تناهيت

حسبي الله عليه والله قهرني

عشان كذا انا مااحب المطلق لو ماعنده ولا حرمه

اخذ واحد متزوج ثلاث مرات ولا ااخذ واحد مطلق ثلاث مرات

مهما كان السبب وبعدين مو شرط يكون عنده حجه عشان اتزوجه

ولا هو دليل السعاده الزوجيه ياما وياما تزوجوا وعندهم حجه يان زوجه مريضه او ماتجيب عيال ولا توفوفقوا بزيجاتهم

وياما ناس تزوجوا وماعندهم حجه لمجرد الزواج وزواجاتهم ناجحه وعامره مو دليل

السلام عليكم حبيت اشارك معكم في موضوعكم وتقبلوني بصدر رحب انا بعد زوجه ثانيه وبقولكم ليش تزوجته هو كان متزوج عمره 30 سنه وانا عمري 22 لما تزوجني ماكان اول واحد يخطبني خطبني غيره اللي ولد عمي واللي ولد خالتي واغلبهم ابوي يرفضهم يقول ماراح اعطيها الا اللي يستاهلهاابوي مدلعني لاني اصغر البنات انابقريه ووخطبني واحد من الرياض ومتزوج لماقالي اخوي عنه حسيت بارتياح اعمامي وعيالهم وخواتي كانو مستحيل يوافقون وتوقعو ان ابوي بيرفضه لكن ابوي صدمهم ووافق وقال لا احد يكلمني بالموضوعوقالي وش رايك قلت الراي رايك المفاجأه اللي صارت بصباح الملكه كان ابوي يشرب مايالتفت وقالي انا حلمت حلم على شان كذا وافقت (مقهوره ودي اعرف وش حلمه بس عيا يعلمني)والحين انا دخلت السنه السادسه من زواجي ولا فيه اي اي مناوشات مع الزوجه الاولى ابداهي فبيتها وانا في بيتي وكل وحده تذكر الثانيه بالخير وعيالي اربع وعشرين ساعه مسنترين عند اخوانهم ووتشتري لهم هدايا اذا سافرت وكل شي ماشي تمام واتذكر مره زوجي قالي انها قالت له زين انك تزوجتها ولا تزوجت وحده غيرها تنكد علي للعلم زوجي ماكان فيه سبب خلاه يتزوج على زوجته ابد ولما خطبني قال لابوي لو مازوجتني بنتك ماراح اتزوج ابد عاد وش السبب اللي خلا زوجي يخطبني هو حضري وانا بدويه ؟ هذا سؤال الكل يسألني عنه وانا ارد عليهم واقول اسئلوه لا ني ماادري واذا سألته قال عجبني اسمك وخطبتك

نسيت اقولكم عيالي ينادون الاولى ماما المهم في الزواج الموده والرحمه مو الهواش وضيقة الخلق وسعو صدوركم الوحده لابد تقتنع في انها ماراح تاخذ الا نصيبها ورزقهااللي مكتوب لها من قبل ماتولدوالله يسخر لك وحده فيكم زوجها ويصلح لها عيالها ودمتم بخير

بنات اقول لكم شيء تراي جاده
انا عايشه بشقه
وزوجي عنده دواميين

اول ماتزوجت قلت لزوجي تزوج وحده ثانيه
وسكنها بالغرفه اللي قبالي

نجلس سوا وننبسط واذا طلع نشتغل سوى
ونطالع التلفزيون مع بعض ونسهر انا واياها

<<عقلية بزران

قلته له ولامي ولام زوجي
وكلهم قعدوا يضحكون

انا هذاك الوقت كنت جاده

بس الحين معد صرت اجيب الطاري
لان فيه مثل يقول "حط اللحم على اللحم يخيس"
وجدتي تقول ان اللي يجمع بين جارتين في بيت واحد
عليه ذنبهم اذا تهاوشوا

فحسيت ان الدعوى مهيب سعة صدر الا مشاحن ومغاير

وكلنا اخوان في الله

الزوجه الولى والثانيه

انا زوجه اولى "بس حبيت اسولف معكم"
واختي زوجه مدري كم رقمها
الله يهدي زوجها


اول ماتزوجها كانت الرابعه
وطلق ثنتين وبقى ثنتين

الله يسعدها ويوفقها ويوفقكم
ويسخر لنا جميعا رجالنا

اسأل الله التوفيق لكن وللجميع...
سبحان الله الاسلام لم يترك وارده ولا شاره الا وأوضحها..

ولقد بين الرسول شروط اختيار الزوج
وهي الخلق والدين ..
ولم يشترط الشروط التي ظهرت اليوم في بعض بنات اليوم ...

وكون الرجل متزوج ام لا....فهذا حق شرعي له..ونصيب وقدر للمرأه ..
ولنا في زوجات الرسول الاسوة الحسنه..

لانستطيع أن ننكر امر الغيره وحب التنافس
ولكن لو وضعت كل امراه امام عينها الجنه والنار فالامور حتما ستمر بسهوله...

أخواتي المتزوجات
نريد الايجابيات..والسلبيات..
كي تنظر لها فتاة اليوم العزباء

انا على يقين بان هناك الكثيرات من يفكرن بالزوج المتزوج من الفتيات ...
لذا نريد الصراحه...
لانريد لأختي أو اختك أن تنظر من زاوية كلام الناس فحسب.
ونظرات الناس فحسب
فكم للاسف من فتاه رفضت رجل متزوج وفيه خير ودين لمجرد نظرة الناس لها بأنها ستكون الزوجة الثانيه
هذه الفكرة يجب الغاءها..
يجب ان تتضح الامور..بشكل صحيح..

قد تكون المهمه..سهله وقد تكون صعبه..ولكنكن أخوات تحملن هم الامانه وهم الدين قبل كل شئ..


نرجو بالفعل ان يسير الموضوع مسار جيد ..ذا توجه صحيح..بعيد عن التعنت وحب الذات..ومجرد الاعتراض لأمور نابعه من طباع مجبوليين عليها احيانا....

اشكر لكن والله هذه الخطوة..واسأل الله ان يبارك في خطاكن وان يجعلكن قدوة يقتدى بها بأذن الله فيما يخدم الامة الاسلاميه ..قبل كل شئ