تشكيلي أبكيلك ( دعوة من القلب ) /// قديم

السلام عليكم ورحمة الله وبركاته ~
الشكوى لغير الله مذلة . .
لكن وربي خلاص طفح الكيل عندي .
هالموضوع ما كنت مخططة له ابدا . .
لكن من جد انا الحين موجوعة بشكل ما تتخيلوه .
شعري يا بنات شعرييي
كل البنات شعورهم تجنن بارك الرحمن
الا انا
شعري جاف وفروتي جافة
اشوف مواضيع لبنات يجهزوا للمدرسة . يتكلمو عن تسريحات وايش حتسوي بشعرها
انا ماعمري فكرت بهذا الشي . . مو عشان انا مهملة ولا مو فاضية . لأ
عشان شعري لا يمكن اقدر اسويي فيه هالشي
قلييييييييييييييييييييييييل
في المدرسة كل يوم كعكة . . حتى ذيل حصان استحي اسويه يبان ان شعري حبتين . . ولا ضفيرة لانه وربي زي خصلة وحدة من خصل الظفيرة !
اهلي وخالاتي وعماتي . ماعمره احد علق ولا احد حسسني من الموضوع
لكن صحباتي احياناا يتريقو عليه بقصد المزح . . أضحك معاهم وامشيها لكن من الداخل وربي موجوووعة
المشكلة ان اكلي كويس الحمد لله
وماناكل الا من البيت وولا عمري دخل بطني مؤكلات سريعة والبيبسي ما نشوفه الا بالعزايم
شعري ماصبغته الا مرتين في حياتي آخرهم قبل سنة
وما استشوره أبد الا في الزواجات والمناسبات وكلها على فترات بعيدة جدا
جربت اعتني فيه هالعطلة . .
قلت ان شاء الله ارجع للمدرسة وهو متحسن عالاقل اقدر اسويه ضفيرة . .
جلست اسويي دابر املا يوم ورا يوم . .
استحملت عفنه وريحته اللي مهما سويت تطغى على كل روايح العطور حتى جسمي صار زي ريحته
غير اهلي المساكين ريحته فاايحة في كل البيت
ايوة ما اقولكم ما اثر الكذب خيبة . .
لكن التحسن بسيييط . . طول شعري 4سم وفقط !
مع لمعة بسيطة في الشعر . . والحمد لله .. التساقط هو هو ما تغير شعري زي ماهو قليل
آخرتها استخدمت خلطة حور الجنان للتكثيف لمدة اسبوع . .
قطعت شعري تقطيع ونشففف وتساقط اكثر
كله عشان خلص علي دابر املا فزودت خروع ودوبي اقرأ ان الخروع واملا ما تجتمع واذا اجتمعت فهي خطيرة عالشعر , ,
لكن بعد فوات الاوان الحمد لله حمد الشاكرين . .
والحين ضااايق خلقي )":
حرجع للمدرسة ان شاء الله واشوف هالمناظر اللي تعور القلب يآرب لك الحمد .

المطلوب الآن ..
كل وحدة تدخل هالمكان . .
ومجربة شي على شعرها وكثفه وتكون طبيعة شعرها زي شعري
تكتبها كتب ربي لها الاجر والسعادة
ووعد مني ما انساها من الدعاء الخالص من كل قلبي