تصريفه تصريفتين والنتيجه جاب العيد!

السلام عليكم ورحمة الله وبركاته

طبعاً تعرفون ان تلفون البيت أغلب الأحيان لو تدق على رقم بيت اكيد يابيرد ولد يابنت

يا رجال يابزر ياشغاله يعني تلفون بيت كل مهب ودب بيرد عليك أهااااااا وصلنا لمربط الفرس

هذا تلفون بيتنا والله اني اترحم عليه اقول ياعزتي للي بيدق علينا من بعد صلاة المغرب وورى

من بعد صلاة المغرب وراكان راجن عنده يطالع التلفزيون شوي ويعض جيجو ويكفخها ويشيلها شوي

ذاك اليوم انا كنت جالسه بالصاله العب على جيجو شوي الا دق التلفون قلت راكان رد قال اثلاً انا بلد عليه

شوي الا راكان وعليكم الثلام:55: انا طيب وث تبين (لعد) (( يقصد رعد)) نايمه والرقم علط وسكر السماعه وانا عيوني

مبلقتها قلت وانا هنا ماتشوفني ويسفهني >>>> يسوي نفسه ثقيل وأحيانا يجلس يطقها سالفه مع زميلاتي

إذا كنت مانيب عنده

وأمس دقت وحده تسال علي ونفس السالفه من اللي يرد راكان عارفينه البنات يستانسون على سواليفه

المهم رد عليها وهي ما تحب البزارين يردون وتنازر بسرعه ياراكان روح ناد رعد قال اصلا لعد

في مكه >>>>>>>> نصبه واضحه مثل عين الشمس :41:يوم جمعه وين اروح لمكه المهم عدت هذي على سلام

ودايم اقول راكان لا يرد على التليفون مره تخيلوا على اخر لحظه يقول حلاس بديكم اخذالقطوه واعلمس

عيالة لعد ههههههههههههه يوم شفته قال عياره قلت حدك تبي تطلع خزاوينا يالخبل

لاعااااااااااااد اشوفك ترد 00 ومره كنت جالسه ودق التلفون على طول رفع السماعه الو وعليكم الثلام

لعد ويطالعني ----->:42: وأأشر له اسوي حركه اني نايمه قال لعد تقول انها ماتت هههههههههه

ياربيه قلت اقول قم بس قم واسلم على البنت قلت بغيت اصرفك وجاب اخوي العيد

ومره كنا متجمعين يعني عندنا اجتماع العائله واخواني يقفلون جوالاتهم أحتراماً لأبوي شوي الا دق التلفون

ويرد راكان قال من تبي احوي قام اخوي يشر لراكان اني مانيب فيه قال اثمع احوي يقول مانيب فيه :42::42:

مع الثلامه 00000!

دايم مجنن خلق الله مره دقت اختي على بقاله قريبه من عندنا فيها سوداني تطلب منها المهم وراحت

اختي جاء هو بعدها وعاد الرقم وطاح في السوداني وسولف معه وفي النهايه تهاوش معه تخيلوا يقول له

أوليك يا ابو كلشه وسكر السماعه وربي ان السوداني زعل قال الطلب ماتوصلونه ههههههههههههه:11:

ومره والله جاب العيد زعلان علينا وشك عيايرنا على عمي يوم دق علينا لا ومخربها قايل عيارته بعد:30:

معنا >>>> بازن بعيارته

تحياتي للجميع
رعد الجزيره‏02:00 ص ‏19/‏01/‏1425