تدرون ليش فيه ناس ضد المقاطعه وناس مستغربه وناس تقول بخل وناس تقول وتقول وتقول

السلام عليكم ورحمة الله وبركاته
بالبدايه احب اقول احبكم كلكم :32:
حتى اللي مو مقاطعين احبهم
حنا بالنهايه اخوات بالاسلام ويجمعنا الدين اللي اقوى عُرى الروابط واوثقها












يااخواتي الغاليات .. تدرون ليش الكل مستغرب والبعض مستهجن هالمقاطعه على شركة المراعي
السبب الوحيد ياحبايبي اننا كشعب طيب جدا تعودنا على الدفع بدون اي تفكير
حتى الاقتصاديين مننا احيانا نُرغم على الدفع بحجة الشكوى لله مابيدنا شي
الصين رفعوا عليهم سعر الييض مايُقارب الربع ريال (طبعا بعملتهم) قامت الدنيا وماقعدت
لحد مارجعوا السعر لوضعه المعتاد


حنا للاسف شعب مُستهلك من الدرجه الاولى لذلك كل التجار عيونهم على جيبونا حتى الغير سعوديين
بالبدايه والله كنت احب اشتري منتجات السعوديه(رغم انها محدوده)
كتشجيع للتاجر وحب للوطن .. ونبي نفيد ونستفيد
لكن والله اللي صار ان التاجر كل مازاادت ملايينه كل ماطمع اكثر وصار مايفكر الا بنفســـه

قريت رد احدى الاخوات (وللكل الحُريه برأيه) ليش بس تقاطعون المراعي مع ان كثير شركات رافعه اسعارها
كلامها صحيح بمعنى ليش مانقااااااااااطع كل تاجر يرفع
والله يابنات اول بس احب اتقضى للبيت واستمتع بهالشي من ارتفعت الاسعار والله العظيم اني اطلع من السوبر ماركت مغبووونه وحزينه .. حنا ناس على قد الحال وياحظنا لو بقى لنا من الراتب 300 ريال تزوغ عقولنا وتطيش
من الفرح ...!!
قسم بالله ماعاد صرنا نعرف وين نودي هالراتب هو للايجارات اللي كل مالها ترتفع وبدون مبرر خصوصا العقارات القديمه والا الجديده يقول الحديد والاسمنت ارتفعن طيب واللي عمر بيته ترليون سنه :06:
انا ماكتبت الموضوع كمعروض او ابي شرهه من احد لا بس هذا مو بس حخالي هذا حال 80% من المجتمع
السعودي ...
انصدمتووووو..؟؟:hahaha:
لاياقلبي اخر احصائيه تقول 80% من المجتمع السعودي لايملكون بيوت ملك والمضحك بالامر يوم الملك الله يحفظه
قرر يبني وحدات سكنيه للمواطن ضاااااااااااااق صدره معالي الزير وقام يصغر بهالاراضي كنه دافع من حلاله
ياعالم ياناس وزاارااتنا عباره عن مافيااااااا
الملك لبّى قلبه يحب الخير وقلبه ابيض من الحليب<كرهنا طاري الحليب :16:
بس للاسف البطانه ياعالم
كثرت بربره اللي ابوصل له .. الناس منصدمه من تلاحم المجتمع لاننا للاسف شعب ماعندنا ادنى وعي بالاستهلاك .. جتنا فتره الطماطم صار سعره خيااال صح
تدرون ليش التجار يضاربون بالخضار اااااااه يالقهر
طيب ياتاجر خف الله انا مواطنه ابي بيت ملك وابي سياره حلوه
وابي اضمن مستقبل اولادي من بعدي بسسسسسسسس مابي ثراء فاحش (صحيح اللهم لاتجعل الدنيا اكبر همنا) وطنا غني حنا نعيش تحت بحر من البترول هذا غير الثروات الاخرى اللي ماندري عنها
انا احب وطني السعوديه واسأل الله ان يجعل رايتها خفاااقه وان يديم علينا نعمة الامن والامان
ويحفظ علينا ديننا ويثبتنا ويحسن ختامنا ويرزقنا الجنه



ياتجار لا للحسد لاتحسدون المواطن وتنتفووونه نبي حقنا بالحياة :35:



لاتنسون ذكر الله في كل وقت :time:
استغفرالله العظيم واتوب اليه