ليال @ :

أنا زوجه ثانيه للأسف برغم أني صغيره وجميله ومتعلمه وعندي طفلين بعد ست سنين زواج أكتشفت فيها أن أكبر خطأ ممكن يرتكبه الرجل هو التعدد بدون ضرورة قصوى مثل مرض الزوجه بل هو نوع من إستعباد المرأة وغيظها ورغم أن زوجي ليس سيء كما قد يفهم البعض إلا أن حياة الزوجه الثانيه بائسه فهي مجرمه لايرحمها المجتمع بل يمتد الخوف منها إلى أخواتها وتجد نفسها دائما موضع أسئلة وحياتها الكل يبغى يحطها على طاولة المناقشات كيف وليش ومن....والزوجه الأولى هي المسكينة اللي ماقصرت ولاغلطت وأنسرق منها زوجها..والكل يستنى طلاق الثانية المسكينه عشان يثبت أن البقاء للأولى بس وأن الثانية كانت غلطه والأولى هي أم العيال اللي عرفته بكر وعودته عليها وصنعته وأستني شوي يرجع لك وكأننا اجسادبلا روح!وووووعشان كذا هي دايم معذوره لو تصب عليك بنزين وتحرقك..ولو غارت هي تراها معذوره لأنك لطشتي زوجها بس أنتي الزوجه الثانيه مالك حق تغارين ولازم ماتكونين إنسان بعد كيف لك وجه تغارين وأنتي اللي داخله عليها والمشكلة أن المرأة تذبح نفسها عشان ترضيه وليته يرضى! أنتي إنسان وأكيد يوم تزعلين ويوم تتعبين وفي لحظه تلقينه مال بعيد ونساك لأنه يبي ينام على الجنب اللي يريحه. والغالب للأسف أن المجتمع مايفهم نظرة الشرع للتعدد وأن الزوجه الثانية مثل الأولى تماماً لاتنقص عنها بشي بل يزيد الضغط على الرجل فلو سافرمع زوجته الثانيه قالو ترك عياله ونساهم ولو حطها في بيت زين قالو شوفو بيتها وبيت عياله واللي يؤجج الموضوع النساء طبعاً المصابات بعقدة الزوجه الثانيه(وهذا بالنسبه لنظرة المجتمع وتعالو لحياة الزوجين اللي غالباً نتصبر فيها عشان عيالنا ونحط الف مبرر ومبرر ومانواجه الحقيقه وهي أننا تعيسات جداً ونتمنى لو أخذنا ولد بكر (زينا أول قبل لانتهور)من يوم ماتزوجين ماتلقين السعادة أبداً بسبب نكد الأول وصياحها وعتابها وقد يشاركونها أولادها العمليه!والزوج المسكين مضطر يبين حبه لها وأنها مازالت على العين والرأس وكله من وقتك وحياتك ولازم تتحملين لأنك أخذتي متزوج هذا بالإضافه أنه لوكانت الزوجه الأولى من سنك وحليوه عمرك ماراح تحسين بلهفته كرجل عليك وأنتو فاهمين! وعلى فكره ترى الزوجه الأولى تطور نفسها إذا حست أن زوجها بدلها وترجع عروس جديده تنافسك بخبرتها وأنتي المسكينه المستجده في سنه أولى على باب الله!وفي عز الوقت اللي تتمنين فيه أنك تحسين أنك عروس جديده ولك وزنك تلقينه يقدم القرابين للأولى عشان ترضى مثل زوجي اللي سافر مع زوجته الأولى عشان يراضيها بعد أسبوعين من زواجنا!تحطيم صح؟ وعمرك ماراح تحسين بالسعاده لأنك راح تستمرين في تدليعه وخدمته مثل ماسوي مع زوجي وأكتشف في النهايه أنه هو الكسبان الوحيد اللي ينتظر جواريه وش يقدمون له كل يوم وهو في النهاية مايقدم لك إلا لقب متزوجه. وحياتك كلها غير مستقره لأنك لو نكدتي عليه ردك لبت أهلك لأنه يبي الحرمه اللي تريحه وأقصد بالنكد الزعل والغيره عشان كذا لازم تصيرين ممثله وتكتمين غيرتك وقهرك وتتظاهرين بالسعادة واللهفه عشان مايطير عنك حتى لو بكره صابتك أمراض الدنيا من ضغط وقرحه وقولون قلعتك المهم تريحين أبو العيال! أنا آسفه أني سديت نفوسكم بس هذي هي الحقيقه أن التعدد ظلم للمرأة وخاصه الثانية أللي ماجربت دنيا وتبي تعيش وتلقى الكل واقف لها. وللحديث بقيه!

أنا زوجه ثانيه للأسف برغم أني صغيره وجميله ومتعلمه وعندي طفلين بعد ست سنين زواج أكتشفت فيها أن...

moon*light :

أولا قبل ماأقول اللي عندي حبيت أقولكم كل عام وانتم بخير طبعا هذي أول مشاركة لي في هذا القسم ..حبيت أعرض لكم ماعندي واتمنى فعلا اخذ الشيء اللي يفيدني منكم لانني والله لأجد من ينصحني ولو بكلمة تفيدني لان امي وابوي متوفين .. عموما أناعمري 25 ،،و تقدم لخطبتي رجل يمتاز بالأخلاق والسمعة العالية متزوج عمره بحدود 32طبعا كل اللي عندي يمدحونه وكل الناس تشهدله بالخير وهذا الشيء خلاني اجعله حيز من التفكير عندي بعد ماكنت مستبعدة موضوع الارتباط برجل متزوج...عذره معروف وكل الناس تعرفه ان زوجته لاتطاق مشاكل معه ومع اهله ودائما هي مغتربة عنه بحكم انها تعمل في منطقة نائية ومايشوفها الافي الاجازات وهو طبعا بدا يكرهها ويكره تصرفاتها واهمالها له عشان كذا فكر يتزوج للمره الثانية المهم لما كلمني عمي بها الموضوع احترت كثير مادري اوافق ولا ارفض خاصة انه متمسك فيني لحب اهله لي ولسمعتي وانا مترددة لاني ماودي اجرح زوجته وغير كذا عنده طفلة بمعنى اصح ماودي اخذ الرجال من حضن زوجته وبنته مع العلم واالله يااخواتي كثييييييييييير اللي تقدموا ورفضت وكانت لي مبرراتي بس ليه لما تقدم هالشخص حسيت نفسي ضايعة ومحتارة ونفسي احد ينصحني بها الزواج والارتباط بشخص متزوج ... اتمنى يابنات فعلا تعطون الشي اللي يريحني لاني والله خايفة اني اوافق واندم ..او أرفض واخسره لانه فعلا لايعوض(اسأل الله ان يبارك في كل من ترد علي بنية صادقة..وان يفرج عنها هموم الدنيا والاخرة)

أولا قبل ماأقول اللي عندي حبيت أقولكم كل عام وانتم بخير طبعا هذي أول مشاركة لي في هذا القسم...

قرشة عطر :

هلا إختي ... قرأت ماكتبتي وشعرت به .... وإحنا يالزوجات الثانيات مظلومات حقا وكل لها سببها بالزواج الثاني ( حلال من رب العالمين ) وليس حبا فيه صدقيني مهما تفانيتي بارضاء الزوجه الاولى إلا إنها تراك ظالمه .... فأنا إختي الكريمه لم أتزوج إلا بموافقتها ومع ذلك وبعد زواجي من زوجها ... بدأت الخطط والمؤامرات تاره بالخش والدس وتاره علانيه بأنها تطلب من زوجي أن يطلقني ... زوجي نعم يحبني كل الحب ويتفنن بتدليلي ومواساتي ويثني علي لقوة صبري وقلة حيلتي ولكن السؤال إلى متى يستمر بنا هذا الحال .... :(

هلا إختي ... قرأت ماكتبتي وشعرت به .... وإحنا يالزوجات الثانيات مظلومات حقا وكل لها سببها بالزواج...

منتظرة والأمل بالله :

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مو كل زوجة اولى ترا الثانية ظالمة الظالم او العادل هو الزوج الله يصلحك ويصلح لك زوجك وضرتك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مو كل زوجة اولى ترا الثانية ظالمة الظالم او العادل ...

القلـــ قوت ـــلوب :

كل عام وحبيباتي بنات حواء بألف خير وعافية بإذنه تعالى وبعدين خواتي العزيزات أنا عندي مشكلة و أتمنى مساعدتي ومشكلتي مع الغيـــــــــــــــــــــــــرة وأأأأأأأأأأأأأأأأه من الغيرة الي كل يوم وهي تزيد :( والله غصباً عني وأحاول أني أتغلب ولا أبين لزوجي ولكني ضعيفة من داخلي وماني قادرة والحمدلله بالرغم من غيرتي الزايدة زوجي متفهم ومتحمل بس أدري ما راح يتحمل على طول أكيد بيجي يوم ويمل وأنا متأكدة أنه متحملني لأنه توانا في بداية حياتنا والأولى للحين ما معطيته ريق حلو ولكن أول ما ترجع المياه للمجاريهم بيمل ويتعب من غيرتي ويفش خلقه فيني :30: فأرجوكم ثم أرجوكم الي عندها طريقة تقدر تساعدني بها لاتبخل علي لأني بأمس الحاجة والحاجة لله سبحانه وتعالى في إنتظار ردودكم ((اللهم سخرنا لأزواجنا وذرياتنا وأجعلهم لنا قرة أعين)) ..... اللهم امين

كل عام وحبيباتي بنات حواء بألف خير وعافية بإذنه تعالى وبعدين خواتي العزيزات أنا عندي مشكلة و...