تحدي نزول الوزن بدون حرمان مع رجيم الكيتو .....

وعليكم السلام ورحمة الله وبركاته

سبق قرأت عن نظام الكيتو وشفت وصفات اطعمه متنوعه لهذي الحميه وناس جربوه ونحفو

انا زمان جربت نظام دشتي او البروتيني وماقدرت اكمل ورجعت للاكل العادي وكانت اول الايام حالة اكل بشراهه كأني راجعه من مجاعه والحمدلله عدت على خير

اللي اقدر اقوله لأي بنت حابه تنزل وزنها وتجرب انواع الحميات المختلفه اذا كنتي ما تستغنين عن الحلا والنشويات لو بكميات بسيطه او ماتحبين الاعتماد على اللحوم او الخضار فما انصحك تجازفين بدخول الحميات اللي تعتمد على بروتين او دهون وتمنع منع تام النشويات والسكريات لانك ماراح تقدرين تكملين فيها للاسف لانها غير مناسبه بإنها تكون نظام حياة مستمر .

لكن اللي عندها اراده وتقدر يومياً توفر المواد الغذائيه المناسبه وتبتكر منها وصفات بديله للخبز والبيتزا والبرغر فا اشجعها تجرب وتستمر لانها اكيد بتستفيد

سمعت كثير مدح على الكيتو ونفسي اجربه بس كل الاكل اللي اكله ممنوع واللي مااحبه مسموح😭

ترى تقدرين تنحفين بنفس الاكل اللي متعوده عليه وبالعكس افضل من كل انواع الرجيمات
لانك تاكلين اللي تحبينه ومتوفر عندك وقادره تستمرين عليه الى الابد وهذا الشي اللي انا سويته وفعلاً استفدت
ببساطه نفس اكلك اعملي عليه شوي تعديلات مثل بدال القلي بالزيت اشويه بالفرن وبدال ماتاكلين 2 ساندويش شاورما او فلافل كلي 1 ساندويش فقط واذا بتاكلين رز كبسه كلي نص الصحن بدال صحن كامل
ومع كل وجبه عوضي النقص بطبق سلطه خضراء مع شوي ايدام خضار غير نشويه اذا كان متوفر او اكتفي بالسلطه وبس اكثري شرب المويه طوال اليوم مع شوي رياضه او رقص
حتى الشبس والشوكلاته كنت ما احرم نفسي منها بالاسبوع مره او مرتين اكل قطعه معقوله وكيس شبس صغير

حياكن الله خواتي
اسعدني كثير مشاركتكن ...


فعلا اي شخص يقدر يسوي له نظام غذائي خاص باللي يناسبه
انا باول الايام كسلت لكن يوم شفت كم نقصت تشجعت كثير
اذا بخمس ايام نقصت 4 كيلو فكم انقص خلال شهر بجد تحمست مررررة
فلا النظام يبي مصروف ويبي صبر وتحمل ممكن تسوينه شهر والشهر الثاني معتدل واللي بعده كيتو وهكذا لين تفهمين جسمك وش يبي
زينه هالدايت انه على ماابي انا مااحب الفواكهة ومو مرة احب الحلويات يعني اقدر اتحمل بس بالنسبة للحليب لازم عندي لكن الان تأقلمت بدونه
احب اللحوم بانواعة واكيد النشويات لكن نتحمل الشكوى لله


المشكله بالمنتجات قليلة جدا توفرها بالسوبرماركت مثل خبز اللوز ومنتجات لو كارب لكن مجبرين نكمل عشان ننزل بالوزن والحمد على النعمة
انا بحاول انزل جدولي اليومي عشان اللي حابه تمشي معي ونتشجع سوى

السلام عليكم ورحمة الله وبركاته كيفكم حبيباتي انا باقول لكم تجربتي للكيتو اللي بداته من تقريبا شهر ونص
انا اتبعت نظام الكيتو لاني قررت انه يكون نظام حياة لي باذن الله. اخواتي انا عانيت طول عمري من القولون ومن مستشفى لمستشفى ومن نظام حمية للثاني وعانيت من الاسهال وانتو بكرامة ومن الامساك ومن الغازات ومن ومن ومن ...والله ان تمر علي ايام وليالي احس باموت من اللي انا فيه عملت مرة ريجيم الماء استمريت 20 يوم بس ماقدرت لاني ما كنت اكل الا كم حبة تمر والحمد لله ربنا هداني لهذا النظام اللي يمنعني من اكل كل اللي كان يسبب لي الاذى. سكريات نشويات بانواعها وعرفت من خلاله ايش اكل واتبعت معاه نظام الصيام العكسي وامشي في البيت احيانا نص ساعه او اكثر واحيانا مافي رياضة لاني الحمد لله اتحرك كثير. وعانيت من سنتين من لخبطة الدورة تتسبب في نزيف يستمر اكثر من نص شهر ولا يوقف الا بالدواء.المهم مالكم بالطويلة اتبعت النظام والحمد لله معظم مشاكل القولون خفت بنسبة 90 بالمية .قرات في النت انو الصيام العكسي والاكل الصحي يساعد المراة في الشفاء من مشاكل الرحم والمبايض و هذا من فضل ربي فيارب لك الحمد . عارفة انكم متحمسين تبغو تعرفوا كم نزلت .حبيباتي تقريبا نزلت عشره كيلو في شهر وكم يوم الحمد لله رب العالمين وان شاء الله اكمل عشان صحتي مو بس عشان الدايت . انا كتبت تجربتي عشان نشجع بعض نعيش حياتنا صح زوالفال لنا جميعا بالصحه والعافية.والسلام عليكم.