ماشاء الله تبارك الله على التطورات ربي يفرحك بيها وبشفائها التام يا رب. فكرتيني بالشهر الأول اللي طبقت فيه البرنامج والتطورات اللي شفتها وحسيت ابني انتقل من عالم لآخر. لدرجة الطبيبة الخاصة اللي رحت لها تشخص الحالة هنا في انجلترا تقولي انتي اكيد تشتغلي معاه كتير. وكانت معطيتني برنامج يعتمد على الألعاب القافزة. وتقولي هل طبقتيه. قلتلها لا. كيف اعرضه لألعاب وهو أصلا غير منتبه لي. تقولي وديه تخاطب.أوقلها كيف أقل من 3 سنوات وما هو منتبه يستفيد من التخاطب؟ سبحان الله حسيتهم متبرمجين عاللي ينصحون فيه. والله المرحلة الأولى رائعة حسيتها نقلة لابني. وكيف ما قالت نيسان كل ما تجلسين مع الطفل وتلعبين معه اكثر يتعلق فيك ووعيه يزيد. انا الحين بالتانية وادربه عالحمام. ادعي ربي يتقنه على خير لاني احسه بيكون نقله كبيرة، لكن مازال يبيله شغل وصبر. الله يعينا جميعا.

ماشاء الله تبارك الرحمن الله يفتح عليه وينور بصيرته ويتعلم وبنيتي وجميع اطفال المسلمين.. انا علمتها قبل لا اطبق البرنامج لان ماكنت ادري بصراحه بسوي معها مثل اخواتها العائق الوحيد ان اخواتها يتكلمون ويطلبون الحمام لكن هي ماتطلب لذلك كان متعب ووسعي صدررررك وتوقعي جميع الاحتمالات ويوم سمعت تسجيل ريما عن الحمام بالفعل كملت تطبيق مثلها لين الطفل يحس بالوعي اكثر ويعرف هالشي وين مكانه والحمد لله طلعت اكثر من مكان وهي ماسكه نفسها ماسوتها ع ملابسها وتقدرين تقولين صار اكثر انتظام روحتها للحمام باقي لي اعلمها انه مو ف الارض انه يكون ف كرسي الحمام لانها رافضه النونيه او القيصريه للأسف
مزاجها اليوم متقلب ف النوم يمكن لان دخلت الالعاب
وفرصه اني اقول لابوها هذا من تاثير الشاشه وغوريلا رامز اللي روعها والله يفتح عليه ويهديه ويكون سند لي ولها ولعياله يااارب
انا ناويه اطول في الاولى حاطه خطه شهر لكل مرحله منها نمرينات واستمتاع ولعب وتعلق ماااراح اضيع اي ثانية كانت من حقها وضيعته بحوله وقوته مايجي الفصل الدراسي الاول الا واحنا مختمين المرحله الرابعه بحوله وقوته
وبالفعل الاخصائيين تحسينهم مبرمجين ع خططهم وهذا مايمنع اني ادخلها تخاطب وكذا لكن لين انا اهيأها لهالشي مو يضغطونها ويعدمون نفسيتها لين تحكي ابد بتحكي وببتكلم بحوله وقوته وربي بيجبر قلووبنا وبيفرحنا بشفاهم وعافيتهم بحوله وقوته...

انشاء الله ربي يفرحك بيها. انا لاحظت ان ابني لما نومه يختل يصير تركيزه اقل خلال اليوم. تعديل النوم فعلا شيء مهم. انا كنت محتارة صراحة اذا لازم اعمل انشطة اخرى مع ابني مع البرنامج زي الكروت والتعريف بالأسماء. اذا احد له خبره في هذا الامر يعلمني.

اللهم امييين وإياك ويبارك لنا ولك ويحفظك يارب العالمين ويشافي ويعافي اطفالنا واطفال المسلمين..
انا اشوف مانضغط عليهم بشي غير موجود بالبرنامج ممكن بدائل صحيح لكن اجيب او ادخل شي ثاني نخليه شوي مو الان لين يزيد ادراكهم ووعيهم..
امس اول ماقلت بسم الله الرحمن الرحيم.. قالت اااااامين.. انبسسطت وشكرت رب العالمين معناتها زاد وعيها صرت اسوي نفسي ابكي تسوي نفس صوتي وتبوسني
صارت عضو فعال ف الاسرة تاكل وتشرب معنا تذوق العصير انواع من الاكل تشاركنا ف الجلسة تلعب تصرخ وتحوس مو زي اول بلا هدف واحنا للاسف مهمشينها صار اي احد يدخل تجري تسلم عليه وتستقبله خف صياحها وعصبيتها وصار شبه مقنن النفخ حبت البالونات وتنفخ بس تطلع صوت سسين لسى ماعرفت تطبق فمها يعني ماراح انتقل للمرحلة الثانية الا بعد النفخ والشم بحوله وقوته..

ماشاء الله أختى أرى تطوراتها سريعة الحمدلله والله واصلي وتفاءلي انشاءلله تتعافى بسرعة. أنا كان غرضي اني ما أضيع وقت ابني. يعني أحسه سريع التعلم بس يبيله زيادة تركيز. هو مع أول شهر بالبرنامج نطق بعض كلمات وكلماته في تزايد. واتبع معه التحفيز اللغوي صار يطلب الكيك مثلا يقول كيك لأنه يحبه مرة لكن ما يطلب شي اخر. بعدين صار احيانا يردد وراي كلمه من وقت لاخر. فانا احسه الحمد لله اللغة في تحسن لكن لسة ما بيقلد. بس بسيط جدا. كمان لسه ما يلعب مع اخته. جه وقت صارت تمثل انها تطيح يجري عليهها يقومها وكنت فرحانه فيه مرة بس احسه وقف لانها احيانا تصيح فيه فيخاف منها. احيانا يندمج معي انا واياها ويقلدنا بسيط ويطالع فيها افرح واقول ماشالله صار مستعد للدمج لكن يتراجع. لكني انشاء الله ناوية اخد اجازة طويلة من عملي واتفرغله واعيد معه من اول مرحلة وربي ييسر