أم إمورتي :

بس مره صار نفس كلأمك زوجي سوا عزيمه .لأهله . وانا م عزمت اهلى امي زعلت صارت تقول للناس زعلانه وشرهانه ان محد عزمني .. وهالمره قلت اعزمها عشان مما تهرج فئني عند الناس .. لأسف في هالحالتين ماني سلمأنه منهاا .. الشيء الثاني لما يصير عشاء عند اهلى سوا بالبيت او الاستراحه اخواني ما يدقون امي هي اللي تدق تعزمه .. وبعض الأحيان يعزموني وهو محد يعزمه .. اإنا عقلي كبير وافكر بلاموار مليون مره قبل اسويهاااا ...    ؤبعدين امي قبل تدق على زوجي وتشتكي مني له .. تدق عليه وتشاله عن األاستراحه .. كلها زي بعض . بس هي الله يهديها ....

بس مره صار نفس كلأمك زوجي سوا عزيمه .لأهله . وانا م عزمت اهلى امي زعلت صارت تقول للناس زعلانه...

عواطف تركي :

اول شي اذكري الله وتعوذي من الشيطان وبالنسبه انه مافي ردود كثير لانك من البدايه ماتبين احد يصبرك ويقول لك هذي امك عشان كذا الناس ينسحبون من الرد .. الله اعلم وكلنا نعرف ان الام صبرك على اذاها من البر فيها ، وفيه ارضاء لله سبحانه وتعالى { وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } .. سورة الإسراء/23-25 انا اللي اكلمك مرت علي ايام قاسيه مع اهلي وبالتحديد امي ، مواقف تشبه بعض الامور في حياتك واكثر منها للايذاء النفسي والجسدي وصلت للضرب الشديد و مسكت راسي ونزلته تحت الماء بالبانيو وانا طفله وكنت راح اختنق ، وانكرت اني بنتها في احد المواقف عشان ما احرجها بمرضي لما كنت بالمتوسطه وغيره من الامور ماقدر اذكرها دمرت نفسيتي وعشت اكتئاب طويل ولما كبرت انا اخذت قرار اني اسامح واتصالح مع نفسي وقلبي ومشاعري والتمس العذر لأمي عشان اقدر ارتاح نفسياً واعيش بسلام وقررت اكون احسن منهم واحتسب الاجر بإن صبري على الاذى من البر وارضاء لله سبحانه وتعالى وصرت انا ابدأ بالاحسان والكلام الطيب والمديح واتجاهل الاساءه والاذى وابتعدت عن المشاكل حتى لما تكون موجهه لي قدام الناس وقدام اخواني واخواتي والله اني اصبر وفي داخلي نار اتقطع لكن ما افتح فمي ولا بكلمه انسحب من المكان واستغفر وابكي . انتي فكري بينك وبين نفسك هل في داعي تغضبين رب العالمين عشان دنيا فانيه وكلام قيل وقال ؟ او تكونين بموضع كأنك في حرب مين ينتصر ومين الصح والغلط ؟ يكفي ان الام حملت 9 شهور وتحملت الام الولاده ورضعت سنتين وربت ودرست وعلمت وغسلت ونظفت تحتك وسهرت وانحرمت من الراحه والنوم عشان اطفالها كل هذي الامور وقت كنا صغار تكفي اننا ناكل هوا ونسكت ونتحمل لو تحط رجولها على رقابنا .. عشان يرضى علينا رب العالمين حتى لو الاذى يألمك في داخلك او تشعرين بأنك ماتحبين تصرفاتها . وتذكري بإن برك في والدينك طريق للجنه والتيسير في الدنيا وزرع تحصدينه في اطفالك بمعاملتهم وبرهم فيك . ابدأي صفحه جديده في حياتك عنوانها التسامح والتصالح والعفو والاحسان والكلمه الطيبه والصبر على الاذى احتساب للاجر عند رب العالمين وارضاء له وبإذن الله تشوفين التيسير في حياتك والراحه النفسيه ولا تشيلين هم صورتك وسمعتك قدام الناس لان الناس ليسو اغبياء او سذج الشخص يُعرف من معشره الطيب ومعاملته واسلوبه مع الناس .. حتى كلامك واسلوبك عن امك قدام الناس سواء خير او شر الناس تحكم عليك منه فأحسني القول والفعل ولا تظهري السوء امامهم ولا حتى امام زوجك فبعض الرجال فيهم حكمه وعقل يفهم مايحتاج احد يفهمهم وقد يحكم عليك حكم سيء بسبب كثرة الكلام في المشاكل اسأل الله ان يشرح صدرك وييسر امرك ويفرج عنك كربك

اول شي اذكري الله وتعوذي من الشيطان وبالنسبه انه مافي ردود كثير لانك من البدايه ماتبين احد يصبرك...