ترانــــــــي بمـــــوت

سلخيـــــــــــــر افري بــــــادي

هذا مير الله يسلمك ويخليكم لخششن ترجيكم
في يوم من ايام القيض المروح
قمت في الصبح فزعه
ماش أتنافض وقلبي ماغير يقول:طربخ طربخ
<< >>
رحت لم اميميتي في المطبخ قلتلها :
يمه الحقي على بنيتتس منيب بخير يمه وحاسه بصداع
امي: يامال السلال يالسذوب صداع وماسكتن ركبتتس يالخبله انقلعي يامال العنقز في وجهس >>يحليلها اميميتي حنون
يمه ماسذب قلبي يتنافض وراسي ثقيل حاستن اني منيب مطوله شكلي بموت
وهي الي تسمع حسيي وتصكني بالملاس على جبهتي>>صايرن شكل جبهتي من الملاس يهبل منقشه
انا شفتها صكتني قلت اكيد ماجازلها حسيي وبتقول فال الله ولا فالتس بسم الله عليتس الله ياخذتس>>ماقولكم حنون
مير تقولي::اعنبوا غيرتس دامتس بتفطسين بعد شوي وشهوله مصفقتن اختتس ومردغتها تجملي قبل تفطسين...
وانا الي يطيح وجهي براطمي في جهه وعيوني في جهه وخشمي عند كتوف اميمتي.....يوم جيت اباخذ خشمي وهي الي تقول::
وشتبين بسله السيف من زينه خليه دامتس بتفطسين
وانا الي اروح يم غرفتي وفي روايه اخرى>>جحري>>عزبتي..
>>والله ارحم


بــــــــــــــــــــــــــــــــعد شهـــــــــــــــــــــــــــــر
يمه:: ترا صحتي ماش وقلبي يتنافض وراسي سايرن ثقيل بنتتس بتموت
امي:: جعلتس الحوال الي يضرب عويناتتس اعنبوا غيرتس شهر وانتي ماغير تهرجيين علينا بذا السالفه ولا الحين مافطستي؟؟

وتقوم امي وتوديني لم الدختر >>الهوزبيتل
الدختوره:: شو حاسه....في شي عم يوجعك احكي ماتتلبكي
قلت :يمه تبي بكلتي
قالت امي:: وشتبي بها لا تعطينها خليها ماهبطت عرادتتس الا هي ....
قلتلها::راسي شو يوجعني وقلبي بدو يتنافض وعلى الهوارا الهوارا >>عشان تفهم ترى حتى حنا نعرف حتسيهم
قالتلي::شو كمان كفي.
قلت : انا بنت ابوي كف في يمحط وجهس يالبايره انسلعي تعطيني كف
وتجي امي وتقبصني من اذوني بغت تفطر علي>>اعنبوا غبرتس كفي يعني كملي>>مهيب هينه امي تعرف انقلش <<مالت عليتس.
قلت لدختوره:: بس هذا الي مافيني شي ثاني بس امي دايم تقولي ان قلبي ميت من زمااااان
وتقوم امي وتسحبني من شويشتي ونطلع برا>>حسافه ماخذيت الاشعه ولاكان ابا ابروزها في غرفتي
امي هذا شكل مصخنه غير عليتس الدخاتره صخنوا منتس وانتي مافيتس غير الوسواس
قلت اجل منضوله
>>امي::الله يعوض علي عوض الصابرين انتي شايفتن في عمرتس
شي ينضل عليه اها بس تلايطي عميان العرب مايشوفون
لاوالله الوجع ماجاني الا عقب عرس ولد قصيرتنا صنهات اكيد شافوني بالثوب البردقاني ابو فيونكه خضرا>>يحقلهم شايفين الزين كله ورا ماينضلونتس
كركركركركركركركركركركركركركركركركركركركر>>امي تضحك >>ماتلاحظون من بدايه القصه وامي حايمتن تسبدها مني مسيكينه خلوها تضحك
>>اجل ناضلينتس بسبه ثوبتس هالي ماطبه الحلا اعنبوا غيرتس كديتيه كد الشين
قلتلها والعبره خانتقتني>>ياتسبدي علي>>شوفي لي حل والله ترا ذمبي برقبتكم
وتقوم امي وتصكر درايش الغرفه والبيبان تجي يمي>>كانت بنتن سنعه وبطيعين شور امتس ترى مالتس غير شهار
حمر وجهي وقعدت اسحل عويناتي من الحيا فديت خشتي حياويه
قلتلها::مابي اعرس ذالحينه بعدين سمعت انه يتــتـن
>>وش عرسه مالت عليتس هماتس بتموتين وصحتتس مهيب كويسه والحين منطلدز
وجهتتس ياقليله الحيا

وبعد مداولات بيني وبين امي فهمتني وش سالفه شهار

والحين انا مزهبتن شنطتي والفان يزامر يصوت علي ومستعده لمتحان القبول في كليه شهار>>مفهمينها على ان شهار كليه >>لاتعلمون..

يالله فمان الله توصون على شي

م ن ق و ل