بسم الله الرحمن الرحيم
الكميه تناسب صينيه صغيره
وإذا بغيت أسويها في كبيره أضاعف المقادير..
المقادير:
200غ سور كريم وهذي صورتها للي مايعرفها
203682
150غ جبنة فيلادلفيا (عندي علبة300غ إستخدمت نصفها فقط)
بياض بيضتين
م ص مبشور قشر الليمون
نصف كاس مويه
3 ملاعق ك حليب بودره
ثلث كوب سكر اللي يجي مو بودره ولا خشن مره أنا إستخدمت
سكر الكستر , واللي تبي حالي أكثر تخليه نصف كوب
نقاط من الفانيلا السائله وبإمكانك تستبدليها بالبودره
الطريقه:
أول خطوه أطلع الجبنه والسور كريم قبل أشتغل فيهم عشان
يطرون ..
ثم أخفقهم مع السكر حتى يذوب وتنفش وأضيف لهم باقي
المكونات وأخفقهم حتى يتجانسوا
أجهز قاعدة التشيز كيك المعروفه في الصينيه اللي هي بسكوت
مطحون يفرك بالزبده لكن أنا هنا فركتها مع ملعقه من السور كريم
وإستغنيت عنه الزبده..
بعد كذا قسمت الخليط لثلاثة أجزاء متساويه
جزء أضفت له ملعقة كريم كراميل وخفقته
والثاني أضفت له ملعقه مليانه بودرة كاكاو
والثالث خليته ساده وصبيته أول شي في الصينيه ودخلتها الثلاجه
تبرد شويه على بال ماأجهز صينية فرن صبيت فيها مويه ودخلتها
تسخن..
ولما سخنت المويه اللي في الفرن طلعت الصينيه اللي حطيتها في الثلاجه
وصبيت فيها الجزء الثاني
من الخليط على شكل خطوط ثم الخليط الثالث أيضا على شكل
خطوط وفورا دخلتها الفرن عشان ماتتداخل الألوان وتركتها
ساعه إلا ربع لإن الصينيه صغيره..
بعد ماتماسكت وتقلصت أطرافها طلعتها من الفرن خليتها تفتر
قبل أدخلها الثلاجه وهذي صورتها بعد ماطلعتها
شوفو كيف الألوان زاهيه وواضحه
203683
203684
بعدهاجهزت حشوة الوجه المكونه من:
7 حبات فراوله مقطعه شرايح
ملعقتين سكر (إستخدمت البني)
حطيتهم في قدر عالنار حتى تبدا تذوب شويه وتطرا بس
مو تنطبخ ويتغير لونها مجرد فقط ماتبدا تطلع عصارتها
أضفت لهم ملعقه ص ممسوحه بودرة جلي بالفراوله مذوبه في
شوية مويه ساخنه تقريبا فنجان قهوه عربيه وحركتهم حتى طرت
شرايح الفراوله وبعدها خلطتهم وصارو بالشكل هذا
203685
203686
يتبع
الجوQــــرQ @algoqrq
محررة فضية
يلزم عليك تسجيل الدخول أولًا لكتابة تعليق.
ماشاء الله تبارك الرحمن طريقة حلوة وسهله ,,
والأحلى من كذا التشيز كيك رووعه شكله يشهي .,,
لاتحرمينا من روعة جديدك
والأحلى من كذا التشيز كيك رووعه شكله يشهي .,,
لاتحرمينا من روعة جديدك
الصفحة الأخيرة
وهذي صورها بس ماوضحت الألوان بالتصوير
هنا لأني إستعجلت بتقطيعها ماخليتها تكمل 4 ساعات
في الثلاجه وتبان الألوان زي الصور اللي فوق:
203687
203688
203690
كان نفسي أصورها من جوا أكثر بس مستعجله
أبي أقدمها يادوب لحقت أصور
ماشاء الله طعمها لذيذ وخفيف...
....................