بسم الله الرحمن الرحيم
السلام عليكم ورحمة الله وبركاته
لي فترة وانا مدمنه على بسبوسة اختي الغالية ام عبودي الله يعطيها الف عافية
مدري والله اذا طريقتها موجوده في المنتدى ولا لا بس انا بقول لكم عليها واذا موجوده خير وبركه واذا مو موجوده جربوها بتدمنون عليها ..... مرررررررره روووعه
اولا هذي صورتها
مقاديرها
1 كاس حليب بودره
1 كاس سميد
ينحمسون مع بعض الين يصير لونهم اشقر
وبعدين نضيف لهم
1/2 كاس سكر
1/2 كاس زيت
4 بيضات + فانيليا
م ك بيكنج بودر
ونحطها في صينية كبيرة شوي بحيث ما يزيد ارتفاعها عن 1 سم لأنها بترتفع مع الخبز
ونخبزها عادي ... وبعدين نسقيها شيره او نستله اللي تحبين ... وبالعافية ...
وتراني علمتكم ... نهايتها ادماااااان
