زاويه وبعض السرحان تقولين كنها تتذكر شي ماضي مؤلم وتجلس تتعبر حبيبتي انا ع طول احضنها واقلبها لعب وشقلبة
بالنسبة للشم والتذوق يبي له شوي لان وقت الفطور وانا اسويه ينزل ابوها ويشغل الشاشه وترررركض عنده والله يعين
شممتها نعناع وكمون وذوقتها ليمون ومخلل وملح والنزهه ما وقفتها ي برى نتمشى في الحارة او حديقة او مثل اليوم وديتها تحلق وكذا بس الالعاب مافيها صوت قوي ولو ان هالحلاق الممتاز موب في هالمول ماوديتها بس وش اسوي شعرها غطى ع عيونها ويعيقها من التحديق فينا والحمد لله على كل حال وفي كل مكان ووقت.. دمتم سالمين