تجوزتي وانتي عندك كام سنة!!!!

-اتجوزتي وانتي عندك كام سنه ؟ 
= ٢٤ 
-صغيره علي الهم يابنتي ازاي تهدري شبابك كدا 

-اتجوزت ٣٠ 
=تلاقيكي كنتي هتعنسي ف اخدتي اي حد

-ملاقتش اللي يصوني لسه وعندي ٣٠ سنه  
=بايره وهتعنسي 

-لسه مخلفناش 
=العيب ف مين يابنتي 

-عندك أولاد؟ 
=اه عندي طفل واحد. 
- لا لازم تخاويه.

-عندي ولدين
=لازم بنت، اللي ماجابتش بنات ماخلفتش

-عندي بنتين
=طيب ده ينفع يعني؟ ده الولد سند.

-عندي ٣
=ضيعتي صحتك وعمرك في هم العيال

-بشتغل الحمدلله
=ابوها حرمها وبتعوض نفسها 

-مش بشتغل  
=مش طموحه ومش هيكون ليكي مستقبل

-فرحي كان بسيط 
=انتو اللي محلتكوش اصلا 

-فرحي كان ف اعلي وانضف اوتيل
=تبزير اوفر ومش هتحافظله علي قرشناته 

-بلبس براحتي وحسب ما ارتاح 
=شوفي البنت اللي محدش عارف يلمها 

-بلبس علي مزاج الناس 
=شوف البنت اللي معندهاش شخصيه 

- رجعت شغلي بعد شهرين من الولادة وجبتله دادة
= أمهات آخر زمن مفيش رحمة

-رجعت شغلي بعد سنتين من الولادة ونزلته حضانة 
=بكرة ولادك يرموكي في دار مسنين ماتقلقيش

-مارجعتش شغلي خالص بعد الولادة
=ضيعتي مستقبلك. الست مالهاش غير شغلها وقرش للزمن..

الفكره ان الناس دايما بتتكلم مهما عملتي ف انتي عيشي لنفسك ومتشغليش بالك بالناس ولا بكلامهم طول مانتي واثقه من نفسك وبتعملي الصح قدام ربنا اولا وقدام نفسك ثانيا وقدام اهلك ثالثا يبقي مفيش حاجه تانيه تستاهل تفكري فيها  ..