بسم الله الرحمن الرحيم
لا حد يكلمني زعلانه عليكم كلكم
ومابي اكلم احد فيكم >>> طيب ليش داخله
ومقهوره وواصله حدي بعد وشوي وابكي:boom:
لا حـــدآ يكلمني ترا خاطري شيـن
ضــايق وابي تسعه وتسعين علــه (صح لساني)
كذا اهون عليكم ولا وحده فكرت تسئل عني ولا فقدتوا بروئتكم حبيبتكم اخس عليكم>>>> ولا احد درى عن هوا دارك
صارلي ثلاثه اسابيع ممنوعه من دخول المنتدى
اكيييييييييي\ تبون تعرفون ليش تابعوا معاي للنهايه وتعرفون>>>> تبي تعذبكم
مره ويومآ من الايام فتحت النت وعلى طول عالم حواء >>>> اهه غريبه المنتدى متغير قلت في نفسي اجل مغيرن لـُك المنتدى يالله حلو>>> التجديد حلو >>>>لو تعرفين ماقلتي كذا
المهم ودايركت على الترفيه كالعاده
وادخل مانتبهت انهم مو حاطين اسمي فوق ولا جاء في بالي
المهم وادخل على واحد من الموضيع واكتب ذاك الرد >>> متفائله الاخت
وارسله المهم ويطلع لي مربع صغير انت ممنوع من الدخول لاسباب غير معروفه >>>> اتوقع كذا نسيت>>> عشان الامانه
قلت هه خير ليش وش فيهم
قلت اكيد مسوينها فيني مقلب :30: >>>> متعوده على المقالب
بيني وبينكم كنت افكر في هذي الحركه بمقلب لاحد البنوتات
وانتظر يوم يومين وطالت المده بغيت انهبل
اتذكر ياربي وش سويت ليش موقفين عضويتي واعيد الذاكره من اول يوم سجلت فيه >>>>> كنك تتذكرين اصلن
مالقيت اجابه وانتظر ايام برضه نفس الحاله
وارسل على اخوي بامريكا عشانه هو اللي سجلني قال والله مدري يابروءه يمكن عشانك ماتدخلين كثير قلت لا ماتوقع قال حتى انا ماتوقع لانه هو مشرف على كثير منتديات قال عندنا عادي بس يمكن النظام هذا عندكم في المنتدى غير >>>> جده غير>>>> وش دخل
قلت طيب جرب من عندك يمكن يدخل والخراب في الاكنبيوتر عندي
وجرب نفس الحاله
وكل يوم وانا ادخل اجرب ادخل اسمي وكلمة المرور ويقولون غلط بغيت استجن
المهم في الاخير قلت مافيه إلا حبيبتي و قلبي (فاقده الغالي) وادخل معاها على الماسنجر وقلت جربي وتجرب نفس الرد قلت يالله ارسليلهم وسئليهم وهذي هي كل يوم رسايل بينها وبينهم المشرفات ووقسم الشكاوي اتوقع و قالوا
عطينا اميلها واسمها المهم تعطيهم وقالوا الاسم هذا لغير الاميل هذا وهذي وحده عندها مشاركه وحده>>>> يارب انا حتى ناسخه لهم الاميل من المنتدى عشان مايطلع فيه غلط ويقولون كذا
و بس هي قالت لي الاكلام هذا من هنا وانا ارتفع ضغطي من هنا من هي هذي اللي مسببه لي المشكله والويه هذي كلها وقلت ارسلي لهم واحد من مواضيعي وخليهم يتأكدون انا من زمان في المنتدى ويسئلون المشرفات والواحه الكركريه دايم منقعه فيها
وترسل موضوع قالوا ايه هذي غير وهذي غير بس الفرق بالمده في الباء
وانا النفس شينه وحاقده قلت بعد حاطه مده حركات وقالوا تدخل اسمها وان شاء الله تدخل وادخل اسمي قالوا لا نففس الشي >>>>يوووووووووووووووه ياربي وش اسوي
وفي هذي الفتره اللي مادخلوني فيها افتح على حواء وافرفر فيه مادخل الترفيه إلا قليل عشان مايزيد قهري لا واول ماتقفل اسمي وحده من البنات منزله موضوع تقول شجرة الترفيه كل وحده تتدخل اسمها
قلت يعني يبي يزيدون قهري مستقصدين ينزلون الموضوع الحين عشاني مو موجوده
المهم قلت خلاص ماني داخله الترفيه إلا اشوف من موجود واطلع واجلس افرفر في الادوار العلويه وادخل اشوف اخبار العالم وادخل شقة البشره واشوف العالم مدهرين كريمات وصنفرات ومبيضات واللي مسوين برنامج قبل العيد واللي تسئل عن الايزر
وعالم ثاني ماشاء الله عليهم
واسير على اهل الذوق في ابيوتهم في شقة الديكور والتاثيث وشي فضيع اش غرف النوم بنات ومتزوجات واش مفارش واش تزين حماما الله يكرمكم كنها غرف نوم:09: >>> ليتنا نزين غرفنا
وصالات وغرف جلوس عالم رومنسيه بجد
قلت قبل لا اشتهي على ذا البيوت خلني استاذن واطلع >>>> كن احد درا عنك انك دخلتي اصلن مسويه فيه مؤدبه
المهم قلت بروح اشوف العرايس وش عندهم ووش مسوين اول مادخلت بغيت احترق ول ول ول وش ذا حرارة الاعصاب المحترقه معبي دخانه المنتدى كله ضعيفات اللي تطلب مساعده زواجها بعد اسبوعي واللي باقي عشره ايام واللي تقول تكفون وش اسوي اول ليله واللي تاخذ رايهم باغراض زواجها وعرض ملابس وخوذ هذا وخوذي هذا داخ راسي منهم ضعيفات الله يوفقهم ويعينهم
واطلع لادور العلوي بشوف وش فيه من شقق >>>> غريبه عن المنتدى كني اول مره اعرفه
دايم على طول الوقت كله بالترفيه
المهم ولقالكم المسكينات اللي عندهم مشكلة تأخر الحمل والله قطعوا قلبي (بنات ادعوا لهم ربي يرزقهم بالذريه الصالحه)اللي صار لها عشر سنوات واللي سنتين واللي اكثر واللي تعرض دوا واللي تسئل عن الدوا واللي تقول حلمي ياليت يتحقق ( امين الله لايحرمنا ولا يحرمهم)ويقولون متى ننتقل لقسم الولاده والله حزنوني مره مع ان زوجة خالي صارلها 12 سنه ماحملت بس ماتوقعت انهم يحزنون قد كذا
والله بجد عالم حزين واحنا هنا متنقعين بالضحك والترفيه ولا ندري عن العالم
بجد قلت صدق اللي سماه عالم حواء والله اول مره ادري ان فيه هذي الأقسام اللي يخص الحمل والاولاده والاشياء هذي
وكنت لما مادخلت خيره عشان اكتشف كل ذا الأقسام
بس ماقلت لكم كيف دخلت قبل يوم وانا يائسه لاني بعد كل قسم ادخله اجرب ادخل اسمي ورقم جلوسي>>>> عفوآ كلمة المرور والله ادخله وانا ماسكه اعصابي ومبعده يدي وشبه مسكره اعيوني من الاخوف من النتيجه >>>> حشى اختبار
قلت انا متئكده من كلمة المرور حتى فاقده تقولي انتي متأكده من كلمة المرور قلت ميه بالميه
المهم قلت يالله بجرب اخر مره اذا مادخل بزعل عليهم كلهم >>> طيب هم وش دخلهم
ووقتها كنت طالبه من فاقده الغالي تطلب كلمة المرور مع اني متأكده بس يالله جلا من لا ينسى بس ماردت علي وزي ماقلت لكم بجرب اخر مره
واسوي نسخ للأسم وادخل كلمة المرور وتدرورن وش ردوا علي
اسفرت وانورت يابراءة طفل :eek: لا لا لا لا لا لا ماني مصدقه بعد ماطلع الشيب في راسي
تدرون وشي المشكله المده اللي بالباء كانت بإسمي وانا احسبها باسم البنت اللي داخله باسمي
انا كنت ادخل مده بس يمكن كنت انقص فيها ولا ازيد بس الاغلبيه كنت ادخله بدون مده لاني من الكسل مخليه اخوي هو اللي يسجلني عشان كذا ماكنت اكتبه صح
والحمد لله دخلت بكل سرور الله لايحرمني من المنتدى الغالي ولا من بناته الحلوات ولايحرمهم مني ويعين فقوده علي
وشكلي طولت عليكم مره >>>>> توك تحسين
بس تحمدولي بالسلامه >>> الله يسلمكم
وادري مشتاقين لي والله حتى انا موووووووووووووت >>>> تراها رضت بعد الهذره
واعذروني على الاطاله
وفتكم بعافيه يالله بروح اتعشاء>>>>> الله يعافيكم
ولاتحرموني من ردودكم والله مره مشتاقه لها مررررررره
وكنت اقول لفاقده سلميلي على البنات بس الحمد لله رجعت
يالله باااااااااااااااااااي
بــراءة طفل @braaa_tfl_2
محررة فضية
تحمدو لبراءة طفل بالسلامه بعد عودتها لاراضي الواحه الترفيهيه وعالم حواء كاكل
56
3K
يلزم عليك تسجيل الدخول أولًا لكتابة تعليق.
بــراءة طفل
•
الحمد لله على الســــــــــــــــــــــــــــــلامه بروءه مقدمآ ياحضي اول وحده اهنيها>>>>> نهبلت البنت بعد اللي صار لها
§«أروى»§ :
الحمد الله على السلااااااااااااااااااااااااااااااااااااااااااامهالحمد الله على السلااااااااااااااااااااااااااااااااااااااااااامه
يسلموا ياقلبي على المرور والله يسلم قلبك يارب
هلا برووووووووووووئه تو مانورت الواحة الترفيهيه
ليش ماقلتيلي انك دخلتي وكل شي صار تمام وانا رايحه اقولهم وين الناس ليش محد رد
على العموم الحمد الله على السلامه ان شاء الله معد تصير لامعك ولامع غيرك
ليش ماقلتيلي انك دخلتي وكل شي صار تمام وانا رايحه اقولهم وين الناس ليش محد رد
على العموم الحمد الله على السلامه ان شاء الله معد تصير لامعك ولامع غيرك
الصفحة الأخيرة