صباح الخير
انا كنت مختفيه لي يومين عندي ظروف
كيف حالكم اليوم
ولا تنسوا قراءة سورة الكهف

السلام عليكم كيفكم بنات اسفه جدا اني ما برد عليكم وحده وحده واذكركم بالاسم بصدق مو لاقيه وقت انام او حتى امشط شعري الحمد لله على كل شي احمد ربي على كل شي رزقني بنات ولادتي ما كانت متوقعه ابدا وما كنت حاسه اني رح اولد وكنت رافضه الموضوع بس سبحان الله قدر الله وما شاء فعل وكله خير المهم انا انقطعت عنكم من بداية الشهر السابع حسب ما اذكر بالشهر السابع رحت لدكتوره مراجعه عادية وخبرتها اني بحس بالم وثقل وطلبت مني اروح النسائية والتوليد علشان يشوفوا اذا عندي طلق او لا وانا رايحه ومتأكده ما عندي طلق رحت للمرضه اطلعي على التخت اطلعت حطت الجهاز وتركتني وبعد شي ربع ساعه رجعت ومسكت التخطيط ونادت على الدكتوره وقالت لي الدكتوره فحص داخلي قلت نعم شو فحص داخلي ليش ومشان شو قالت عندي طلق قلت مستحيل انا مو حاسه ولا بشي قالت الجهاز يبين في طلق قلت لها ابدا لازم اكلم امي او زوجي كلمت امي وقالت لي ما تعملي ولا شي انا جاية وكلمت زوجي وقالي انا جايك المهم بنات انا قاعده ومو حاسه بشي من وين الطلق ما بعرف جات الممرضه يلا بدنا نحط ابره بايدك وجت امي ورحت تشوف الدكتوره وقالت لي امي لازم يفحصوكي داخلي يا امي علشان في طلق وبدهم يشوفوا في توسع عندك ولا لا اه على الفحص المهم فحصتني داخلي وكل الي بالطابق سمعو صوتي طبعا انا كنت بطابق الولادات هادي تصرخ من هون وهادي تتوجع وانا زاد توتري قالت لي الدكتوره عندك توسع 2سم يعني اصبع واحد وصرت ابكي لاني لسى باول السابع وخلتني بغرفه المراقبة واعطوني ابر لمنع الولادة وكيس البول وكل نص ساعه فحص التخطيط ياربي ما اصعبها من لحظات والحمد لله قعدت بالمستشفى 4 ايام وبعدها روحت على بيت اهلي لانه ممنوع اتحرك وبقيت مستمره على ابر التثبيت والحمدلله عديت السابع على خير طبعا باول الثامن دخلت الثامن بس يومين صحيت الصبح دخلت الحمام وانتم بكرامه لقيت افرازات شفافه بيضاء كتيره ومعها ماء خوفت اتصلت على دكتورتي مسافره رجحتلي دكتوره اروح عليها طبعا رحت على الدكتوره وقالت لي فحص داخلي بدنا نطمن نشوف التوسع كم عندك ونفس الشي فحصتني وكان 2 سم اصبع واحد طبعا بدات الاتصالات علشان تسألي على الخداج طبعا خوفت وقلت لها انا ما بدي اولد لسى بكير قالت الولاده مو بايدنا قلت لها انا بدي ارجع للبيت اذا صار معي وجع برجع المهم هربت ورجعت للبيبت ويا بنات كان يصير معي وجع كل ربع ساعه بعدين لوقت صلاة المغرب صار كل 5 دقائق وجع متل الدوره ويشد يشد وبعدين يروح وامي تقولي لازم تروحي للمستشفى بلاش يصير فيكي وفي البيبات شي وانا ابدا ما بدي وتصلت على زوجي وفي دقائق كان عندي يقولي اذا بتقدري تتحملي ما بنروح للمستشفى قلت له بتحمل المهم بنات اصابع ايدي اطرافهم صار لونهم ازرق ووجهي كمان امي قالت خلاص يلا قومي انتي رح تموتي وانا مابرد عليكم روحنا المستشفى على فحص داخلي على جهاز الطلق وكان بجد بنات معي وجع هادي المره بس انا ما بينت علشان ما يولدوني وسبحان الله كل شي كان مقدر روحت المستشفى الساعه عشره ليلا وضليت اتوجع تقريبا 3 الفجر واجت الدكتوره وقالت لي لازم افك الغرزه قلت لها وانا صاحية قالت نعم في عندك دفع والغرزه مانعه الولاده عندك وهذا خطر على صحتك وصحة البيبات رفضت اتصلوا بامي (بصراحه تعبت كتير معي ) واجت امي وتقنع في وانا ابدا قلت لدكتوره اعطيني فرصه لصبح اذا ضليت تعبانه فكي الغرزه وولدوني لانه الدكتوره من لما دخلت المستشفى بدها تولدني بس انا وزوجي رفضنا
عند صلاة الفجر ستخرت ربي وتوكلت عليه وصار عندي وجع طبعا اعطوني ابر مسكنة تهديني وارجع اتعب الدكتوره تقولي انتي ممنوع تطلقي خطر على حياتك وحياة اولادك وانا ابدا خايفه اولاد وزوجي يقولي ممكن اعطوكي شي يحرض على الولادة من الابر بصراحه ما بعرف بس اذا عملوا هيك حسبي الله عليهم المهم امي شافتني تنفخ وجهي ورقبتي وصرت زرقا مو قادره اخذ نفس نادت الدكتوره وقالت الدكتوره بنتك رافضه تولد واحنا رح نوقعها على ورقه نخلي مسؤوليتنا من اي شي لانها رافضه صارت الساعه 8 الصبح توصار معي طلق مع كل طلقه تنزل ماي وتوكلت على ربي وقلت لدكتوره ولديني وعملوا كل الاجراءات وحضروا الغرفه الولادة وغرفه الخداج وطبعا قلت لدكتوره لا تفكي الغرزه غير وانا بالعملية لاني مو قادرة تحمل وجع ثاني وستودعت اولادي لله عزوجل وصحيت من البنج واول ما شفت الممرضه سألتها عن الاولاد قالت لي بالخداج ولا تخافي عليهم شفت امي وكانت تبكي وكل الي حوالي يبكوا اهلي وبيت حماي خفت فكرت في شي باولادي قالت لي امي الاولاد بالخداج ورب العالمين رزقك بنتين وولد حمدت ربي علىهم وسألتها عنهم قالت لي بالخداج لانهم تعبانين وعلى اجهزة التنفس طبعا من الصدمة ضليت ساكته ما حكيت ولا شي وامي تقولي لا تخافي ان شاء الله يتحسنوا وبكبروا وتفرحي فيهم وانا مو هون طبعا صباتني الكآبه ما بعد الولادة ومن لما ولدت لليوم وجرحي ما سكر العملية جدا متعبة والحمد لله على كل شي طولت عليكم بس انا وعدت البنات اخبرهم بالتفصيل طبعا قعدوا اولادي تقريبا سبوعين بالخداج وما رح اخبركم شعوري بس شفتهم بالخداج لاني بحاول انسى كل ما اتذكر ببكي من كل قلبي والبكا ابدا ما فارقني ابني قبل كم يوم تعب ورجعنا الخداج والحمد لله طلع طبعا بنات نوم ما في لانه كل 3 ساعات بدهم رضعه انا مو مشكله عندي النوم كل التعب بيروح بس اشوفهم مثل الاطفال العاديين ويصح جسمهم وينصحوا ادعولهم بنات اليوم الجمعه وهاد كل الي صار معي واحمد ربي واشكر فضله على كل شي وكل شي ربي اختارلي اياه في خير

دعواتكم

والله دخلت بالصدفه بعد غياب وتعب من الأدوية مخدرتني الله يعين وانصدمت من الكلام
ماتشوفووووي شر جروح والله يتمملك حملك علي خير يارب ويثبت كنتيك يارب العالمين
ماعمدي معلومة بالس صار لك بس خلي املك بالله كبير ووارتاحي ويارب تمر علي خير وطمنينا عنك حبيبتي

مسس شادو.............الله يكتب لك الاجر ويقر عينك بصلاحهم

جروح....عليك بالراحة

كات ..........سلامات

اهم شيء ارتاااحي يالغاااليه وخليك متااابعه مع الدكتورة اول باااول واذا حسيتي بااي شيء ع طول لدكتورتك وان شاء الله خير يااارب

هلا كااات شوو اخبااارك

الحمدلله ع السلااامه شاااااااادوو وان شاء الله ربي يخلي لك عيااالك يااااااااااارب وتشووفيهم بااتم الصحه والعافيه يااارب


هلا بنتظر شوو اخبارك وووينك مختفيه هاالااياام عسى خير