أولا وقبل كل شيء اعتذر من اخواتنا في الادارة لاني ما بعرف انو لازم ما احط ايميل ... اصلا انا ما بتابع اي منتدى الا منتداكم الكريم ولذلك ما بعرف شروط المنتديات ..
ثانيا :
موضوعنا اليوم خارج السلسة الي بدينا فيها .. لانو العمل ما بينطبق عليها .. لكن هذا لا يعني انو صعب .. ابدا ..لكن في معلومات مهمة ارجو - كالعادة - انكو تنتبهوا لما يشرح نظريا مع الصور
ثالثا : انا مرة تانية لسا مو جريء في تخليط الالوان ..لكن بحب اخوض غمار هاي التجربة حتى اخواتنا الي الهم على التنسيق والالوان متث استاذتي دنيا الذوق واستاذتي سمو الروح والاخوات يعلقوا على الاعمال .. وانا والله استفيد وبجوز الي تابع الشروح والردود لاحظ استجابتي لكثير من الملاحظات..
طيب خلينا نبدا
عندنا في الاردن محل ببيع الخشب المستعمل
أولا رخيص ثانيا في افكار حلوة .. مقصوص وجاهز .. والي من الاردن الها جلد واهتمام بدلها .. هو المحل في الوحدات .. وادي الرمم
هاي مثلا خشبة مقصوصة هيك وجاهزة اتوقع كانت لمراية
السبب لاني بدي اسكر مسامات الخشبة واخليها تتقبل الالوان بسهولة ولتعطي بروز .. وممكن تحطو غراء لكن النتيجة اكيد مو زي السايكوت
وهلا بدي احط حولين الخشبة لاصق .. والسبب بدي احط بعدو مادة ولتعطي اطار خارجي
لكن لانو الخشبة ملفوفة ..يعني قصتها زي المحراب من فوق مو مستقيمة رح امشي اللاصق بالطريقة التالية