تررن تررن باقي على زمن الوصول دقيقتان لسلامتكم ارجو ربط الاحزمه

السلام عليكم ورحمة الله وبركاته
تررن تررن باقي على زمن الوصول دقيقتان لسلامتكم نرجو ربط الاحزمه:22:
ياهلا وسهلا باخوات الغربه يالله حييهم موضوعنا اليوم فيه نوع من التشويق كل منا يستنى اللحظه هاذي على نااااااااااااااار لاتنكرون اللحظه الحاسمه لكل مغترب والله لاتلوموني من الطفش وضيقة الصدر كتبت الموضوع نكذب الكذبه ونصدقها خلونا على الاقل نحلم احلام يقظه على الاقل
وكل وحده تقول وش شعورها في هذه اللحظه وبتفصيل
انا عن نفسي ماادري وش راح اسوي بس اتوقع الناس تربط احزمتها الا انا صافه سرى قدام الحمامات ويكرم السامعين ومعلقتن العبايه السودا علي يدي تقولون واحد من كبار الشخصيا ت معلق بشت على ذراعه والحريم طق عصي على الحمام من يكشخ بلعبايه السودا اول اخخخخخخخخخخ يازينها من لحظه الله ينول بها كل مغترب ويجيني الدور بعد الطلوع الروح واعدل شهبتي واكشخ بلعبايه واتمختر بها واقعد اناظر نفسي بلمرايه مانيب مصدقه المنظر والحريم الي برا يرفسون بلباب يبوني اطلع واطلع وروح ركض اعدل شهب عيالي وانظر خشش الناس مساكين متشققين النساء والرجال الله لايشفهم وهاذي خششهم ناس رايحين سياحه :42: وناس مغتربين وشهبت بهم الغربه:22:ولاو مشهبين زوود عقب الرحله ونا من هالصنف والرجال يوزعون ابتسامات لبعض والي عينه منتفخه من النوم والي وجهه مدهن والي منكمشه ثيابه منطوول القعده :22:

تررت تررن حان وقت الهبوط الرجاء ربط الاحزمه ونربط وقلوبنا ترقع وتنزل بسلامه وروسنا تصقع بلكراسي الي قدام وتوقف الطياره والبزور مساكين يصفقون ورجال وراهم واالطياره كلها تصفق من الفرحه وصلنل الرياض اخيرا يالله والله شعور حلوووووووو يالله انك ماتحرمنا منه وترجع كل مغترب لاهله ولدياره سالم غانم يارب ياكريم
يالله كل وحده تقول وش شعورها
واقول يالغاليات تراها احلام يقظه

واذا ماعجبكم الموضووع خلوووه ينزل باحترامه الى الصفحه الاخيره

وسلامتكم:22: