تدرون ليش ما اخاف اذا تزوج زوجى ؟؟؟

ااالسلام عليكم ورحمه الله وبركاته:26:

بصراحه يابنات ماادرى كيف اشكركم على مواضيعكم اللى كثير استفدت منها لى فترى كبيره كنت اتابعكم وخصوصآ الملفات اللى طلعت عن الزوجه الآولى والثانيه وهلم جر وحبيت ادخل اليوم واقول اللى بنفسى وبصدق وبصراحه:09:




يابنات انا والحمد لله تمت ملكتى بعد طلوع الروح يعنى صارت مشاكل كثيره جدآ حتى صار هذا الموضوع طبعآ مو مهم الحبن انى اقولها بس يعلم الله انى بعد الملكه جلست اتكلم مع زوجى بمواضيع مختلفه واهمها (التعداد):)

وتكلمت معه بكل صدق :) ووضوح وعرفت رايه بالموضوع طبعأ مستغربين كيف بالملكه واكلمه عن مثل هذه المواضيع:eek:بس انا ما هتم من شيىء مادام انا عندى رغبه اكلمه بهذا الموضوع راح اكلمه........

انا شعارى ما احب ابدأ حياتى الزوجيه وانا خايفه من هم الزوجه الثانيه انا قلت له وبكل صراحه اانا ما احب الكذب واللف والدوران وانك تخبى عنى زواجك او تفجأنى فيه فى المستقبل ابى اذا قررت يكون بيناتفاهم ونتناقش بالموضوع يا تقنعنى يااقنعك وخبرته انى عارفه ان الزواج هذا رغبه عند كل رجل وكل واحد لازام يشوف ظروفه ومايقلد غيره :42:


اترى راح تقولوا انت غبيه وخبله كيف تجرأين الرجال عليكى او الرجا ل ماينعطون وجه بالموضوع هذا بالذات ؟؟؟
بس والله انى مو ندمانه لأنه انصدم من كلامى وقال ان اصدقائه :arb: يقولون ياحظك بزوجتك
والله العظيم يابنات انى مرتاحه جدآ بعد الكلام واحس هذا الكلام قربان من بعض ولاتقولون انت ماتحبين زوجك ؟؟لا بالعكس انا اخذته عن حب وأموت فيه
وادرى بتقولن انت لسا بالبدايه وماجربتى الحياه الزوجيه وراح تغيرين رايك ؟؟؟لا بالعكس انا مقتنعه من كلامى وعمرى ماراح اغير رايىء

ودائما اقول لنفسى هذا التعداد من ربنا الحى القيوم يعنى شيىء لازام اعترف فيه وما اخاف منه واتوكل على ربى وما اخليه هم يخرب على حياتى وبس خايفه ترىحتى لو حصل ترى مو نهايه الدنيا:)


وادرى راح تقولون انت ماشفتى الظلم اللى تعيشه الزوجه لما يتزوج عليها من بعض الأزواج مايعدلون :30:

حتى لو زوجك مايعدل كل هذا اجر لكى بأذن الله هذا التفكير ان المرأه اللى اتزوج زوجها عليها البعض يعتقد انها مسكينه ومالها حظ بالعكس كل ماتصبر تؤجر وكل مايقصر عليها زوجها ومايعدل عليها تصبر وتراها تؤجر وتؤجر وتوجر

واالله انا مرتاحه ومقتنعه أن اساس الراحه النفسيه الصراحه والصراحه والثقه بالنفس وماتعتبرين زوجك همك الأول والأخير بالدنياترى الحياه فيها اشياء كثيره تستحق منك الأهتمام و ترى الأهتمام الكثير يخرب والدلع الزايد يخرب الرجال يعنى لا افراط ولا تفريط والزوجه اللى مالها اهتمامات كمان يطفش منها الرجال (يعنى بفترة الملكه مو كل يوم اتصالات و مكلامات لازام يحس انك مشغوله بأشياء كثيره رغم انى يابنات مو موظفه وحلصت الدراسه وقاعده فى البيت بس مشغوله طول الوقت مشغوله وفعلآ صدق رسولنا الكريم لماقال (نعمتان مغبون فيهما كثير من الناس الصحه والغراغ )
وخلى اساس حياتك
اولا التقرب لله حتى تشعرين بالراحه النفسيه:)
وثانيأ الأقتناع بفكره الزوجه الثانيه انا اقول مجرد اقتناع لاتخلين همك وخوفك اليومى زواج زوجك بس مو تقولين لزوجك مثلى لا ترىلكل رجل عقليه مختلفه
وانصح كل فتاه مقبله على الزواج بقراة كتاب الرجال من المريخ والنساء من الزهره وكتاب العروس فى نزهة النفوس
وشكرآ لكم