جزاكم الله خير
كثير من البنات كررو طرق بعض الاشياء تعبت وانا اقرائها لذلك ارجوكم عدم التكرار
راح اقولكم على جديدي
1- بالنسبه للشيره ممكن تستخدميها للعصير المركز او بودرة العصير بدل السكر اسهل بكثير مو بس للحلويات
2-نسيتو كريب الخضروات ياخذ وقت بس يستاهل لذلك لا تنسو تعملوه وتفرزنوه
3-ميني سويتس بالجبن السائل مثل السمبوسه المثلث لفيه وجمديه بس لاتكثرو الجبن والا تسرب بالقلي وبعده غمسيها بالشيره
4-السبرنق رول ممكن حشوه بالبطاطس المقليي والجزر المقلي ومع حمس بصل وملفوف وماجي وصويا صوص ولفيها وجمديها بس امسحيها زيت وقت الاستخدام ودخليها الفرن وقلبيها لانو اذا انقلت حتشرب زيت
5-الكزبره والبقدونس افرميهم بالسكين مش بالفرامه وحطيهم بعلب محكمه بدون ما تغسلوهم بس نقوها تنقيه ووقت الاستخدام خذي الكميه المطلوبه وحطيها بزبديه مويه واغسليها وشيلي الكزبره مثلا من وجه الزبديه لا تقلبي الزبديه والا راح ترجع الاتربه فيها وكرري العمليه اللي تعجبها تدعي لصاحبتي علمتني هالطريقه من وحده سوريه نسيت اقول تحفض لمده اسبوع بالتلاجه مو بالفريزر
6-لفي منتو وجمديه لانو ياخذ وقت
ادعولي الله يهديلي اولادي ويرزقني برهم
ولاتنسو اعزمو العزاب حرام يكسرو الخاطر برمضان يشتهو الاكل الطيبخذو اجرهم بس مو كل يوم والمتئهلن لااااااااااااااااااااااااااا حوسه وكرف وووووو انتو اعرف
جزاكم الله خير
كثير من البنات كررو طرق بعض الاشياء تعبت وانا اقرائها لذلك ارجوكم عدم التكرار
راح...
وبالنسبه للعصائر الفيمتو والتانج اعملها بالجيك وافرغها في علب
عصائر المراعي الكبيره واحفظها في الثلاجه ومايتغير طعمها
ولا تاخذ مساحه لانك تخزنيها بالطول بالعرض مافيه مشكله
ولا تنسكب لان اغطيتها محكمه وذا عندك كميه من نفس العلب
خزني فيها البقوليات والهيل والقهوه الغير مطحونه افضل من الاكياس
وشكلها ارتب في المستودع ...مهم جدا الترتيب قبل رمضان حتى تعرفي وش ناقصك
والاهم تحديد قائمه بالاطباق والحلويات المقترح عملها حتى توفري مقاديرها من بدري
ولا تنشغلين في رمضان بالبحث والتسوق .هذا مالدي الان وان شاء الله لي عوده
اذا افتكرت شي.
ويارب بلغنا رمضان ومن نحب وجميع المسلمين ونحنا بصحه وعافيه