صباكم معطر ومسائكم مبخر صباح الخير على عيون احلى حوائيات ومساء الخير على الحلوات
الموضوع هذا بيكون فيه تنافس بيني وبين الغاليه فورروز ان شاء الله بنكتب لكم قصه حلوه خفيفه
ممتعه بكتب انا شوي وفور روز بتكمل واتمنى انها تعجبكم وتنال على رضاكم
00 بسم الله الرحمن الرحيم 00
قصتنا اليوم تتكلم عن اختين رزان وروز هم توئم لكنهم
يتشابهون فقط في الشكل كل وحده منهم تختلف تماما عن الثانيه في الطباع رزان : فرفوشه ودمها خفيف وتحب المزح واللعب والمقالب وعلى قولهم بنت نكته < ترى جايبتها من راسها هالكلمه
روز هاديه تعشق الهدوء رومنسيه حالمه
وصحيح ان طباعهم مختلفه لكنهم يحبون بعض بشكل جنوني طبعا لانهم توئم وهم في السنه الاخيره من الجامعه وماطول عليكم اخليكم مع احدث القصه
دخلت رزان الغرفه وجلست تصحي روز من النوم
رزان : روز قومي قومي بسرعه
روز : اوه وش تبين خليني انام
....................
رزان وهي تهزها : قومي قومي شوفي الي صار ونتي
ماتدرين قومي ترى بيفوتك انتي الخسرانه
........................
روز : قامت وهي لسه فيها نوم ها خير وشصار خير اللهم اجعله خير اعوذ بالله ماتخلين الواحد ينام
......................
رزان : انتي تدرين في ناس بيجون يخطبوني اليوم
..............................
روز : ايش صدق متى وكيف وشلون عرفتي
.............................
رزان : الله كل هالاسئله اول ترجيني شوي من شوي
اترجاك تقومين ماترضين
............................
روز : رزان بالله عليك صحيح بيجون ناس يخطبونك
ولاهاذا مقلب من قالبك
.........................
رزان : وبس وانا دايما كذا مظلومه في ذا البيت الحمد لله اني بروح وخليكم وفتك من ظلمكم ياظلمه
.........................
روز : اللهم طولك ياروح ترى توني صاحيه لاتجننيني
صدق بيجون يخطبونك اولا سوال وابي جواب
..................................
رزان : ايوا صدق شفيك حاسدتني ماتبين اختك حبيبتك
تتزوج وتفرحين فيها يعني لازم تنخطبين انتي اول خلاص الناس شافوني وعجبتهم وامي تقول انهم مستعجلين يعني الزواج قريب اخيرا بفتك منك دايما
تهاوشيني وتهزئيني ولاتقدرين مواهبي ارتاحي الحين
.......................................
سكتت روز وبدء عليها ضيقة الصدر مش عشان زي ماقالت رزان لا لانهاهي كل حياتها وفراقها صعب
عليها توئمها وهذا شيء ماهو سهل
..................................
شافتها رزان وشافت ضيقت صدرها وعرفت السبب
فقالت
................................
رزان : خلاص خلاص عشانك اختي حبيبتي وماتهونين علي بضطر اسفه اقولك اني كنت اضحك عليك لاحد شافني ولاحد بيخطبني ولاهم يحزنون بس انا ابيك تقومين تقعدين معاي طفشت وانا جالسه بالحالي
...............................
روز : ايش ؟؟ معقوله يعني هذا مقلب من مقالبك طيب انا اوريك وحذفتها بالمخده الاولى والثانيه وهي تقول انا الغلطانه الي صدقتك كل يوم تسوين فيني مقلب وانا الغبيه اصدق والله اوريك وجلست فوقها تتضارب معها
.......................................
رزان : وهي تدافع عن نفسها وميته من الضحك
خلاص خلاص معاد اعيدها صدقيني اعلن توبتي من المقالب
...................................
روز : وهي تكمل ضرب فيها كل يوم تقولين كذا مافيه فايده منك انا اوريك
..................................
رزان : بعد ماخلصت نفسها بالعافيه من روز خلاص خلاص هذي فعلا اخرمره خلاص عاد قلبك ابيض
................................
روز : اخذت فوطتها وجت بتدخل تغسل والله هذي اخر مره اسامحك مره ثانيه بوريك شيء ماشفتيه جننتيني بهاالمقالب
.......................................
رزان : هههههههههههههههههههههه هههههههههاي
بس صراحه اكتشفت انك تحبيني وماتقدرين تستغنين عني بس انا مالومك مين يقدر يستغني عني انا حبيبت الكل ونور البيت وعاموده بعد
...................................
روز : والله انتي واثقه في نفسك اكثر من الازم
ودخلت تغسل
................................
رزان : وشرايك نقول لابوي يودينا مزرعه اوشاليه
من زمان ماخرجنا نتمشى وشرايك
............................
روز : والله فكره حلوه اول مره تقولين حاجه زينه
بصراحه حتى انا ودي نطلع ونغير جوا
...................................
وعلى الغداء داربينهم هذا الحوار
................................
رزان : اشرايك يابوي نروح مزرعه اوشاليه عشان نغير جوا ونشم هوا من زمان ماخرجنا
...............................
روز : والله ياليت ودنا بصراحه
...............................
الام : فكره حلوه وانا اضم صوتي لهم بعد
........................
الاب : مشاء الله يعني كلكم اتفقتوا طيب ولايهمكم
بئجر لكم مزرعه يوم الخميس والجمعه
..................................
ياترى ايش بيصير في هالمزرعه من احداث
ومين بيروح معاهم هذا الي بنعرفه في الجزء الثاني
مع فور روز بس قبل نشوف تكملتها ابي اشوف رائيكم
وردودكم الحلوه وتكمله احلى من الجزء الاول وراح تكون في نفس الموضوع تابعونا
0000000000الماهرات
صراحة القصه تحمس
يالله عاد لا تتاخرون بالجزء الثاني
يسلمو مهوره وبنتظار رووووووووووووزي