ترجمولي انا قرويه ! !

صباح الخير

عندي كم كلمه ابي اعرف معناهم؟؟


تعرفون البنات هاليومين تعرف لها كم كلمه تفرح تشخص فيها 00قال ايش نفتخر اننا عرب! !

مع الاسف اصبحت لغه الكفار هي لغه (الهاي كلاس ) وعلشان اصير راقيه وشيك لازم يكون عندي خلفيه بكم كلمه ! ! حتى لو كنت اقولهم قبل بالعربي

صارت لغتنا ثقيله وصعبه اه يالغه القران

ودي اناقش معكم السالفه اعرف انه لازم نماشي التطور لكن مو على حساب تقليل لغتنا او غيره

لما تكوون بجمعه بنات او حتى كبار بالسن تلاقي كل عشر كلمات عربي لازم كلمه بالانقليزي هذا اذا ماكنت اغلب المصطلحات بالانقليزي اللهم ادوات الاشاره والضمائر:(

وياحياتي ياللي مايعرفون انقليزي تلاقيهم مركزين يبون يحفظون كم كلمه يحسبونه مسماها عند الناس الهاي كلاس مايدرون انهم لو اخذو لغه كان ارتاحو وفهمو لغه الهاي كلاس

الحمد لله ان النقد جاء من وحده مثلي معها لغه ولا كان قالو ماحصلت

عاد ابي اعرف ردت فعلكم لما تلاحظون بعض البنات تغيرت لهجتها وصارت (مهجنه) وانتم زمان تعرفونها بلهجتها البلديه بعد00 وانها مالها كم سنه معها اللغه الممجده قصدي الانقليزيه ؟؟

انتظر ارائكم