السلام عليكم ياحلوين كيفكم ان شاء الله طيبين
اليوم راح انزل لكم تطبيق لأيدام هندي اسمه ( جَلي جَلي )
وبصراحه طعمه رووووعه ولذيذ جدا
للاخت دلع الله يجزاها خير ويخلي ايامها كلها دلع في دلع
بس طبعا انا حطيت كاس صغير لبن لو كان عندي زبادي كان اضفت الزبادي
لان الوصفه الاصليه مافيها لا لبن ولا زبادي
وطبعا معروف الاكل الهندي يعتمد على الزبادي او اللبن
للاخوات اللي من دول ثانيه انا اتكلم عن اللبن مو الحليب
لا للبن الحامض << مسويه تفهمين اللحين
وطبعا راح انزله بالصور
المقادير اللي تحتاجينها
صدور دجاج
كاس لبن صغير او علبه زبادي << هذي اضفتها انا وكانت مغيره الطعم لاني اضفته اخر شي وحسيت بالفرق
4 ملاعق نشاء
ذوبتها في كاسين مويه يعني ملعقتين نشاء لكل كاس
1م معجون طماطم
1م كاتشب
2م صلصة صويا
2 م شطه سومطره << وهذي اضافه من عندي عشانها حااااره وطلعت ولا اروع
3 صحون مجوفه صغيره واحد مليان بقدونس مفروم وواحد صحن شبت او شبنت او شيح كلها مسميات للشي واحدمفروم وواحد صحن كزبره خضراء مفرومه <<< طبعا هالاعشاب المطيبه للاكل الكل يعرفها انا اضفتها من عندي لاني مااستغني عنها ابدا وهي لها دور كبير فالطعم اللذيذ
2 بصلات متوسطه
2 طماطم وسط
1 فلفل رومي << برضوا انا اضفته لان نكته يم يمي
2 فلفل حااار << حسب الرغبه بس خار عشانه هندي
ثوم
وزنجبيل مفروم
ملح النكهه وماجي وبهارات مشكله وبهارات الكاري وملون طعام بالزعفران
زيت
طبعا انتم تشوفون المقادير كثيره بس هي مو كثيره بس انا عندي ذمه بزياده خخخخخخخخخخخخخ
اكتب كل كل شي
بالتطبيق بتشوفون انها سهله مرررره
يلا مع الصور
هنا قطعت الدجاج مكعبات صغيره نفس حجم مكعب الماجي
وبرضوا قطعت البصل والفلفل الرومي والزنجبيل والثوم والفلفل الحار والطماطم
313230
وهنا حطيت زيت في المقلاه وحطيت فيها قطع الدجاج
313231
وهنا حطيت البصل والفلفل الرومي والزنجبيل والثوم والفلفل الحار والطماطم وملح النكهه وماجي وبهارات مشكله وبهارات الكاري وملون طعام بالزعفران ومعجون طماطم وكاتشب وصلصة صويا وشطه سومطره
ونص كاس مويه وخليتها تغلي زي لما تسووين صلصه بس محليها ملون الطعام مخليها صفراء مثل الكاااري الهندي
313232
بعد مانضج الدجاج حطي عليه الكاسين مويه مذوبه فيهم 4 ملاعق نشاء
وخليت النار مرتفعه عشان يجمد النشاء وجمد بسرعه وصار الدجاج موجود بخلطه ثقيله مره
يعدين جبت الصلصه اللي انا مسويتها وصبيتها على الدجاج وقلبته وخليته على نار هاديه واقلبه كل شوي
لمدة 5 او 8 دقايق وبعدين ذقته وعاد انا احب الماجي زودت ماجي وحطيت ملح زياده وبعدين حطيت اللبن
وحطيت الاعشاب اللي هي بقدونس وكزبره وشبت او شيح زي ماتسمونه وبعدين قلبته قلبتين وطفيت عليه
313236
وهنا سويت رز ابيض
313237
وخلاص وجاء وقت التحضير وخلص الطبق وسويت معه سلطه وشطه حاره ولبن
وهذا رابط الموضوع الاصلي
الله يعطيها العافيه اخت دلع
http://forum.hawaaworld.com/showthread.php?t=2513615
يتبع الصور
وبالعافيه على قلوبكم
313239