تجهيزات اغراض سفر ولدي زي ما وعدتكم

ما شاء الله عليك يا اختي مانسيتي حاجة يا بطلة ()

بس عندي ملاحظة صغيرة: لو تتركون الخدامة او تسفرونها لبلدها احسن لكم وتريحون راسكم من المشاكل
لانكم رايحين امريكا وممكن تسبب لكم اي مشكلة صغيرة وتروحون فيها!

تتهنوا يارب في سفرتكم وترجعوا بالسسلامة يارب

دعواتك ربي يكتبلي بعثة على خير :"

ما انصحك تاخذين الشغاله هروبهم سهل لان الابواب  ما تتقفل زي السعوديه والشي الثاني لو تتبلى عليكم وتشتكيكم  على طول بيكون الحق معها وثالث شي نظام البيوت مو مريح ان يكون معك خدامتك وما معك الا طفل واحد حطيه بالحظانه طول النهار يعنيومارح تحسين فيه كثير

الشهد\الخدامةعندنا من زمان وواثقين فيها جدا جدا جدا..وكمان زوجها واخوها واختها وبنت خالتها وزوجت اخوها كلهم يشتغلون عندنا عند امي واخت زوجي وبلعكس حتى معاملتي معها ما اعاملها كخدامه وواثقين فيها مرررررررره ..............امين يارب ويهنيك ياقلبي والله يكتب لك البعثه ويسهلها لك ..

s.m15\نفس ردي لاختي الشهد ..وازيد عليه..ان انا ما اقفل بيبان بيتي برياض وان شاءلله ما تتبلى علي وبلعكس بتضر اهلها لانهم كلهم عندنا ونعرف بيتهم وبيتها بديرتها وكل شي عنها وهي حبشيه..ويكفي راتبها ماخذه حقها وزيادة..والبيت بناخذ غرفتين ثلاث غرف عادي هي وولدي بغرفه وانا وزوجي بغرفه وكلش تساهيل ان شاءلله وانا متأكله على ربي ومرتاحه والله الحمد..ولدي مقدر احطه كل النهار في الحظانه مابيه ياخذ عاداتهم بس ابيه يتعلم الغه العربي والانجليزي وخدامتي داخله مدرسه برياض لغة عربي كل خميس تروح تدرس وتعرف عربي تقرا وتكتب بتساعدني يعني ومو مسألت راحه وبس وشكرا حبيبتي لمرورك...
واشكركم على اهتمامكم........

لا تحطين عصير بشنطة الولد

يعتبر سوائل وبيصادرونه

الا ان شريتيه بعد التفتيش

ما شاء الله استفدت منه كثير
الله يعطيك العافية ي رب
بس بسألك مابتأخذي عربية له ؟
ولدي اصغر من ولدك بكم شهر يعني تقريبا سنتين و4 شهور
فكيف تنصحيني أخذ العربية او لا ؟ 
وبالنسبة الصلصال بهل السن مؤ خطر عليهم ؟او في نوع خاص 
ياليت تفيدني 
وبالنسبة العصير كيف اذا هم يمنعوونه ؟لازم أخذ معي ولدي مؤ اي شئ يشربه
معليش كثرت اسئله بس بجد شايله هم الطيارة مرررة
وآخر سؤال كيف تتعاملي مع ولدك بالطيارة أنا اول مرة بسافر وباخذه معي والمدة مؤ قليلة يعني 17 ساعة 
وسامحيني بتعبك 
وربي يوفقك ويوفقنا ويساعدنا ع الغربة