ياأخوات نصيحه مجربه إذا تزاعلتوا مع أزواجكم أعرفوا إنكم مقصرين في حق الخالق جل وعلا فسارعوا بالاستغفار والدعاء لله فالله يبتلينا في ما نحب والسعاده والاستقرار هي ما نحب والله والله أني كنت في ضيق مع زوجي فلم أجد في الدنيا من يربط على قلب إلا اللجوء إلى الله والدعاء فلم تتجاوز دعواتي يوما إلا وقدد أصلح الله ذات البين .
قال تعالى (( فمن أعرض عن ذكري فأن له معيشة ظنكا ))

احسن حل انك اذا تزاعلتو وخلص كلام الزعل ارجعي طبيعية وكان ماشئ صار وبعد يوم او يومين اذا هديت النفس تكلمو في المشكلة باللرواق وحلوها بدون زعل بكذا تتعودوا لان الرجال ما يصدق بالزعل علشان يسوي الي يبيه بدون ما احد يكلمه طبعا فرصة

تصدقون يابنات لي 9سنوات متزوجة ماراضاني الا مرة وحدة صح انه في مرات قليله اذا غلط بكلمه او سوى شيء مااحبه يقول اسف لكن في كل حالات الزعل يخليني انا اللي غلطانه ليش؟علشاني زعلت لان المفروض في رايه اني مازعل
وفي كل مرة انا اراضيه واذا مالي نفس اخليه على الطين الين يلين وبعد يومين مثلا ارجع اتكلم معه عادي حتى ينسى ونرجع سمن على بصل زي الاول قصدي عسل خخخخخخ

ايام قبل اول كم سنه بالزواج كنت ازعل واسوي روحي شخصيه واروح غرفة عيالي واطنشه ويجي يراضيني
وبعد مرور السنين قام يطنشني وبعد مرور السنين صرنا نتهاوش ونتراضى بنفس الوقت
يعني مثلا تخيلي اصارخ عليه ويصارخ علي وبعد ربع ساعه تعال يابو فلان اشرب قهوه والا هو يقولي الا وش صار بالسالفه الفلانيه يعني تخاوينا........تخاويت انا والذيب سرحاااااان

أنا وزوجي بين كل فترة نتزاعل ودائما أتنازل وحط نفسي الغلطانة وأراضيه بس آخر مره انقهرت منه مره :16: لأنه ظلمني واشتكاني عند أهلي مع ان الموضوع ماكان يستاهل وتركني عند أهلي ولا سأل عني بس يسأل عن بناته لمدة عشرة أيام ثم جاء يآخذنا بعد ماتهزأت قدامه من الوالد والوالدة وقمت أصيح رحنا للبيت وأنا طول الطريق ودموعي نازلة أمطار :icon33: ومن القهر نمت مع بناتي في غرفتهم وتركته ومن بكره بعد ماجاء من الدوام جاب معه كرتون دونات على باله يراضيني وأنا زعلانه بس طلع الكلام الحلوة وتغير 180 درجة الله يثبته يارب.