طيب انا مثلك زوجي يمتدحها وانها امراه عاقله وكل شي

تتوقعين بكرا يجي منها مشاكل لي انا !!

وبعدين انتي شارطه عليه من البدايه انك ما تشوفينها ولا تشوفك ؟

احس لو من البدايه مسويه هالشي كان ارتحتي كثير

واتوقع انه يمديك مافات شي

بحيث تقولين له كلام زين ومقنع

انك ماتبين له هو وجع الراس

وتخافين بعد انه يأثر على البيبي اللي في بطنك

قولي له ابيك اذا دخلت بيتنا ماتجيب طاري احد وتنسى انك متزوج

واذا كان ولا بد تكلمهم او شي من هالقبيل خذ راحتك بس بحدود انك ماتجرح مشاعري

واقصد بحدود

انه يكلمها خارج البيت اذا راح يصلي ويشوف احوالهم كانه رايح يشتري شي

يعني بالعربي يلعب علي وانا راضيه بهاللعبه اذا هي تبي تريحني

وانا راح اقوم بكل واجباتك من طق طق للسلام عليكم

وبعدها اذا رحت لهم انا كذلك ماراح اتصل فيك ولا شي وسوو معها في ليلتها اللي تبي محد يمنعكم من شي

وحسسي نفسك بليلتها انه طالع لشغل او سفره قصيره لعمل وراجع

صدقيني كذا بترتاحين كثير

ولاحظت من كلامك يا هاجر انك لو تتركينها وتبتعدين احسن لك ولزوجك

والا بتجنين على بيتك والله

الا اذا هي نوت لك على خير وانتي تبينها فحياها الله

وهاه والف هاه

انتبهي تتهاوشين مع زوجك علشانها

لانها لو هي شريه

فهذا اللي تبي توصله

هلا وناسة شخبارك يا بعدهم
انا ضرتي يا حبيبتي من النوع الي مو عارفة ايش تبي
والله احترت معها مرات احبها ومرات اكرها مرات تصعب علي ومرات تقهرني
يا ريت افهمها والله مستعدة اكون اكثر من اختها بس ما قدرت

هاجر واللي يرحم والديك وطول باعمارهم ويسكنهم الجنة

اتركيها لا تفهمينها ابداً

واسمعي نصيحة امك

ترا الام ما تقول شي الا فيه الخير لبنتها باذن الله

وانقطعي عنها دامها ماتعرف وش تبي

هي حليله لكن الغيره تذبحها

اذا تذكرت انك زوجته

الافضل والافضل

تبتعدين

ليش تقهرين نفسك

ليه تخلين قلبك يحس بمشاعر متناقضه علشانها وهي مادرت عنك

ولو الود ودها في لحظات تكونين مع زوجك انك ماتكونين معاه

(( طبعا غصبن عليها من الغيرة الله لا يلومها ))

وهذي نصيحة وانا ماودي لك بالنكد وخاصه انك حامل الحين

شكلك طيووووووووبة مره

لكن الطيبه هذي خليها مع صديقاتك واهلك ومع نفسك وزوجك وانسي ضرتك

كفي عنها خيرك وشرك صدقيني بترتاحين

وانا بخير يا بعدهم

والله اني احاتيك

هههههههههههه وناسة مدوخاني وراكي اكتبلك في هالصفة واروح الصفحة التانية الاقيك كاتبة ارد الصفحة هي الاقيك رادة هههههههههه قصة اليوم شكلي بس انا وياك في الاثنين والله كلامك صح بس تعرفي انا مرات يكون هيك رايي بس الانسان مهما كان لازم يتحمل حتى لو بياذي روحه والله حرام الحين هي حياتها صارت كلها مشاكل ولو اني اقسم بالله ما اذيتها في هالفترة قبل يمكن لان كثر الكلام بينا سبب عندي ردة فعل قوية وما كنت اتمنى اوصل للي وصلت له معاها بس مو شي كبير بس كانت تغيضني وارد عليها صراحة . الله يغفر لي المهم واللله بعدها حكينا تلفون وقالت سامحيني قلت لها انتي لي سامحيني غلطت فيك بس . الحين هي في ازمة وانا متاكدة اني ذهابي لها راح ياذيني بس مافي حل هذا واجب حتى لو زوجي رافض انا بروح واقسم بالله صارلي مدة لما يقول بينا مشاكل اقله خدني لها يمكن تهدا وترتاح وهو مسكر ذماغه لكن اليوم بس يجي من عندها بروح حتى لو صار شو ماصار في الاخر كلنا في غربة وبعاد على اهلنا والله يكتب لي ولكم الخير

اذا هذا الشي مريحك وشايفه انه عين الصواب بالنسبه لك

هذا شي راجع لك

واتوقع اي وحده بتشوف مشكلتك واياها حتى لو هي زوجه اولى راح تنصحك مثل ما نصحتك

ريحي دماغك يابت

وانتي في هالوقت تحسين انك تسوين شي فيه خير

وهو بالنسبه لها في قمة الشر والاستهزاء فيها

هي ماتشوف للي تشوفينه

والغيره تعمي البصيرة

فاعقلي اذا تبين تسمعين كلامي

وخلي زوجك يرتاح

مو يروح لبيتها ويتعب ويجي لبيتك ويتعب

خليه يحس بالراحة

والله حراآآآم

:(

صرت اتخيله بين نارين

ويحس انه افعالك هذي تصيب على راسه المصايب من زوجته الاولى

فهنا لا انتي اللي ارتحي ولا ارتاحت هي ولا ارتاح هو

ولو رحتي لها تبي تفتحين النار من جديد

لانها بتشوفك وانتي طالعه معاه وراجعه للبيت

وهاتيها مشاكل مره ثانيه

لاتجنين على نفسك وانا اختك وهذي اخر نصيحه لك

وربي تعبتيني ابي اصييييييييييييح

الله يهديك بس

الخير دوريه في اماكن كثييره غير الضرة