مرحبا وهلا وغلا بالغاليات الأولات والثانيات
وكل عام وانتو بخير << تو الناس

الف مبرووووووووووووك رجوع الملف وعساه ما ينحذف مرة ثانية وهالله هالله بالردود السنعة
صبي قهوة يا ملامح بارك الله فيك

وناسة متى بتعرسين وبتفكينا من هذرتك الزايدة << والله انها عسل على قلبي
منتظرة والأمل بالله نورتينا يا الغالية وحياك الله في ملفنا ونحطك فوق راسنا بعد
ليال@ ليش بس هالنظرة للزواج الثاني صدقيني شوفي الحياة بمنظار حلو وراح تشوفين كل شي حلو بإذن الله
هدوء المساء ، لين2004 ، سنوبس وباقي الزوجات وينكم مختفيين عسى المانع خير

يووووووووووووووووووووووووووه تعبت من صب القهوة وش معنى انا دايم ولا علشاني الصغيرة ( وناسة اذا كان بينطبق علي المثل خادم القوم اصغرهم ابشروا بالى ما تقعد من صب القهوة )

يالله عاد نرجع لك قوت القلوب ومثل ما قالت اختي اسرار لا تتعبثين عن اشياءة ولا وين راح او جا بهالعيد جاي لديرتنا لان بها مناسبة ولاني قايلة اذا كنت بتجي علمني ارجع معك بلا ما اتعب اخواني يرجعوني قال طيب تفاجات انه يقول حضرو مجموعة من الشباب بس ما قال اني حضرت معهم سكتت قال لي سواليف بالديرة ما تنعرف الا اذا كان حاضر ما حاولت اواجهه خليها لبعدين تنرد له بس على هدوووووووووووووووء وروحه لاهلي معاد به الا اذا بيكتب تعهد انه بيوديني ويرجعني

مون لا يت استخيري وشكلك مرتاحة مره ومساله توك صغيرة يمكن تكون خيره اطلبي تكلمينه وتناقشينة بعقلانية ومن ناحية زوجته الاوله خلي ببالك انه لا زم يكون به مشااااااااااااكل بس الباب الي يجيك منه ريح سده واستريح فان توكلتي وتزوجتيه لا تحاولي تسالينه او تسالين اهله عنها ابد
اما اذا انتي واثقة انه ممكن يجيك احسن منه دينيا واخلاقيا فاتركيه

قرشة عطر الصبر مفتاح للفرج ما اقول بنكون مثاليات لكن على الاقل خلينا نكون مطنشات ان اعطينا رضينا وان منعنا شكرنا

وصدقت اختى المنتظرة الظالم والعادل هو الزوج هو الي يقدر يحسس الكل انه مرضيهن باسلوب بسيط جدا يكفي الابتسامة


وما شاء الله كفيت ووفيت اسرار بقولها ((الاولى المفترض تسعد لأنه رغم عجزها عن توفير احتياجه لم يتخلى عنها بل ابقاها معه وهذا يعني ان لها اهمية عنده ،،

والثانية المفترض تسعد لأن احتياجه الهام موجود لديها لذا سعى لها بتفكير واعي ومدرك وليس طيش شباب ,))

ايه والله صدق وناسة متى تعرسين نبي نشوف تجربتك اذا تؤيدين او تعارضين الزواج من متزوج مع اني اييد وبشده يكفي انه يكون مجرب وفاهم ما به حاجة تفهمينه انا زوجي صاير دكتورة نساء وولادة من كثر ما كان يراقب تغيرات جسمي قبل وبعد الحمل والولادة وكان هو مستشاري في كثير من الاعراض الى كانت تجيني يعني مو لازم كل شوي انطط في المستشفى كل شي عنده طبيعي

الا وينهم باقى البنات فقدناهم

ودي اعرف شلون تعاملون ضراتكم قدام الناس ؟؟؟؟ وفي البيت ؟؟؟؟

وناسة والناس محتاسة شكرا حبيبتي وكلك زووء ويارب انتي كمان الله يسخرلك زوجك ويجعلك قرة عين له ويألف بين قلوبكم...........

الاخت اسرار >>>>>>>>>من قالك يا روحي انه الرجال ما بيتزوج على زوجته الا اذا كان فيها عيب غلطانه وعلى فكرة ما في رجال ابدا عليه الامان انا متلك هيك كنت افكر زمان لكن من بعد ما شفت اصحاب زوجي وقصصهم غيرت رأي مثلا في النا اصحاب عائلة سورية عايشين بالاردن زوجته سبحان اللي خلقها وصورها ادي هي حلوة وخلوقة ومتدينة وطيبة كتير وعندها اولاد الله يخليلها اياهم بجننوه كتير كتير حلوين ولساتها صغيرة يادوب بالعشرينات وبكل بساطة راح تزوج عليها وحدة اقل من عادية لا وكمان مسيحية وبتقولي بعدين الرجال ما بيتزوج فراغة عين لا حبيبتي غلطانه...
وكمان في قصة تانية صاحب زوجي من ايام الدراسة شب سعودي عمره بأول التلاتينات ومتزوج تنتين لما جابهم عندي في العيد (جابهم التنتين يعيدوا في الاردن وعزمتهم عندي على العشا بس عشان اشوفهم ) وشو كانت الصدمة التنتين احلى من بعض وصغار بالعمر وكتير حبوبات ولا لو تشوفيهم ما ألذهم وهما قاعدات بجنب بعض وبيحكوا مع بعض تقولي خوات مش ضراير فسبحان الله فعلا لله في خلقه شؤون وشو انقهرت لما زوجي حكالي انه صاحبه هادا ناوي على التالتة قال شو الله موسع علي فليش ما يكون عنده اربعة زوجات شو ناقصه هو والمشكلة انه زوجي حكالوا عن اختي وانا لما عرفت طار عقلي من راسي شو ليش اختي تتزوج رجال معدد وهي صغيرة وحلوة شو الله جابرها يعني لا وكمان عشان زوجاته يدعوا علي انه زوجي يتزوج علي بعدين الله لا يقدر ........
عرفت يا قلبي انه معظم اللي بيتزوجوا على زوجاتهم بس لانهم بحبوا التعدد......

بنات خلو عنكم الاكل بنفسكم
ولابالزوجات الاولات..
لاتستاثمون وتغتابون وتضيعون
صالح اعمالكم..
الصدق والاساس ان الزوج هو الضره
اذا ماعدل كلا الطرفين بيتأذى مهما مال
لطرف مده من الزمن..
عدم التوازن والعدل بيضر الطرفين
مع الوقت تكفي عقوبة الظلم بس.
الله يعيننا واياكم ويسخرهم ويكفينا شرهم.

فراشة هادئة حلو كلامك يعني مو سالفة الفلوس هي الى تخلي الرجل يتزوج على زوجته

احيانا تكون حاجة نفسية له مو لازم بس جسدية

صدقتي العامرية لا تبقى الا عقوبة الظلم اجلا او عاجلا اولى او ثانية