امي اغلى ماعندي :

ياحبيلكم يابنات حواء انا الله يسلمكن اايد التفريز بنسبة 99وثلاثة ارباع ياحليلي وش بقى من الميه يعني على بلاطه التفريز مهم جدا وبالنسبة لي افرزن السمبوسه بالدجاج واخرى بالجبن الابيض المالح واصابع العروس وايضا كفتة البطاطس سويت منها علب وايضا حشوة الدجاج اسلق الدجاج وافرمه واكشن له بصل وثوم واضيف الدجاج عليه وابشر جزر واضيفه والبهارات والملح اخليهم وقت الاستعمال واحطهم بعلب بلاستيك اللي تجي فيها الشطة الحارة حقت المطاعم بس اختار المقاس الكبير وايضا افرن صلصة البيتزا صراحه مريحه جدا ان بغيتيها للبيتزا والا للشربه بس اغلي ماء يكفي للشربه واضيف علبه واحده من الصلصة واخلي لحمة الشربه تغلي حتىالاستواء ثم اخلط الشربه بالخلاط واضيفه للمرق صراحه تجنن ايضا اكيس اللحمه شي يصير لحمة مفرومه وشي اقطعه صغار للشربه اما الحلى وما ادراك مالحلى صراحه قليل ما اسويه لان الوزن يروح فيها برمضان المشكله يا اخوات اللي ماجت على البال العام ابو الشباب جاب كرتون جبن كرفت وللحين ما قضى رغم انا نستخدمه ولكن تفاجات ان شهر شعبان راح ينتهي تاريخه وباقي منه 23 علبه حتى اني هالحين كل شوي اقدمه لعيالي المهم وش اسوي فيه هل ابشره وافرزنه واخليه بدل جبنة المواريلا هل ينفع هو ينتهي بتاريخ 11/8/2009 وش رايكم وش اسوي فيه صراحه مستصعبه كبته حرام نعمه

ياحبيلكم يابنات حواء انا الله يسلمكن اايد التفريز بنسبة 99وثلاثة ارباع ياحليلي وش بقى من الميه...