تدخلت برايي في خطوبة اخت زوجي و ندمانه

اخت زوجي انخطبت .. الرجال ما هو قبيلي مثلنا .. اصله يمكن عجمي بس عايش في البلاد

في بداية الخطبه سألني زوجي رايي .. قلتلهم حلاة الثوب رقعته منه و فيه .. يمكن الرجال يكون زين و مافيه اي عيب بس في المستقبل يمكن سالفة اصله تأثر على الاولاد في كثير اشياء خصوصا انا في مجتمع ينظر لها الامور

بس في النهايه وافقو عليه .. و الحين انا حاسه انهم حطو في بالهم ان مش عاجبهم الوضع -انا مالي خص في النهايه- هم حرين طبعا .. بس اخاف من نظرتهم لي الحين -هم الي سألوني و انا لحد الحين ما غيرت وجهة نظري- .. بس مالي دخل هي الي بتتزوج لكني مازلت اشوف في نظرات عيونهم شي من ناحيتي .. ما ادري و الله

المفروض ما قلت رايي صح ؟ .. الحين كل ما يسألني زوجي شي بخصوص الموضوع اقوله لو سمحت مالي دخل ، و يزعل يعني ليش ما ابدي رايي .. اقوله رايي ما بيقدم و لا بيأخر

الحين شو اسوي