حزنت والله لقصتك..الله يعينك ويصبرك
من رأيي لاتجعلين الاحساس بالذنب يوقعك بذنب أكبر وهو انك تتركين أولاد أختك لإمرأة غيرك تربيهم والله أعلم كيف تكون...
ادعي ربك يقدرك على تحمل المسؤولية وأنه يجعل بينك وبين زوجك من المودة والرحمة لجعل حياتكم سعيدة وموفقة بإذن الله..
دعواتي لك بالتوفيق،،

ياقلبي عليك والله دمعت عينى الله يرحم اختك يارب

زوج اختك انسان راقي وعظيم صعب تلقي مثله انتى الحين زوجته ياقلبي واختك اكيد اذا بتامن على عيالها عند احد ماراح تلقى احسن منك

حاولى تقعدى مع زوجك قعده مصارحه وانه لازم تبداو من جديد اتعرفي عليه وخليه يعرفك وماعليك من كلام الناس عيشي حياتك بالحلال وربي عيال اختك وبكره ربي بيرزقك با اخوان لهم تخيلي لو انك طلبتى الطلاق وراح اتزوج وحده ثانيه وطلعت مو شي وعذبت عيال اختك كيف ضميرك بيرتاح انتى الحين امهم وهم لسى صغار الحين حرام تسيبيهم اضغطى على نفسك ومن كلامك احس انك ماتكرهى زوجك بالعكس تحترميه وتعزيه هاذي بدايه حلوه

قومى الحين اتوضي وصلي ركعتين واطلبي من الله انه يساعدك وروحى عند زوجك ومعاك كاس عصير واقعدو اتكلمو عن حياتكم ولاتجيبي سيره الطلاق انتى في نعمه زوج طيب واهل زوج طيبين وعيال اختك بحضنك قولى له لازم نقرب من بعض اكثر مو لازم يصير شي بينكم اليوم او بكره او بعد اسبوع مو شي مهم اهم شي تحسو انكم متزوجين تتكلمى معاه تضحكى معاه تبكى عنده بليز طمنينى عليك والله انى اتاثرت بقصتك مررره الله يكون بعونك

نصيحتى لاتقولى استحى ما اقدر اذا مابداتى الحين ماراح تبداى وزوجك مقدر وضعك عشان كذا ساكت ومخليك براحتك جزاه الله خير

الله يرحم اختك ويغفرلها ويجعل ماجاها طهور ونور الله يرحمها

قصتك تقطع القلب وتبكي
لاتسرعين بالطلاق زوجك طيب ومافي منه بس المشكله ان وقت الزواج مو مناسب
انتم بصدمة وفاة والا بعرس حتى زوجك لما كان بعيد عنك لانه مصدوم بوفاة زوجته
يبيلكم وقت لحد ماتطلعون من الصدمه

بعدين لايأنبك ضميرك لانك مع زوج اختك صدقيني اللي سويته عشان عيالهامايتبهدلون
كل الامهات يخافون من الموت بس عشان اطفالهم مايتبهدلون

والحريم اللي يتكلمون بالطقاق فيهم اساسا اي احد غيرهم عطاك وسام في التضحيه وحبك لاختك وعيالها
والناس دايم تكلم
عمر زوجك صغير ومناسب لك
ممكن تزعلين لو كان كبير وابو عيال وانتي لسه صغيره بس الحين انتم مناسبين لبعض
وش ضمنك يمكن تزوجين واحد يسود عيشتك
الرجال الطيب في هالزمن كنز
وبما انك كارهه السالفه انا اقولك انها خيره وبتشوفين بكره ان شاءالله انتي اسعد وحده والكل بيحسدك

الله يوفقك ويصبرك ويصبر اهلك ويرحم اختك اااااااااااامين

حبيبتي لاتفكرين بالطلاق راح تندمين الطلاق مو شي سهل
والرجل مبين عليه خلوووق
اصبري وراح تعدي الايااام الصعبه ان شاء الله
اكثري من الاستغفار

الله يصبرك
بس ماشاء الله لااله الا الله
عندك زوج ونعمالزوج
فترة وتعدي يااختي
وحاولي تنسسسسسين الماضي
وابدي صفحة جديده في حياتك الزوجيه
منها ابترضيين زوجك وابترضين والديك وبترضين نفسك
وعيال اختك
الله يرحمها ويرحم موتى المسلمين صدقينى عيشى حياتك ماراح تلقين افضل منه الله يصبرك وحاولى تهتمين بعيال اختك