شحالكم
موضوعي اليوم بس شسوي أحبكم وأحب لكم الخير
تدرون احنا مرات من االلف والدوران في المولات ... نوقف عند كوفي اللي يشرب قهوة واللي عصير واللي تاخذلها كيك
طبعا انا ولا مرة خذيت قهوة من برع لانها ابد ماتعيبني مايعرفون يسونها .حتى نسكافيه مال مطاعم الهنود أحلى .. في وحدة بتسأل كيف عرفتي طعمه عيل دامج ماتشربين ؟؟؟
من في أيا م الشتاء القارصة ..أحسست بالبرد .... فقلت اشرب كوفي عشان ادفااا وطلعت موحلوة ... وهذا من كوفي عادي مو اللي بخبركم عنهم ... بس آخذ مرات الفرابتشينو القهوة المثلجة ... عشان الحر
والشباب مترسين البقعة ...سؤال هم تعيبهم القهوة ؟؟ ولا صارت موضة في كل مول لازم ...
هذا التجمع ؟؟
ندخل في صلب الموضوع
من فترة وصل لي ايميل .. عن ستار بكس ...قلت اووه ... ومافتحته تدرون ليش قلت اووه
لان احين ... ماخلو شي الا وانقدوووه وطلعوا فيه مليون علة
كلنا نعرف ان ستار بكس ... محل يهودي ما ادري اسرائيلي ... ويقولون ارباحها توصل حق دعم اسرائيل والله اعلم
بس الكارثة هاي
فتحت ايميلي وقاعدين عيالي معاي .. دايما نقعد مع بعض ونقرا الايميلات ... او اطرشها حقهم على ايميلاتهم
قبل لا افتح الايميل ... بنتي الكبيرة عمرها 13 سنة تقول شوفي ماما لو شو مكتوب .. انا بشتري من عندهم ...وقامت تتحرطم وموراضية تسكت قلتلها يابنت الناس صبري خلينا نشوف ... فتحت الايميل انصدمت وقولو ماصدقت بس قلت لازم اسوي بحث
يمكن احنا مانشربها او ماخذناها يقولون سعرها غالي ... بس شدرانا هذيلة كل شي يسوون
ويكفي انهم يبيعون هالشي
ذليتكم صح ؟؟
المهم يقولون ان في قهوة عند استار بكس وبعض المقاهي المعروفة نسيت اسمها
هذي القوة من فضلات حيوان ....إي حيوان لاطالعوني جذي صبروا
هذا الحيوان يشبه (( القطة )) واسمه كوبي لواك Kopi Luwak
وبالعربي يسمونه الزباد
هذا الحيوان ياكل من من حبوب القهوة ومن بعض الحشرات والنباتات وقريت ان هذا الحيوان في اندونيسيا ومكان ثاني قريت انه من امريكا
المزارعين ياخذون فضلات هذا الحيوان ويغسلونه بحذر عشان ماتروح نكهتها (( اسمحولي اقولهم مالت عليكم ))
عاد فضلات حيوان ... زين قطعو من الشيرة وحمصوا ... لا يقولون ان من الحيوان احسن وافيد عافانا الله
زين سويت بحث بروحي عشان ماينقال ان الموضوع ملفق عشان المقاطعة وهالسوالف
لقيت اشياء وصور تعور الراس وتلوع الجبد الصراحة
زيادةعلى هذا ... انا روحي مريت بالعمدة عند استار بكس وشفت الاكياس مالتهم عليها صور هالحيوان
ادعولي بالخير ... مو تقولون الله ايلوع جبدج تراني اعرف بعض البنات لسانهم اطول منهم
وانا لاعت جبدي وخلصت بدون دعاوي
تبون تشوفون الصور
يقولون بعد ان هالقهوة غالية
شوفوا كيف مدلعين القهوة تقول حلاوة من باتشي
صورة فضلاته وصورة الحيوان
و
صورة الحيوان
وهذي القهوة يسوونها من فضلات الحيوان ... فتعتبرمن النجاسات ,,النجاسات محرمة
واللي ماصدقتني ... تروع على غوغل وتسوي بحث بالعربي والانجليزي ... وبتحصل
وهذا من اللي قريته ... خلا ل البحث
قهوة الكوبي لواك هي قهوة إندونيسية، وهي قهوة نادرة وباهظة الثمن ولها طعم ورائحة فريدين مميزين لها. وتعد أفضل وأثمن قهوة في العالم .
تعتبر قهوة كوبي لواك Kopi Luwak من أحد أهم أصناف القهوة المتميزة في شتى أنحاء العالم ، وهي الأغلى ثمنا ، حيث يبلغ سعر الرطل الواحد منها حوالي 600 دولار أمريكي ، وسعر الفنجان الواحد قد يتجاوز 50 دولار أمريكي.
تقدم هذه القهوة في بعض دول العالم كاليابان وأمريكا وبعض الدول الأوروبية وفي مناسبات خاصة جدا وللطبقة المترفة من المجتمع.
وقهوة لواك لا يتم إنتاجها بالطريقة التقليدية المعروفة لدينا ، بل يتم أخذ حبوب البن من مخلفات أحد الحيوانات الذي يشبه القطط والذي يعرف باسم حيوان الزباد ، حيث يقتات هذا الحيوان على حبوب البن وبعض الفواكه والحشرات وغيرها .
وقهوة كوبي لواك يتم تقديمها في الكثير من الأماكن الراقية وبأسعار خيالية ، ويتم إضافة الكراميل أو الشوكولاته إليها ، ونظرا لقلة وندرة هذا النوع من القهوة في العالم ، حيث يبلغ إنتاج إندونيسيا منها حوالي 500 كيلو غرام فقط سنويا ، فقد تنبهت بعض الدول إلى ضرورة الاستثمار في هذا المجال ، فلجأت الصين في عام 2004 إلى تربية الآلاف من حيوانات الزباد Civets من أجل إنتاج هذا النوع الفريد من البن لسد الطلب المتزايد عليها عالميا وتحقيق أرباح خيالية .
ففنجان قهوة كوبي لواك يعتبر لدى الكثيرين ثروة طائلة ، وحلم لن يتحقق . ولكن هناك شركتان لديها هذه النوع الفريد من القهوة وهي شركة اندي اند لوكا في اميركا وشركة كوب كافية في المملكة العربية السعودية وهي باهظة الثمن بالنسبة للقهوه العادية ولكن تستحق ان تفرغ محفظتك للحصول على فنجان من هذه القهوه المميزة
في فيتنام
تجدر الإشارة إلى انه يتم إنتاج أنواع أخرى من القهوة بطريقة مشابهة ، ففي فيتنام يتم إنتاج نوع آخر من القهوة تسمى Weasel coffee وهي من حبوب البن التي يتم الحصول عليها من فضلات حيوان Weasel الذي ينتمي إلى عائلة Mustelidee .
في المزارع شوفوا التعذيب
ويوضح بعض المزارعين المتخصصين في هذا المجال ، انهم أحيانا يعمدون إلى إخراج حبوب البن من هذه الحيوانات بعد أن تمت عملية التخمر في معدتها ،عن طريق إجبار الحيوان على تقيؤها وعدم الانتظار لحين خروجها من جهازه الهضمي بالطريقة المألوفة.
ونظرا للإقبال الشديد على هذا النوع من القهوة ، فقد لجأ الكثير من المزارعين إلى تربية هذه الحيوانات في أماكن خاصة Latrine ، حيث يتم إطعامها حبوب البن من اجل إجراء عملية التخمير لها في أجسادها ، ويتم تجهيز هذه الأماكن بوحدات خاصة لجمع وتنظيف الحبوب التي اقتات عليها حيوانات الزباد تمهيدا لتصديرها لدول العالم ، التي ينتظر مترفوها فناجين قهوة كوبي لواك بشغف واهتمام.
تعبت ... والله يكافينا شر الدسائس ... والاكل المزيف المدسوس فيه الف علة
والسموحة
والله اعلم
منقول للانانه
خلينا على قهوتنا الغربيه ابرك
الحمدلله اني اصلن ما احب شرب القهوه