يبنات عندي مشكله مع اختي وابي مشورتكم ماراح اطول في المقدمه ادخل في الموضوع على طول تقدم لختي عريس بس انه متزوج له7سنوات ومعاه ولد واحد ومرته ماعاد تقدر تخلف مره ثانيه وهي موضفه واخلاقها عاليه والكل يمدحها وزارتنا في رمضان عشان تسلم علينا تصدقون قلبي يبي يتقطع عليها وانا اناظرها مافيها عيب نصحت اختي تتركة والله يرزقها غيره;لكنها رفضت ومتمسكه فيه تقول اخلاقه عاليه وانا مابي رجال في وجهي ال24ساعه احب اريح يوم ويكون خاص فيني اسوي فيه الي ابي بدون اوامر ولامراقبة ;اختي عاطله عن العمل حالها حال غيرها وغيوره وعنيده ومدلعه وكل هل مواصفات ماتصلح تكون زوجه ثانيه //////////////والله اني خا يفه عليها ومهمومه منها عجزت فيها طايره فيه تقلون عمرها ماشافت رجال بلاها ماتعرف غيره الحريم ونارهم''شورو علي يلاجوديات انتم جربتو وعشتو هل اوضاع اخليها تتزوج والا لا وش نصايحكم لها لاني عندي صديقه زوجه ثانيه وكثر ماسمع منها كاره تكون اختي مثلها بس هذيك اوضاعها غير وزواجها بعد غير ; ردو عليه وفي المره الجايه اشكيلكم قصه صديقتي الي نحزن ونشوف نصايحكم لها ; ,]ودمتم سعداء مع ضرايركم.

ريما السلطان
والله فعلا معاك حق يوم تخافين على اختك لان حسب موصفات زوجته الاولى انسانه جدا رائعه فقط مشكلتها انها لا تنجب لكن معه ولد واحد الحمدلله انها انجبت
والثانيه اختك غيوره دلوعه عنيده بصراحه ما تنفع تكون زوجه ثانيه لانها غيوره والغيره بتذبحها
وبتندم بعدين
لاني احسها صغيره على مرارة الزوجه الثانيه حرااااااااام
هو اجازه الشرع لكن بشروط لكن اختك ما فيها شيء علشان ترمي نفسها بالنار
يمكن يكون ممتاز وزوجته تكون طيبه لكن وش يضمنك انهم ما يستمرون ووش يضمنك ان اختك ما تقلب وتندم وتقول انا ليش اخذته بينما يتقدم لي شباب لم يسبق لهم الزواج
وبعدين هو يبي عيال يعني الله يعينها تجيب له درزن عيال وهي غيرر موظفه ايضا احسها بتندم بعدين
وبالذات ان زوجته الاولى موظفه وعندها اتستقلال بنفسها وتقدر تعيل نفسها وعندها ولد وهي اخلاقها ماشاالله
واختك غير موظفه ممكن تنقهر بعدين وتصير ودها تتوظف مثل الثانيه بدل جلست البيت
وغير كذا بيطلب منها تنجب اولاد والله يعينها لانها بتتعب في تربيتهم وخاصتا انها عنيده ودلوعه
من رائي انها تفكر مليووووووووووووون مره قبل ان تقدم على هذه الخطوه

أخواتي الحبيبات سلام من الله عليكم
حبيباتي لابد ان نجعل هذا التجمع للخير سواء لأنفسنا اوغيرنا
ان كون الواحده منا زوجه ثانيه ليس بمنقصه ابدآ بل هو شرع الله شرعه لنا وبالتالي يجب عدم التعامل مع الوضع بحساسيه زائده انا ارى البعض تكتب وتهاجم وكأنها تريد ان تثبت للناس انها على حق اختي انت على حق ولست بحاجه لأثبات هذا الحق ابدآ
وعندما نتكلم عن الزوجه الأولى ومشاعرها هي ايضا على حق فهي الأولى ذات العشره وام الولد وزوجها أول رجل دخل حياتها معها بنى اسس حياته تعلمت معه كيف تكون بنت معه البيت وانجبت الولد كم من يوم سهرت لمرضه وبكت لضيقه وقترت على نفسها لحاجته ماهذا يأخوات والله لن نهنأ بالراحه حتى نطبق حب لأخيك ماتحب لنفسك فهل تلام لضيقها وحربها واقابلها بالمثل والله ليس هناك انجح من علاج الأبتسامه والكلمه الطيبه والهديه المتواضعه وحث الزوج على العدل والأنصاف
واقول للأخت هيومه ليس ماذكرتي صحيح غالبآ الرجل لايركن للجمال ولا للدلال الا فتره ولكنه يركن للحنان المتدفق والعاطفه الصادق وعرفنا كثير تزوج ثانيه ذات جمال و ودلال وعاش معها فتره ثم يعود لزوجته الأولى وهي على فكره نماذج كثيره
اخواتي لنجعل هذا التجمع فرصه لنكسب رضى الله ومن ثم نكسب انفسنا ثم ازواجنا انما نحن نكسب انفسنا عندما نرضى عن الله وبما قسم لنا ونحمد ونشكر ونكون مسارعين بالخيرات
واقول لكل من تقول انا المفضله لدى زوجي وحكمها هذا جاء بناء على فترة من الوقت بسيطه قضتها مع زوجها ونحن نعلم كيف يكون الزواج في بدايته اقول لها لاتطغي ولا تغلبي الأنانيه وحب التملك فتخسرين وأذكرك بقوله تعالى(فلما فرحوا بما أوتوا أخذناهم بغته)وبالشكر تدوم النعم
دعونا نتعلم كيف نتعامل مع ازواجنا في جميع جوانب حياته تعالوا نتعلم كيف نعطي الخير لنكسب الخير
ووفقنا الله وأياكم لما يحب ويرضى

انسانة حزينة :

صحيح مرات تحسينة نصيب و قدر ... بس انا عندي قناعة ان الانسان بنفسه سبب سعادته او تعاسته ... ما نقدر نكون في بلاد فيها طاعون و نقول( نظل في هالبلد واللي يقدره ربك يصير) ... لازم نهرب منه .. لأن لو متنا بالطاعون بنكون احنا اللي قتلنا نفسنا! و مشكورة كثير عالتعقيب.

ريما السلطان:

عزيزتي ...

واضح انه يحب زوجته الأولى ... و اذا تزوج الثانية بس عشان العيال !
لو انا منها بصراحة برفض و بشدة بعد
يعني بياخذها بس للعيال !
وطيب لو طلع مافيها عيال ؟ او العلّه مثلا في الزوج و اختك ما تنجب عيال ؟

وحدة تزوجت واحد عشان تنجب له عيال .. و طلع هو العلة .. يعني لا زوج كامل و لا عيال .. تخيلي ؟
ونعرف واحد صبر على زوجته 20 سنة و بالآخر خذ وحده بالعشرينات ... يجيها بس قلبه مع الأولى و كل يوم الثانية تتصل باختي ( زميلتها) و تشكي من انه دايم سرحان و يفكر في الأولى ..

هالمشاكل ماراح تبين و تبتلي بها الا بعد ما تقع الفاس بالراس! ساعتها ما يفيد الندم
مادامها عالبر... لا تخليها تغامر بامواج البحر...!


الحب الخالد:

اعجبني كلامك يا الغالية ... بس ترانا نتبادل وجهات النظر ... و انا انسانة شفت كثييييير و من اللي مر علي و على زميلاتي و معارفي حسيت ان بهالزمن صعب كثير اللي يعدد و يعدل.

وبالفعل انا ما اقول الجمال و لا المال و لا غيرة ... الحب و الانسجام اهم ، بس كيف يصير انسجام عائلي مثالي و الزوج مراكظ من بيت لبيت ... والحرمة تحس انها قطعة اثاث مركونة ... ساكته لعدة اسباب و مستحملة ؟

انا بصراحة بنسحب من هالتجمع ... اسمحوا لي يا بنات :)

احس اني تطفلت عليكم ;)

حبيبتي هيومه الله يديم عليك نعمه ماشاء الله عليك ردود في قمة الأدب
ومثل ماقلتي هي تبادل وجهات نظر وأختلاف الرأي لايفسد للود قضيه نبقى اخوات في الله وان شاء الله متعاونات على البر والتقوى
وارجو انك ماتنسحبين وانت ماتطفلت ابدآ بل لك وجهة تستحق الأحترام مهما كان ألأختلاف