تدرون وش صار لي يوم شربت دوا رجلي؟؟؟

مرتن من المرارير.. كنت متهاوشه مع رجلي دايما يهزأني ويطقني وانا لا حول لي ولا قوه. :icon36:

ومغير احوس بهالبيت..

مالي الا هالكمبيوتر وهالككاوات..عاد ذاك اليوم نفسي شينه وما عندي ككاوات انقنق عليها..مار أدق على راعي البقاله ابيه يوصل ....

طيط طوط طيط طاط طوط طاط طيط

انا :الو<< بكل براءه..
الهندي:الوووووووو<<بنفخه تقل اصغر عياله...ما عليه الاحترام زين ولو هندي
انا:فيه توصيل..
الهندي: فيبه ايش يبغى؟
انا:ببسي وكت كات.... :icon30:
الهندي:مافيه توصيل الاعشره طرااااااااااااخ السماعه بوجهي
انا:؟؟

المهم...اكتأبت وضاق صدري...رحت فتحت الثلاجه...وانا سراحانه واطلع اكل واحطها على الدواليب..الا فيه ذيك الغرشه...جايبها رجلي امس...كنها دواء....
واستغربت وش ذا؟؟ :confused:

المهم قلت يا بنت افتحيه وذوقيه بيضرتس....وافتحه وذقته الا,,,,,,


























شوي شوي واكبر واكبر واكبر مار انحاش برا واطلع...وكل مالي اكبر الين صرت كبر.... وش اقول كبره..حنا وللاسف ما فيه شي كبير عندنا الا الفيصليه و المملكه....بس منيب مشبهه عليها ولو..




صرت اكبر من المملكه بشووووووووووووي



وقعدت افكر وافكر وش ابسوي الحين........لقيتها :S_45:

استانست وانتهزت الفرصه...علشان اصفق اللي يقهروني<< اكبر همي :(

واروح عند واحد قاهررررررررني مرررررره :angry2:
بس من قال اني ابصفق اللي قهروني..
بحركه بسيييييييييييييييطه..اشيله بأظافري ماش ما عرفت قام يتنحش ما قويت اصيده<<حشا خروف!!
الا وارصه بإصبعي في الارض علشان ما ينحاش...واتنيوط<<كلمه من ايام جدة جدتي...الامريكيه

والقطه بالملقط....واحطه على راس ابهامي :huh: <<هذا شكله يوم مسكته..واقربه عند وجهي واقوله تذكر يوم تهاوشني ذاك اليوم<<تراه رجلي بس لا تعلمون احد...
تذكر يوم انك مسوي شخصيه علي يالله طلعها الحين كانك ولد امك وابك....

و امسكه زين وارعصه بين الابهام والسبابه علشان ما يطير واطلع راسه علشان يتنفس اخاف يموت<<حنونه.....تعرفون هو يتخيل انفاسي وانا اتكلم رياح شماليه شرقيه ولا اعصار ترنادو<<تعلمكم انها داخله جغرافيا

تدرون وش سويت به!

اكتمه بإصبعي شوي انزل السبابه ارفع السبابه انزل السبابه ارفع السبابه...هبلت به بالعربي..

خليته يرشخ رشخان :icon36: =يرشخ رشخان على وزن يصيح صيحان...<<يازين المذله...

وقلته تدري انت الحين زي مين زيك زي النمله........لا وش النمله النمله كنها بعير عندك...

وامسكه مع عصقوله..يا حليل عصقوله تقل شخط.....

واقولبه كذا<<فهمنا كذا...

يعنيي دودلته مع رجله وراسه تحت....المهم
واقوله شفت هالسيارت كلها ابسوقها<<ودها تسوق وتفتك..<<محجر عليها ابو عصقول.. :icon32:
وغصبن عليك ابروح للي ابي امنعني كان تقدر..اصلا لو بتزاعق الين بكره منيب سامعك...صوتك صغير... :hahaha:
وقلت له عطني فلوس ولا ما معك..قال الا الا معي يا حبيبتي :biggrinlo <<صار ملاك ..الخوف مليح....

وطلع اللي في مخباته كلها <<يعرف متى يعقل.. :42:
المهم وادودله ثانيه وانفضه ذيك النفضه الين طاح كل اللي معه....
المهم واقوله هالمره سماح لا عاد تعودها يله يله انقلع ولا عاد اشوفك..يوم جا بيروح..قلت تعال تعال حب راسي...وامسكه قوه خفت يطيح في شعري ومعد القاه....
عاد مدري هو حب راسي صدق ولا لأ ما اسمع..الموهيم ذليته..
قلت يله انزلع.....ولا اقول لك..
تعال اختصر لك الطريق..
مار احطه على بطن يدي واهفه إلا ولاه طايرن فيذاك.....<<<حشا شريره

المهم واطلع في الشارع..واخذ 200 سياره احط كل 100 سياره تحت رجل واتزلج....بس زحمه ما يكفيني الشارع...و اروح لمدرج الطيارات واحط كل رجل على مدرج واتزلج...........الله وناسه...

والا أحس شعري يحكني...واحكه ..
هه وش ذا ... ؟؟
والقى طياره ناشبه في شعري..على بالي قمله اشواااااااااااااااااا إرتعت...شي اشوا من شي طياره ولا قمله

عاد هالطياره كانت في السما تطير وقريبه للمطار...عاد علشاني طويله....نشبت في راسي ما امداها تفرمل<<تفرمل!!

اقصد تلف....


المهم وارجع لوسط البلد وان جوعااااااانه واوقف عند البقاله........وأهزع<<<كلمة سديراويه بمعنى ادنق واتكوكأ.....وابوبز<<<<وش اسوي كل المصطلحات صعبه اللي تعرفها تشرحها.....
واويق مع الباب بعيني...عاد عيني اكبر من فتحت الباب....واشوف هاللي يتراكضون مرتاعين......هه وش بلاهم؟؟.....اثرهم ما يشوفون الا البؤبؤ <<اقطع يالعلوم..
يحسبون بؤبؤي كوكب.. مار خشتي توصل اذاني مع الوناسه :


المهم وقبل ما ينحاش راعي البقاله :nerd: هالمحلي.. وامتسعه مع فنيلته بالملقط<<تعرفون هالملقط له اهميه هالايام..
جااااااااك الموت ياتارك الصلاة.... :booo:
واقول رح انت ووجهك جبلي ببسي...يله يله
ويجيب لي وعلشان ما ينحاش ولد اللذين ربطته بخيط مكره...اعرف حركاته..هالهندي..

المهم ويجيب لي ببسي قوطي قلت هذا وش اسوي به؟؟<<هذا ينشب في السنون..

رح جب العائله....
ويجيب لي ببسي العائله جيت افتحه قلت موب لازم بس ما يأثر الغطا ....اقووووووووول
وابلعه بقارورته... ياحليله كنه حبوبه<<الكبسوله..<<تراها نكتت اختي تشوفها عاد الحين وتصجنا.....

المهم
واجر السلك الين اقرب الهندي لعيني....واقوله رح جبلي اسكريم وببلاش وانت ما تشوف الجاده....
ليه يوم اني اقولك فيه توصيل تقول بعشره ريال لازم.. مافيه يوصل اقل من عشره ريال...وجع بلى
وش ضارك لوانك موصلي بريالين..هه؟؟

هه شف *جنت على نفسها براقش*....
تستاهل ما جاك..

وراح يجيب لي.. بس ماش ما هنالي جابلي كرتونين بس بلعتهن علطول....ما امداني احس بطعمه.........تقل اكل بندول..
المهم وانا كل شوي اطلب منه مره بسكوت مره لبن مره عصير مره كيك...انا كنت شبعانه بس ودي احوس مريره.....

وافكر وش اطلب وش اطلب....ايييييييييييه :S_45: رح جب لي حلاو مصاص ولا تكثر بس وحده...وجابلي ولعطتها مار تكبر شوي .

واجيه مع راسه واكمخه :icon29: الين صار عيونه تسذا :icon810: ...قلت لا عاد تعودها....اذا طلبت وصل على طول موب تميصل على عمتك..<<قويه صح..هو طيب مدام طيب انتا مدام كويس :biggthump ...<<طلع الحتسي الزين..
المهم واروحه يجب طلبات....عاد هو مع كثر التفرفر بين الرفوف...انقطع الخيط الله لا يعافيه وينحاش لاخر البقاله...

انت هومار كبير انتا ما فيه كويس....توفيه.....<<يتفل علي
قلت انا توفيه...اوريك...يالهيس الاربد <<للأسف ما ادري وش معناتها....
ضمن عمره..قال هذي ما فيه امل تدخل البقاله.....
وادخل ملقطي واحورف به يمين ويسار ماش ما قدرت اوصله..واذا قربت يدي معد
اشوف..ماتكفي فتحت الباب يدي وعيني مع بعض.............

بس وراك وراك ,,والزمن طويل...






التتمه في الحلقه القادمه.....


سؤال للذكيات فقط ..

فيه شي غريب في القصه..وشو؟؟????? :confused:


اللي تجاوب لها ببسي العائله مجانا وبسكوت ابو ولد.. من راعي البقاله الهندي لا ويوصله غصب من ورا خشمه.....وكله ببلاش
ولا اقولكم لها سنه مفتوحه تطلب اللب تبي من البقاله....الا حلاو المصاص تكفون اتشاءم منه<<كذا اتشاءم؟؟ ولا كذااتشائم... :dry: