يـــا هلا فيكم ~
اليوم موضوعي كلو طبيعي × طبيعي ,بعيد عن الكريمات والمستحضرات التجميليه ,,
والحلو انه بعمل ايادينا ,,
طبعا نعرف اهمية التقشير للبشره ,والمقصود هنا التقشير السطحي لإزالة الخلايا الميتة ,,
وتجديد البشرة , اخترت البابايا ,لانه مايخفى علينا فوائدهــا للبشره ,
بدليل دخولها في مكونات المواد التجميليه ,من صابون ومقشرات ..الخ
بسم الله نبدأ المكونات من ثم الخطوات "
2 ملعقه كبيره بابايا
2 ملعقه كبيره أناناس
ملعقة عصير أناناس <ماكان عندي عصير استبدلته بماء الورد
ملعقة شوفان
ملعقة عسل
نقطع ثمرة البابايا من النص ,ونغرف بملعقة الآيس كريم ,المقدار اللي حددناه,
ومثلها من الاناناس ,,
نضيف ماء الورد,,
يتـــــــــــبع : )
نهرسها بالشوكه ,وبعدها نخلطها بفرامه صغيره <ماصورت هالخطوه
الآن نبدأ ننخل الخليط ,عشان نستخرج العصاره , اما بالمنخل
او نجيب شاش , ونقصه ,,
نخليه فوق طبق ,,
ونصب الخليط فوقه ,,
ونعصر,,
نضيف الشوفان ,,
والعسل,,
وهذا شكله بعد الخلط ,طبعا بيكون سائل شوي ,لكن بعد مانوزعه ,بيثقل ,,
نوزعه عالبشره والرقبه والافضل نكون مستلقين , ونخليه 5 دقايق ,وبعد مرور الوقت نبدا نفرك بحركه دائريه خفيفه ,,
ثم نغسله بماء فاتر ,وبعده بارد لغلق المسام ,,
ملاحظــة \
~ اللي حابه ,تمرر قالب مثلج من موية الورد بيكون افضل ,وبعدها ضروري نستخدم المرطب ,,
وممكن نستبدله ,بكريم طبيعي مكون من :
زيت زيتون ,زيت لوز حلو ,مضاف لها كبسولة فايتمين e
~ الشوفان <ممكن نستبدله ,بجوزالهند المجروش ,وكلهم يقومون بنفس المهمه
,لكن الجوز بيعطي ريحة حلوة ,,
استخدامه مره بالاسبوع ,ومع الاستمرار ,بنلاحظ نضاره وحيويه ,,
اتمنــى يعجبكــم وتستفيدوا منه ,,
وانتظــروني بأقنعه طبيعيه جديده ,بحول الله ,,
~سبحانكـ اللهم وبحمدكـ أشهدأن لاإله إلا أنت استغفركـ وأتوب إليك ~