ابوي متوفى الله يرحمه .. بالنسبه لإخالأتي صعب اكلمك ، مستحيل اقول كلموا اامي .عيببب وقويه في نظري . بالنسبه لاختي حولت كذا مره . تضحك بوجهي بس بظهري تطعني ، تلعب على الحبلين . شكرا ي روحي على الدعوه 

وين بنات حواء محدا رد اللى 3 . ماكتبت معاناتي هنا الا ابي حلول وتخفيف منكم ،  ودعوه صادقه من قلوبكم .. 

ادعي ربي يهديها

ام زميلتي كدا وتقول تحس بس معاها . نفس كلامك . انتي بري فيها وكلميها لوحدها قولي ليه ياامي كدا وكدا وقدام زوجك لا تجيبي سيرتها الا بالطيب مهما كان ..ترا الناس تفهم ان الحريم حتى لو مو كبيره مرا لهم شطحات غلط لا تشيلي هم وراقبي الله وادعي الله يسخرها ويحنن قلبها

اول شي اذكري الله وتعوذي من الشيطان
وبالنسبه انه مافي ردود كثير لانك من البدايه ماتبين احد يصبرك ويقول لك هذي امك عشان كذا الناس ينسحبون من الرد .. الله اعلم

وكلنا نعرف ان الام صبرك على اذاها من البر فيها ، وفيه ارضاء لله سبحانه وتعالى

{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } .. سورة الإسراء/23-25

انا اللي اكلمك مرت علي ايام قاسيه مع اهلي وبالتحديد امي ، مواقف تشبه بعض الامور في حياتك واكثر منها للايذاء النفسي والجسدي وصلت للضرب الشديد و مسكت راسي ونزلته تحت الماء بالبانيو وانا طفله وكنت راح اختنق ، وانكرت اني بنتها في احد المواقف عشان ما احرجها بمرضي لما كنت بالمتوسطه وغيره من الامور ماقدر اذكرها دمرت نفسيتي وعشت اكتئاب طويل

ولما كبرت انا اخذت قرار اني اسامح واتصالح مع نفسي وقلبي ومشاعري والتمس العذر لأمي عشان اقدر ارتاح نفسياً واعيش بسلام

وقررت اكون احسن منهم واحتسب الاجر بإن صبري على الاذى من البر وارضاء لله سبحانه وتعالى
وصرت انا ابدأ بالاحسان والكلام الطيب والمديح
واتجاهل الاساءه والاذى وابتعدت عن المشاكل حتى لما تكون موجهه لي قدام الناس وقدام اخواني واخواتي والله اني اصبر وفي داخلي نار اتقطع لكن ما افتح فمي ولا بكلمه انسحب من المكان واستغفر وابكي .

انتي فكري بينك وبين نفسك هل في داعي تغضبين رب العالمين عشان دنيا فانيه وكلام قيل وقال ؟ او تكونين بموضع كأنك في حرب مين ينتصر ومين الصح والغلط ؟

يكفي ان الام حملت 9 شهور وتحملت الام الولاده ورضعت سنتين وربت ودرست وعلمت وغسلت ونظفت تحتك وسهرت وانحرمت من الراحه والنوم عشان اطفالها كل هذي الامور وقت كنا صغار تكفي اننا ناكل هوا ونسكت ونتحمل لو تحط رجولها على رقابنا .. عشان يرضى علينا رب العالمين حتى لو الاذى يألمك في داخلك او تشعرين بأنك ماتحبين تصرفاتها .

وتذكري بإن برك في والدينك طريق للجنه والتيسير في الدنيا وزرع تحصدينه في اطفالك بمعاملتهم وبرهم فيك .

ابدأي صفحه جديده في حياتك عنوانها التسامح والتصالح والعفو والاحسان والكلمه الطيبه والصبر على الاذى احتساب للاجر عند رب العالمين وارضاء له

وبإذن الله تشوفين التيسير في حياتك والراحه النفسيه

ولا تشيلين هم صورتك وسمعتك قدام الناس لان الناس ليسو اغبياء او سذج الشخص يُعرف من معشره الطيب ومعاملته واسلوبه مع الناس ..
حتى كلامك واسلوبك عن امك قدام الناس سواء خير او شر الناس تحكم عليك منه فأحسني القول والفعل ولا تظهري السوء امامهم ولا حتى امام زوجك فبعض الرجال فيهم حكمه وعقل يفهم مايحتاج احد يفهمهم وقد يحكم عليك حكم سيء بسبب كثرة الكلام في المشاكل

اسأل الله ان يشرح صدرك وييسر امرك ويفرج عنك كربك