السلام عليكم ورحمة الله
هلا ومرحبا بالغاليات حياكم الله
أنا جبت الطريقة من موقع أجنبي وجربتها وانهبلت من النتيجة وعشاني أحبكم لازم أقول لكم على الطريقة وهي مو صعبة ومقاديرها متوفرة وتطلع ولا اقدع كوفي شوب حتى شوفو
.JPG)
المقادير
10 اونص فراولة مثلجة (300 غرام تقريبا)
1و 1\2 ملعقة طعام نشا
صبغة طعام حمرا – اختياري
1و 1\4 كوب بسكوت مطحون
1\4 كوب سكر
1\3 كوب زبدة مذابة
24 اونص جبنة كريم أو 680 غرام ( 38 حبة كيري أو 3 و1\2 علبة فيلادلفيا)
علبة حليب نستلة 397 غرام
3 بيض
1\4 كوب عصير ليمون مركز
الطريقة
ذوبي الفراولة وحطيها في الخلاط الكاس مع النشا واخلطي بعدين حطيه في قدر على نار متوسطة وحركي لين يثخن وضيفي الصبغة لو حبيتي، اعزلي ثلث كوب من الخلطة على جنب للوجه.
اعجني البسكوت بالزبدة والسكر وافرشيه في قاع صينية فرن دائرية قطرها 9 أنش وتكون تفتح من الجنب وسخني الفرن على 300 درجة
حطي الجبن في الطاسة حق خلاط الكيك واضربيه لين يقول توبة :D قصدي لين ينفش وضيفي الحليب والبيض والليمون وخلطي زين وصبيها على البسكوت
الحين جيبي الفراولة ويفضل تخففيها بشوي ماء وحطي بالملعقة على الخلطة البيضا بحيث تصير دوائر من الفراولة وجيبي السكين ومرريها عشان تعطي الشكل الرخامي ( مثل ما نسوي الكيكة الرخامية) أنا ما ضبطت معي عشان الخلطة كانت ثقيلة وطلت الفراولة مثل الكتل:( شايفين كيف
.JPG)
دخليها الفرن ويكون مولع من تحت وخليها على الرف الوسطي تاخذ لها ساعة تقريبا عشان تجمد
طلعيها من الفرن تكون جامدة بس ما تتحمر وجيبي الفراولة اللي عزلناها ضيفي لها شوي سكر أو مربى حسب الرغبة وزيني بها الوجه ودخليها الفريزر لثاني يوم
وهذا لكم تفضلوا
.JPG)
بالعافية عليكم ولا تنسوني من دعاكم
:27:
حفظت الطريقة وان شاء الله أجربها
تسلمين حبيبتي , الله يعطيج العافية