يتراوالي اذا زعل لا تناقشينه او تكلمينه .. خليه و طلعي عنه .. يعني روحي الغرفه الثانيه و لا تقعدين معاه مش عشان تجازينه بالمثل ، بس يمكن اذا قعد بروحه يقدر يفكر عدل و يشوف نفسه إذا غلطان او لا .. بعدين بها الطريقة بيحس انج مسكينه و ممكن يحاول يراضيج
انا ضد اي كلام او مناقشة اذا كان الواحد زعلان ، لأن ممكن تقولين او يقول كلام ممكن تندمون عليه بعدين

نبض99........
الله ايعينا ..ولاجل عين تكرم الف عين ..والاوش مصبرنا عليهم ؟؟؟؟؟!!!!
الغمامه....
كلامج فيه الكثير من الواقعيه ..بس هم مايحاولون يفهمون نفسية المره .. يااختي والله انه الضغط على الوحده منا كبير ..اعيال ..وبيت .. ودراسه ..وزوج .. مايحسون فينا ..الله كريم .........

موضوعكم عن جد كثير مشوق وحلو واقعي

الله يجزيكم الخير

اولا واللله كلاام ام القمرين معقول وانا صراحه جربته
لكن يا اخواتي عليكن بالاستغفاروكثرة الصلاة والاستغفار له فوائد كثيره انا لما ازعل زوجي اكثر الاستغفار الاقيه الحمدلله صار احسن قال الرسول صلى الله عليه وسلم ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب ) الزمن الاستغفار واكثروا منه والله انه يسير لك امورك ويحنن قلب زوجك عليك
والله انا ما صبر زوجي علي الا كثرة الاستغفار ربي هاديه والا لو غيره كان من زمان واناااااااااااا

هذي أول مشاركه لي في هذا المنتدى الحلو بعد متابعه يمكن سنه كامله....

أنا بالنسبه لي زوجي هو عادة اللي يراضيني إذا زعلنا حتى الآن....

ما أدري يمكن لأني حاليا مخطوبه (مملكه من سنه وشهرين) وإن شاء الله عرسي بيكون بعد شهرين... بس الله يستر أنا راسي يابس يعني لو إيش لا يمكن إني أراضي أحد...

غير كذا أنا عندي كلمة آسفه مصيبه... ما أحب أقول هذي الكلمه حتى لو غلطانه غلط كبر الدنيا.

يمكن كلمة sorry, أخف وزنا في لساني من كلمة آسفه....

بس إن شاء الله الله لا يغيره علي بعد الزواج....

لأني لو يزعل إن شاء الله شهر ما راح أراضيه....

أكبر زعله عندنا كانت مدتها يوم تأزمت نفستي فيها كيف إني ما أكلمه يوم كامل بس الحمد لله هو اللي جاء واعتذر بس ما أذكر ان في يوم زعلنا وأنا الغلطانه فيه أحس (إحساس فقط ولا أدري بالواقع) إنه دايما هو الغلطان....