ماشاء الله لاقوه الابالله روعه وجنان
انا والله افرزن السمبسوسه وكودو التوست والبيتزا والاصابع
واطحن بسكوت واحمس حليب بودره
واقطع الدجاج وباكياس وارتاح واللحم المفروم مكيس وجاهز بس تسخين
كل يوم شوربه وحلي وعصير
والساعه 2 احط شي خفيف مع عصير وبس الحمد الله
الله يهين ويقبل منا الصيام والقيام

ماشاء الله بنات .. ربي يسعدكم و يعطيكم العافية على خبراتكم وتجاربكم الي كتبتوها بالموضوع ..

هالسنة ان الله اراد ناوية افرز معجنات للطوارئ .. بجرب حظي معاهااا
و أكيد ورق العنب عن تجربة والله تفريزه جدا مريح .. واحيانا لما يزيد عندي رز المحشي ازيد كميه الرز والبهارات واشيله بالفريزر
استخدمه بعدين في محاشي الكوسا والفلفل الأخضرر ....

و كل سنة احتاس بالخبز المحمص للسلطات و للشورباات <<< جابت لنا الكلام هههههههههههه ..
هالسنة ناوية اجهز كميه من الخبز و التوست ..
التوست اقطعه مكعبات وارش عليه شويه زيت زيتون و زعتر وادخله بصينية للفرن لين يتحمر .. اما الخبز اقطعه مربعات و على شكل اصابع الشبس الضعيفة تعطي شكل حلووو للأكل ونفس الشي ارشه بزيت الزيتون و ادخله بالفرن ..

تعرفون عجينة السبرنق رول ؟ انا اسوي منها خبزززز ناان يجنن حتى بالأيام العادية طعمهااا مابين خبز نان وخبز الجباتي
انا اخذها من مطعم هندي .. افك الشرايح واخلي كل 10 فوق بعض واحطها بكيس واخزنها بالفريز
لما احتاجها اطلعها من الليل واحطها بالثلاجة .. اسخن المقلاة و مع نتفه زيت اقلي الشرايح حبه حبه ..
ان بغيتها خبززز جنب الحمص أو المشاوي .. وأن بغيتي احشيهااااا على عدالها أو قطعيهااا لحلقات .. بس والله انهااااا روعه

عجبتني فكرة طحن البسكويت وتجهيزه .. إن شاء الله أطبقهااا

المكسرات سبحان الله ماتحلى الا برمضان سواء المملحة أو العادية لتزيين الأكلات .. من الكازو و الصنوبر والفستق المجروش و المطحون واللوز و الجوز .. هذول ماشاء الله يقوم سوقهم برمضااان .. مع طيب الذكر قمر الدين


عجينة البف باستري قسم منه اسوي أفخاذ الدجاج الكذابة وقسم بس اقطعه لأرباع و ارجع افرزه مرة ثانيه على حسب استخدامي لهاا للحلو أو للموالح ..


السمبوسة والسبرنق رول جزء احفظه مثل ماهو و جزء اغمسه بالبيض و بخلطة البروستيد .. ماشاء الله الطعم يهبل كأنه موشغل بيت

رقائق الناتشوز أو السمبوسة من دون لف للحين مارسيت على اسم لهالطريقة ههههههه : طريقتي افرد شريحة من عجينة السمبوسة و امسحها بجبن ساايل واحط فوقها شريحة ثانية ونفس الشي امسحها بجبن سايل وبالاخير احط شريحة اخيره من العجينة واقطعها مثلثات بحجم السمبوسة .. ونفس الشي اغمسها بالبيض وعقب بخلطة بروستد .. طبعا اسوي كميه واحفظها بالفريزر ولما اقليها احط جنبها صلصلة جبنة التشدر أو صلصلة الطماط .. أو حطيها مع السلطة المكسيكية تطلع روعه ..

الدجاج ما جربت افرزه وهو مطبوخ .. عادة اقطع صدور الدجاج الطازجة واقسمها بأكياااس على حسب الاستخدام للشوربات ..
وكل يومين أو ثلاث أسلق لي دجاجة و اسحبهاا استخدم جزء منها و الباقي اشيله بالثلاجة استخدمه بشي ثاني لليومين الي وراه .. مايخرب الدجاج ولاشي .. ونفس الشي بالنسبة للحم المفروم .. اسوي كميه استخدم جزء والجزء الباقي بالثلاجة واستخدمه خلال يومين بالكثير ..


السلطه : الخيار / الخس / الطماط / الجزر / الكزبرة والبقدونس .. هذول دايماااا اجهز كميه منهم كل نوع بحافظة حجمها قد الكف ما أجمدهم .. لكن أحفظهم بالثلاجة ولا تخلى منهم أبد و دائما بس يخلص منهم شي اجهزه واقطعه على طول .. استخدمهم بالسلطات و السندويشات .. وماشاء الله هالتناتيف الي يبيلها غسيل و تقطيع تاخذ وقت مثل تقطيع البصل و الثوم ..


الشوربات >>> ههههههههههههه
عادي هذي قصتها قصة عندنا اهم طبق على السفرة ولازم كل يوم نوع ولون مايصير يومين ورا بعض لهم نفس الطعم ولا نفس اللون ..و شغل شوربات ماجي و لا شعرية و صلصة ماتمشي عند ابونا :(

لازم خضروات طازجة من كل حدب و صوب .. عرفتوا ليش ارتكب هالجرم - استغفر الله - لما سألت في طريقة لتفريز الشوربة .. وأبشركم لقيت طلبي عند الأجاانب .. بجرب طرقهم هالايام ويارب تضبط

وبفرز دام هالتفريز لا حرام و لا عيب ولا ذنب ربي يحاسبني عليه ..

اختي افكارك رائعة ومفيدة
لكن بالنسبة لحفظ المشروبات بقناني الموية مايصلح لانها مجهزة لاستخدام واحد وبعدها تصير مسرطنة

بامكانك استخدام القناني الزجاجية مثل الي تجي مع العصيرات مثل عصير تروبيكانا مثلا او انك تشتري حوافظ زجاجية للحفظ افضل من الاواني البلاستيكية الغير امنة

ولعصير الليمون لا يفضل عصره قبل فترة من الاستخدام
اولا يفقد قيمته الغذائية
ثانيا يتغير طعمه


لليمون الصغير ابو زهير اذا ترغبي به للعصير بامكانك عصره مع اضافة قليل من السكر له لاجل لا يتغير طعمه وتثليجه
طعمه مايحتغير كثير لكن طبعا حيفقد قيمته الغذائية وفيتامين ج

يعطيكم الف الف عاااااااااااااااااافية وبصراحة رمضان هذا بتروح الشغالة
وهنا بيت اهل زوجى عيلة ماشاء الله الله يعين
ويساعد

دائما اقول سبحان الله رمضان شهر عباده ولا شهر اكل والدليل اننا بنسمن فى رمضان اكثر من الايام العاديه خخخخخخ

بالنسبه للمعجنات هى اكثر شى تاخذ وقت لذلك افرزنها قبل رمضان سواء اسويها بنفسي او اشترى اشياء جاهزه زي كبه الشامى ونقت والمثلجات كلها اشياء سريعه تتحمر فى دقائق

السلطات وهى المهمه تنغسل فى ماء وخل وتتقطع بشكل سريع وماتاخذ دقايق معدوده

ثانيا اللحوم والدجاج تكون مقطعه ومجهزه باكياس حسب الكميه المطلوبه
(المفروم دائما اعصجه واوزعه باكياس )

ثالثا الشربه اقطع الخضروات وهى طازجه وافرزنها(طماطم كوسه قرنبيط ,,,,,,,,,,,,,)

رابعا الثوم والبصل برضه يتقشر وينطحن ويتفرزن

خامسا الحلى فيكفى تمر والفواكهه على السفره ولأن الحلويات مضره وتسبب السكرى فانا ضد عمل الحلويات
لكن ممكن اتعطف واسوى لهم مره فى الاسبوع جبر الخواطر على الله

خامسا وهو المهم قدر الضغط هو الاساس لان معظم الطبخات الان صارت عليه تسوى ادامات الدجاج فى 10 دقائق وانتى خالصه
واديمات اللحوم والشرب تقريبا كل شغلى فى قدر الضغط
قدرين ضغط قدر سوى فيه الشرب والقدر الثانى ادام

يعنى لو حسبتى الوقت مو اكثر من ساعه فى المطبخ