ما ادري ليش المواضيع هذي تطلع شياطين الناس

زوجة اولى او ثانية كلهم فيهم حقهم من الغيرة

ولا الزوجة الاولى ولا الثانية هي السبب في مشاكل وتفرقة عوائل وعيال ,,, الرجال اللي خطب موب الحرمة ,,, وفيه فيه العرس لو ما اخذ هذي اخذ غيرها


الحرمة قاعده في بيت اهلها مؤدبة وش حليلها وجاهم الرجال يبي هالبنت ,,,, هي وش ذنبها


والزوجة الاولى ما تدري وش المكتوب عند الله ,,, يمكن تصير زوجة ثانية او ثالثة

وللعلم انا زوجة اولى وما عندي ضرة بس استغرب من الوغوشة اللي تصير حول المواضيع هذي وكاننا في حلبة مصارعة ,,,


بس ودي اعرف لقافة لا غيرمن وحده حساسة لا تقبل العنف والمهاوش فان جاز لكم جاوبوا وان ما اعجبكم انسووووه وان بغيتوا احذفوه خخخخخ
وش اللي يخلي البنت توافق على معدد وهي ببداية حياتها ,,, يعني ما تقول اصبر يمكن يجيني افضل منه الطريق طويل قدامي ,,,,,

السلام عليكم يا اخوتي في الله اذا سمحتم ان اطرح عليكم سؤال اذا ممكن ....... كيف هي علاقتكن مع أم الزوج ؟ هل تقاركن بالزوجة الاولى او تشتكي لكن منها ؟ وهل تكررن الزيارات بينكم ام ماذا

عيون تركي حياك الله في تجمعنا

املي بعد الله بهم الله يجزاك خير

امرأه من الخيال حياك الله والف مبروووك

ام مسلم حياك الله ليش مانقبلك الا نقبلك ونص وجواب سؤالك اذا انظموا المسيار حياهم الله

ورده نت كلامك صحيح وواقعي وجواب سؤالك ممكن البنت هذي تكون مطلقه وانتي تعرفين نظرة المجتمع للمطلقه او تكون بنت ماتزوجت من قبل بس عندها ظروف ارغمتها من الزواج بمتزوج وطبعا باقي البنات يجاوبونك

kloullou علاقتي مع ام زوجي عاديه جدا زي علاقة ضرتي بها طبعا ماتسوي مقارنات بيننا ولاتشتكي من احد وبالنسبه للزيارات اكيد فيه زيارات

السلام عليكم
انا زوجه وحيده بس بغيت ادلي بدلوي اذا سمحتولي
انا ودي افهم ليه قايمه حروب بين الزوجات يعني لو مو متعلمين ولا شايفين دنيا ولا مافينا خوف من الله فهمنا
بس ليه دايما الزوجه الاولى تقول عن الثانيه انها ساحرته والثانيه تقول تغار مني وقاهرتها
وربي فاهمه الغيره بس ياناس امهات المؤمنين كانوا ضراير ومحد ياخذ رزق احد
وليش تزعل من ضرتها وتكره عيالها وتكره الاخوان في بعض بصراحه الرجل الشرع محلله 4 وحنا نجي نعترض وبعدين بنت الناس في بيتها الرجل هو اللي سعى وراها
انا تراي اعلق على كلامكم بس
ولا انا مثل كل نساء الارض زوجي ابيه لي
بس بعد والله العظيم لو صار وتزوج مراح ازعل منها هي ولا اكرهه عيالها بالعكس لو بزعل وبحط بخاطري بزعل منه هو
وفي النهايه الدنيا كلها عابره وعابر سبيلها ليش مانحتسب وبدل مااكره احاول اتقرب واللطف الجو واتناسى انها شريكتي
حنا لازم نكون متقبلين هاالشي لانه اسلامنا محلل التعداد يعني يكون بثقافتنا
ومو لازم اللي يفكر بالزواج تكون زوجته مقصره بعظهم من ايام مراهقته حاطها في باله انه بيتزوج ثنتين ولا ثلاث
يعني مو قصور في ام العيال
ولا حد تكفون يقول اموت اذا تخيلته معها زي ماهو معي
لانه مستحيل اصلا يكون معها زيك كل وحده لها جوها
وادري اني طولت ودبلت اكبادكم بس ودي ودي ودي اشوف الضراير زي ايام اول كانهم خوات
وربي يوفقكم كلكم اولى او ثانيه ويسخر لكم ازواجكم واولادكم ويبارك بصالح اعمالكم

انا بس حبيت اقول للي تفكر تتزوج واحد متزوج وهاذي نصيحة لله

اذا كان الرجال عنده عذر شرعي مثلا زوجته ماتجيب عيال او لأي سبب ثاني مقنع وتحسين لو كان فيك بتعذرين زوجك وبتزوجينه بعد .....هذا معذور ولا فيه كلام

لكن لما يجيك واحد متزوج كذا مرة ومطلق كذا مرة ويجي يتعذر ويخلي الدين عذر لنقصه ومبرر عشان يلعب في بنات الناس اقول لا والف لا حطي للموضوع حد وارفضيه لأني تندمت قد عدد شعر راسي اني توزجت واحد كذا وكنت زي الاطرش في الزفة كل وحدة من نسوانه حاط فيها عيب عشان يطلقها هذا قبل لا اتزوجة ودارت الايام وانا ياغفلين لكم الله مادريت الا جاي يقول لي بعد ما ورطني منه بطفل مع اني قايلة له من البداية انت ودك تتزوج او تطلق خلنا نسويها قبل لا نجيب ضحياااا قال لا خلاص انا لقيت الي ابي .....قااال ابي اتزوج قلت طيب ليش قال كذا ابي اتزوج الله محلل لي اتزوج قلت طيب طلقني قال ليش ماقلتي لي من البداية عشان اخذ افضل من هاذي .......شوفو الرد
اه ............حسبي الله ونعم الوكيل