طيب نستنا ينشف لما يصير زي الحجر
هلا بعد ما نشف ..لا بد لا بد لا بد ندهنو وجه عزل
ما السبب حتى لا يكسر
وإذا الوان اكريليك بصير لانها بلاستيكية بتعزلو وبتخلي ناعم وبتماسك وما بيكسر
انا بالنسبة الي بلشت الون كان الاساس اللون الابيض لكن عشان بالمرة اعطي وجه عزل قوي خليت اللون الابيض هو نفسو السايكوت وبلشت اخلط فيه


من هون بلشت تجاربي هههههههههههههههههههههههههههههه

رح تستغربوا لاني والله بجرب
خلطت البنفسجي - طبعا شوي - مع ابض السايكوت اعطاني زهري تقريبا أو نهدي فاتح




طبعا حبيت ارش بفرد الجوما

حكيتلكو عنو في السابق
واعيد للي ما تابع
هذا الفرد بطلع حبيبات صغيرة
الحلو فيه انو بتحط المادة زي ما هي بدون تخفيف وانا هذا الي بدي اياه عشان عزل المعجونة وبرضو بيعطي منظر حبيبات جمييييييييل جدا

هذا اول وجه لون نهدي


وبعدين خلطت مع السايكوت لون ازرق - برضو شوي عشان يعطي ازرق سماوي ..لكن النهدي رشيتو على كل اللوحة
انتبهوا كيف بدي ارش الازرق لو سمحتوا

طيب شوفوا هاي الطريقة في الرش

انا بستخدما للمواد البارزة
برش من طرف بعيد بحدود نصف متر تقريبا .. وبزاوية عن البرواز بحدود 45 درجة
هاي مو فلسفة..ابدا ايش السبب؟
ممكن تستخدموا هاي التقنية في الرش اذا بدكو تعطوا إضاءة مثلا من زاوية للرسمة
يعني على فرض انو برواز وبدنا نضوي الزاوية العليا منو .. كانو جاييتها اضاءة من فوق ..برش من بعيد بزاوية
ايش الي حيصير
اذا كان في بروز رح ييجي اللون فقط على البروز الي من جهة اللون الي رشينا
وبنروح بالجهة المعاكسة وبنحط اللون الغامق الي بيعطي جانب اللوحة المعتم
جربت هاي التقنية اكتر شي مع الفوم لبروزه بيعطيي منظر جناااااااااااااان وبالذان انو زي الحقيقة لانها الشمس لما تطلع بتطلع بزاوية .. ولو كانت راسية ما بصير فيها اي ظل ..وكذلك اسلوب الرش
ارجو تكونو فهمتو علي

هي الرش بزاوية العليا لون ازرق ..انا هدفي فقط التشكيل مو الاضاءة




ما بعرف اذا ملاحظين كيف الازرق بلش يتلاشى شوي شوي ..ولو لفيت الرسمة بالعكس رح يبين اكتر لانو منها الرش كان


وهلا بلش التخبيص الي عن جد .. جبت لون اصفر كموني وخلطتو مع الزرق السماوي

والله ما بعرف شو بدو يطلع




طيب اترككم تحزروا شو بدو يطلع اللون عبين ما اصلي وراجع ان شاء الله تعالى

الله يتقبل من الجميع

طيب نتيجة الحزيرة
طلع هذا اللون الي انا ما بعرف شو اسمو ...اذا انتو بتعرفوا احكولي
بس هو درجة من درجات الاخضر زي الفسفوري


ورشيتو عكس الطريقة الالولى يعني من جهة اسفل المحراب برضو بزاوية لكن للاسف ما طلعت معي الصورة مو مشكلة لكن النتيجة بتبين

وبعدين من هذا اللون الي زي الاخضر خلطت برتقالي





طلع لون اول مرة بشوفو
طبعا ما بعرف اسمو




طبعا لاتقولو سكني لانو بعيد عن السكني
الي بيعرف اسمو يحكيلنا
ما علينا

هذا اللون رشيتو فقط على حفايف البرواز كاملا