تحليل شخصيات البنات ؟!!

تحليل شخصيات البنات وكل وحده تشوف شخصيتها
بس ترى كل ذا الكلام مالي شغل فيه
1- الكشخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشالله تاخذ لفة حول البيت


2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع اللي يجي على طبيعته..يااااااااااااااااااااحلوه
لكن الدلع المصطنع ..وووووووووواااااااااااااااااع ع ع ع يحوم الكبد ..ودك تشوتهيا إذا جت تتكلم

3- البنات النصابات :
(عاد هالفئه ياهم قاهرييييييني ودي أطب في بطونهم )
هذي الكذب عندها ماشي سوقه .. تجيب لكم ذيك النصبه اللي مهيب صاحية وتدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمــــــــــــــــر السنين .. وتسألها تقولك إلا الآن مانزل ..)
مدري متى بينزل ..بس تدرون إذا نزل علمتكم <<<معجزه ذا ماصار جوال

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولي لها خير رمتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه

5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر

6-راعية سوالف: :
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتيها إن كانك شاطره
من وين تجيب هالسوالف ماأدري.. وأتحدى إن خلتك تسولفي

7- الضعيفة (دائم مسالمة) ::
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...

8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك

9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين

10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب

11-العناد : ::
بعض البنات عنيداااااااااااات
يعني إذابغوا شي سوووووووووووووووووووووووووووووووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته

12-الحنونه :
هذي الفئة ماشيه على هالمثل..( كثر الدق يفك اللحام)
هذي ياويلك منها إذا بغت شي خذته بس موبالعناد لا بالدندررررررررررررررررررررررررررررره
يعني إذا بغت شي تقعد تحـن على راسك لما تعطينها اللي تبيه

13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله

14- غيووووورة : :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة <<< عاد ياكثر اللي يغارون مني ليش ماأدري

15-راعية السوق:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح للسوق هذي هي هوايتها

-16الطباخه : :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها

17-تمســــــــكن لين تمكـــــــــن :
يعني بالعربي ملكعـــــــــ <<< طبعا فاهمينها

18-أم دميعه :
هاذي لو تقولي لها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

يالله بنات تعالوا ضحكو ع الي كتبته وياويلها اللي تدخل ولا تقول أي وحده هي:26: